Jean 2:24 - NYANMIƐN NDƐ'N 1998

²⁴ Sanngɛ ɔ'a yi-mɛn i wun ase a man-man be, yɛlɛ kɛ ɔ si be kwlaa be klun akunndan'n,

Nyanmien nde Ufle

²⁴ Sannge wa yi'e i wun asé a ma'an bé, yele ke o si bé kwlaa bé klun akunndan'n,

Jean 2:24 ပူးပေါင်းရင်းမြစ်များ

1 Famiɛn Mun 8:39

kɛ a o ɔ tranwlɛ nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa mun-ɔn.

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Matthieu 9:4

Jésus wunnin be akunndan'n, nan ɔ'a se kɛ: «?Nguɛ ti yɛ amun akunndan'n ti tɛ sɔ-ɔ?

Marc 2:8

Kpɛkuun Jésus wunnin be akunndan'n, nan ɔ'a se be kɛ: «?Nzu ti yɛ an bu akunndan kɛ nga sa-a?

Jean 1:42

Ɔ fɛ i ɔli Jésus wun lɔ. Kɛ Jésus wunnin i'n, ɔ seli kɛ: «Be flɛ wɔ kɛ Simɔn, a ti Zan wa, kɛ ɔ fin ndɛ'n, be ´flɛ wɔ kɛ Sefas bɔ i bo yɛlɛ Piɛr.»

Jean 16:30

Siɛn'n, y'a wun i wlɛ kɛ a si sa'n kwlaa, ɔ ti-man bɔ be usa wɔ sa kun-ɔn. I sɔ'n ti yɛ e lafi su kɛ Nyanmiɛn yɛ ɔ sunmannin wɔ nin-ɔn.»

Jean 21:17

Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»

Jean 4:16

Ɔ seli i kɛ: «Ko flɛ ɔ́ wun nan an bla.»

Jean 5:42

N si amun, n si kɛ an klo-man Nyanmiɛn.

Jean 6:15

Kɛ Jésus wunnin kɛ be su wa trɛ sie i famiɛn'n, i ngunmin sɛ i sin ɔli kpɔlɛ'n su lɔ ekun.

Jean 6:64

Sanngɛ sran wie'm be o amun nun bɔ be su lafi-man su. Afin kɛ ɔ fin i bo bolɛ nun'n, Jésus si be nga be su lafi-mɛn i su'n nin sran ng'ɔ ´fɛ i man sran mun'n.»

Sa nga bé yôli'n 1:24

Yɛ be kan kleli Nyanmiɛn kɛ: «Nannan Nyanmiɛn, ɔ bɔ a si sran'm be kwlaa be anwlɛn'n, sran nnyɔn nga, kle ye be nun kun nga a fɛli i'n,

Sa nga bé yôli'n 15:8

Nyanmiɛn b'ɔ si sran'm be anwlɛn nun'n, ɔ fɛ i Wawɛ'n mannin be kɛ ɔ fa mannin ye'n sa, i sɔ'n kle kɛ ɔ'a sɔ be nun.

Mmla'n 31:21

Kɛ be ko yo sɔ bɔ sa yalɛ nin nyrɛnnɛn sa'm be ko tɔ bé su'n, jue nga yɛ ɔ ´yo min nin be e afiɛn lalofuɛ-ɔ. Afin jue sɔ'n ɔ su jaso-man be osu nunfuɛ'm bé nuan nun. Kɛ e ´se yɛ'n bɔbɔ, sa nga bɔ be ju mɛn nga n tali be nda kɛ n ´fa man be'n i nun lɔ-ɔ be ´yo'n, i akunndan ng'ɔ o bé ti nun'n, n si i.»

Hébreu 4:13

Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»