Jean 2:18 - NYANMIƐN NDƐ'N 1998

¹⁸ Zuif'm be usɛli i kɛ: «?Nguɛ atrɛ yɛ a wa yi kle e ti yɛ a yo sɔ-ɔ?»

Nyanmien nde Ufle

¹⁸ Juif'm bé use i ke: ?Nzu atre ye a wa yi klé é ti ye a yô soo?

Jean 2:18 ပူးပေါင်းရင်းမြစ်များ

1 Famiɛn Mun 13:3

Le kunngba sɔ nun'n, Nyanmiɛn i nuan ijɔfuɛ'n kan guali su kɛ: «Nzɔliɛ ng'ɔ kle kɛ Anannganman'n yɛ ɔ kannin ndɛ sɔ'n sakpa'n yɛ ɔ o yɛ: sraka yiwlɛ'n i nun wa kpaci, kpɛkuun nzuɛn ng'ɔ o su'n wa sanndi lika'n nun .»

Ezipt Lɔ Tulɛ'n 7:9

«Sɛ famiɛn'n se amun kɛ amun yi atrɛ'n, Moiz, kan kle Aarɔn man ɔ fɛ i kpɔnman'n nan ɔ `to yi i asiɛ wun famiɛn'n i nyrun lɛ, kpɛkuun kpɔnman'n wa kaci wuo.»

Matthieu 21:23

Jésus ɔli Nyanmiɛn i sua'n nun lɔ. Kɛ ɔ ´kle like'n, Nyanmiɛn nyrun jranfuɛ dandan nin mɛn kpɛnngbɛn'm be wa usɛli i kɛ: «?Wan dunman nun yɛ a yo sa nga mun-ɔn? ?Yɛ wan yɛ ɔ tuli wɔ kɛ a yo-ɔ?»

Marc 8:11

Farizifuɛ'm be bali kpɛkuun be nin Jésus su si akplowa. Be waan be kɛn i nian ti be seli i kɛ ɔ yi nyanmiɛn su lɔ atrɛ kun.

JÉSUS-CHRIST I DYASIN FE'N BO LUC KLELI'N 11:29

Kɛ sran'm be yiali kpanngban'n, Jésus seli be kɛ: «Ajulisufuɛ nga'm be ti tɛ, be waan be `yi atrɛ kle be sanngɛ be su yi-man atrɛ fi kle-man be, san Zonas liɛ'n cɛ .

Jean 1:19

An `nian, i nun nga Zerizalɛm Zuif'm be yili Nyanmiɛn nyrun jranfuɛ wie mun nin Levifuɛ wie mun kɛ be ko usa Zan kɛ wan yɛlɛ i'n, ndɛ ng'ɔ kannin'n yɛ.

Jean 1:25

be usali Zan kɛ: «?Sɛ a ti-man Krist nin Eli nin Nyanmiɛn nuan ijɔfuɛ'n, nguɛ ti yɛ a yo sran'm be batɛm nin-ɔn?»

Jean 6:30

Ɔ man be usɛli i ekun kɛ: «Atrɛ onin yɛ a ´yi kle ye bɔ e ´wun i nan y'a lafi ɔ su-ɔ? ?Yɛ nguɛ like yɛ a wa yo-ɔ?

Sa nga bé yôli'n 4:7

Kɛ be ko fa Piɛr nin Zan bali'n, be jrannin be be afiɛn lɛ nan b'a usa be kɛ: «?Ɔ yo sɛ yɛ an kwla yo sa nga-a? ?Yɛ wan dunman nun yɛ an yoli-ɔ?»

Sa nga bé yôli'n 5:28

«?Y'a wla-man amún su nun kpa kɛ nán man an kle like bian sɔ'n i dunman nun kun? Sanngɛ nian, amu'an fa amun ndɛ sɔ'n b'a tru Zerizalɛm klɔ'n nun, an klo kɛ amun ´fa bian sɔ'n i wie ndɛ'n gua e su!»