Jean 2:11 - NYANMIƐN NDƐ'N 1998

¹¹ Sa sɔ'n yoli Kana lɔ. Galile mɛn'n nun. Yɛ ɔ ti atrɛ bɔ Jésus yili be'n be nun klikli nin-ɔn. Ɔ yili i wun nglo yɛ i sɔnnzɔnfuɛ'm be lafi i su-ɔ .

Nyanmien nde Ufle

¹¹ Sa so'n yôô Cana Galilée men'n nun. Ye o ti atre bo Jésus yii bé'n bé nun kliklio. O yili i wun nglô, nan i sonnzonfue'm ba lafi i su.

Jean 2:11 ပူးပေါင်းရင်းမြစ်များ

1 Famiɛn Mun 17:24

Yɛ bla'n seli Eli kɛ: «Nanwlɛ, kannzu a ti Nyanmiɛn nuan ijɔfuɛ sakpa. Ndɛ nga a kan'n ɔ fin Nyanmiɛn sakpa.»

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 96:3

Amun `kɛn i nyrun b'ɔ lɛ i'n i ndɛ sin nvle-nvle'm be kwlaa nun. Amun `kɛn i abonuan sa mun kle sran'm be kwlaa.

Ezipt Lɔ Tulɛ'n 14:31

Kɛ Izraɛlfuɛ'm be wunnin Anannganman i tinmin dan bɔ i ti ɔ kwlali Eziptfuɛ mun'n, bé nyin yili i. Be lafili i su, yɛ be lafili i sufuɛ Moiz su wie.

Ezipt Lɔ Tulɛ'n 4:9

Sɛ a yi atrɛ'n i nnyɔn su'n nan be waan be lafi-man ɔ su ekun'n, nan be waan be tie-man ɔ ndɛ'n mlɔnmlɔn'n, sa nzue Nil nzue ba'n nun guɛ i asiɛ ba'n su. Nzue nga a sali'n ´kaci mmoja.»

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Ezai 40:5

Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Malasi 2:2

«Sɛ amu'an fa-man mín nuan su ndɛ'n, nan amu'an kplin-man amún nyin b'a manman-man min'n, m ´bo amun sannzan. Muae nga n ko man amun'n, n ´fa nyrɛnnɛn n ´kaci i, yɛlɛ kɛ sa fi lo-man amun.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 1:43

Kɛ i aliɛ cɛnnin ekun'n, Jésus waan ɔ ´kɔ Galile mɛn'n nun kpɛkuun ɔ wunnin Filip, yɛ ɔ seli i kɛ: «Bla wa su n su.»

Jean 1:50

Jésus seli i kɛ: «Kɛ bɔ n seli wɔ kɛ n wunnin wɔ figie'n bo lɔ'n ti yɛ a lafi n su-ɔ. Sa nga a wa wun be'n, be wa bo ɔ́ nuan tra nga!

Jean 10:41

Sran kpanngban be bɛli i wun lɛ, yɛ be seli i kɛ: «Zan ɔ'a yi-man atrɛ fi sanngɛ bian nga i wun ndɛ ng'ɔ kannin'n, i kwlaa sɔ'n ti nanwlɛ.»

Jean 11:15

Amun ti kɛ n nun-man lɔ'n ɔ yo n fɛ, i sɔ'n nun yɛ amun ´lafi n su-ɔ. Sanngɛ man e wɔ i wun lɔ.»

Jean 11:47

Yɛ Nyanmiɛn nyrun jranfuɛ dandan mun nin Farizifuɛ'm be nin jɔlɛ difuɛ dandan mun be seli be kɛ: «E yo bian nga sɛ? Afin ɔ yi atrɛ kpanngban.

Jean 12:18

I sɔ'n ti sran kpanngban be bɛli i atin kpalɛ, afin be tili i atrɛ ng'ɔ yili'n.

Jean 12:37

Ɔ yili atrɛ kpanngban kpa be nyrun, sanngɛ ɔ nin i sɔ ngba'n, b'a lafi-mɛn i su.

Jean 12:41

Ezai kannin sɔ yɛlɛ kɛ ɔ wunnin nyrun nga Jésus lɛ'n, kɛ ɔ wunnin i sɔ'n yɛ man ɔ kannin Jésus i ndɛ nin-ɔn .

Jean 14:13

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su .

Jean 16:27

afin e Si'n bɔbɔ klo amun. Ɔ klo amun yɛlɛ kɛ an klo min, yɛ an lafi su kɛ Nyanmiɛn yɛ ɔ sunmannin min-ɔn.

Jean 16:30

Siɛn'n, y'a wun i wlɛ kɛ a si sa'n kwlaa, ɔ ti-man bɔ be usa wɔ sa kun-ɔn. I sɔ'n ti yɛ e lafi su kɛ Nyanmiɛn yɛ ɔ sunmannin wɔ nin-ɔn.»

Jean 2:1

Kɛ ɔ yoli sɔ b'ɔ dili le nsan'n, sran wie waan ɔ su fa atɔnvlɛ Kana lɔ, Galile mɛn'n nun. Jésus i nin'n wo lɛ wie.

Jean 2:23

Kɛ Jésus o Zerizalɛm lɔ Delɛ-cɛn'n nun bɔ be wunnin atrɛ b'ɔ yili be'n, sran kpanngban be lafili i su.

Jean 4:3

Kɛ Jésus tili kɛ b'a ti'n, ɔ jao Zide ɔli Galile mɛn'n nun ekun.

Jean 4:46

I sin ɔ ɔli Kana b'ɔ o Galile mɛn'n nun i nun lɔ ekun, lɛ yɛ laa ɔ fa nzue kacili nzan nin-ɔn. Famiɛn'n i sran kaklaka kun wo Kapɛrnaɔm lɔ, i wa yasua'n tɔli tukpacɛ.

Jean 4:54

Kɛ Jésus fin Zide bali Galile'n, i atrɛ nnyɔn su b'ɔ yili'n yɛ ɔ o lɛ-ɔ.

Jean 5:23

nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

Jean 6:14

Kɛ sran'm be wunnin atrɛ sɔ'n bɔ Jésus yili'n, be seli kɛ: «Nanwlɛ, bian nga yɛ ɔ ti Nyanmiɛn nuan ijɔfuɛ bɔ be kɛnnin i ndɛ kɛ ɔ ´ba mɛn'n nun wa nin-ɔn .»

Jean 6:2

Sran kpanngban kpa be suli i su, yɛlɛ kɛ be wun tukpacɛfuɛ'm b'ɔ yoli be juejue atrɛ nun'n.

Jean 6:26

Jésus seli be kɛ: «Nanwlɛ, sa ti bɔ an kunndɛ min'n, nán atrɛ bɔ an wunnin be'n ti-ɔ, sanngɛ like bɔ an dili bɔ amun ku yili'n ti-ɔ.

Jean 6:30

Ɔ man be usɛli i ekun kɛ: «Atrɛ onin yɛ a ´yi kle ye bɔ e ´wun i nan y'a lafi ɔ su-ɔ? ?Yɛ nguɛ like yɛ a wa yo-ɔ?

Jean 7:31

Sran sɔ'm be nun lɔuun kpa be lafili i su, yɛ be seli kɛ: «?Sɛ Krist ba'n, ɔ ´yi atrɛ tra bian nga liɛ'n?»

Jean 9:16

Farizifuɛ'm be wie'm be seli kɛ: «Bian sɔ'n ci-man wunmiɛn-delɛ-cɛn'n, ɔ man nán Nyanmiɛn yɛ ɔ sunmɛnnin i-ɔ.» Be wie'm be kusu be waan: «?Sɛ sran kun ti sa tɛ yofuɛ'n, ɔ yo sɛ yɛ ɔ kwla yi atrɛ kɛ nga sa-a?» Kpɛkuun b'a bu bé wun nun.

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Mmla'n 5:24

be seli min kɛ: «Kɛ Anannganman e Nyanmiɛn'n i dan fa ti ju'n, ɔ'a fa kle ye, yɛ ɔ'a yi i wun nglo nyannyannyan ɔ'a kle ye. E tili i nɛn'n sin'n nun. Ndɛkɛn y'a wun kɛ kannzu Nyanmiɛn kwla ijɔ kle sran kpɛkuun sran sɔ'n ɔ wu-man.

1 Jean 5:13

N klɛ ndɛ sɔ'n blɛli amun nan amun bɔ an lafi Nyanmiɛn Wa'n su'n, an si kɛ an lɛ anannganman nguan.