Jean 18:4 - NYANMIƐN NDƐ'N 1998

⁴ Jésus b'ɔ si sa nga be su wa yo i'n i kwlaa'n, ɔ wunngeli bé wun lɛ nan ɔ'a usa be kɛ: «?An su kunndɛ wan?»

Nyanmien nde Ufle

⁴ Jésus b'o si sa kwlaa nga bé su wa yôé'n, o wunngé bé wun le o usaa bé ke: ?An su kunnde wan?

Jean 18:4 ပူးပေါင်းရင်းမြစ်များ

1 Famiɛn Mun 18:10

N kan Anannganman ɔ Nyanmiɛn'n, nvle fi annzɛ mɛn fi nun-man lɛ bɔ mín min'n ɔ'a sunman-man sran nun kɛ be ko kunndɛ wɔ-ɔ. Sɛ be se i kɛ a nun-man lika kun'n, ɔ yo man famiɛn nin mɛn sɔ'n nun sran'm bɔ be kan sɔ'n be di amuɛn kɛ b'a wun-man wɔ.

Neemi 6:11

N tɛli i su kɛ: «N ti-man sran nyrun wanndifuɛ. ?Sɛ sran kɛ min sa ɔ wlu Nyanmiɛn i sua nun'n, nán wulɛ cɛ yɛ ɔ ´wu-ɔ? N wlu-man lɔ!»

Jue Mun 27:3

Sɛ alɛ kunfuɛ akpasua dan kun bo sin yia min kɛ be nin min ´kun'n, srɛ bɔ kaan sa su kun-man min. Kɛ be ´fa alɛ wla min sin'n, wuun blɛ li yɛ min wla'n ɔ su gua ase-ɔ.

Jue Mun 3:6

N la n lafi cɛ, kpɛkuun n tinnge, afin Anannganman suan mín bo.

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 26:2

«An si kɛ ɔ ka le nnyɔn Delɛ-cɛn'n i dilɛ'n ´ju, be wa fa m bɔ n kacili Sran'n man sran mun kɛ be `bobo min waka'n su.»

Matthieu 26:21

Kɛ be ´di like'n, ɔ seli kɛ: «Nanwlɛ, amun nun kun wa fa min man sran mun.»

Matthieu 26:31

Yɛ Jésus seli be kɛ: «Ndɛ kɔnguɛ nga amun kwlaa amún ti nun wa saci min ti, afin be klɛli i kɛ: ‹M ma bo bua tafuɛ'n, yɛ bua fa sɔ'n be ´bo sanndi .›

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

Jean 13:1

Jésus sili kɛ i mɛn'n nun wa tulɛ'n nin i Si sin kɔlɛ'n ɔ'a ju, i sin nan b'a bo Delɛ-cɛn'n dilɛ'n bo. Kɛ ɔ fin i bo bolɛ nun'n, Jésus klo i fuɛ nga be o mɛn'n nun'n, ɔ klo be lele guɛ i ti nin i bo.

Jean 13:11

Jésus si sran ng'ɔ ´fɛ i man sran mun'n ti yɛ ɔ seli kɛ be ngba be ti-man yɛiin nin-ɔn.

Jean 18:5

Yɛ be tɛli i su kɛ: «Jésus b'ɔ fin Nazarɛt'n yɛ e kunndɛ i-ɔ.» Ɔ seli be kɛ: «Min yɛ.» Zidas b'ɔ fɛ i mannin sran mun'n, ɔ nin be yɛ be o lɛ-ɔ.

Jean 18:7

Jésus usali be ekun kɛ: «?An su kunndɛ wan?» Be seli kɛ: «Jésus b'ɔ fin Nazarɛt'n yɛ e kunndɛ i-ɔ.»

Jean 19:28

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»

Jean 6:64

Sanngɛ sran wie'm be o amun nun bɔ be su lafi-man su. Afin kɛ ɔ fin i bo bolɛ nun'n, Jésus si be nga be su lafi-mɛn i su'n nin sran ng'ɔ ´fɛ i man sran mun'n.»

Sa nga bé yôli'n 2:28

A kleli min nguan atin'n. Sɛ a ba min wun lɛ'n, kpɛkuun n klun ´jɔ dan kpa .›

1 Piɛr 4:1

Kɛ Krist wunnin nyrɛnnɛn'n ti, amun kusu an `bu akunndan kunngba ng'ɔ buli'n wie, an `tra amun anwlɛn.