Jean 17:8 - NYANMIƐN NDƐ'N 1998

⁸ afin ndɛ nga a kan kleli min'n, n kan kleli be, yɛ be fali su. B'a wun i wlɛ weiin kɛ n fin ɔ wun lɔ, yɛ b'a lafi su kɛ wɔ yɛ a sunmannin min-ɔn.

Nyanmien nde Ufle

⁸ afin nde nga a kan kléé min'n, n kan kléé bé, bé faa su. Ba wun i wle wéiin ke n fin o wun lo, ye ba lafi su ke wo ye a sunmaan mion.

Jean 17:8 ပူးပေါင်းရင်းမြစ်များ

Nyanndra Mun 1:23

Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

Nyanndra Mun 1:3

I waan ɔ ´bu i sɔ nan be `fa ngwlɛlɛ be nanti, nan be `yo sran kpa yɛ be `yo sa i nuan su, nan be `nanti sɛsɛ.

Nyanndra Mun 2:1

Mín wa, like nga n kle wɔ'n, sɛ be ka ɔ klun'n, like nga min waan a yo be'n, nán ɔ́ wla fi be su,

Nyanndra Mun 4:10

Mín wa, sie ɔ́ su, sie ɔ́ su nan tie min aniɛn'n. Sɛ a tie min aniɛn'n, ɔ ti ɔ nguan nyanman su salɛ.

Nyanndra Mun 8:10

Mín nuan su ndɛ nga n fa mannin amun'n an `fa amún wla gua su, an `fa gua su tra sika. Akunndan nga m mannin amun'n, man ɔ yo amun nanndoliɛ tra sika ɔkwlɛ'n, ɔ tra sika ɔkwlɛ ng'ɔ ti jrɛiin kpa'n.

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Jean 12:49

Afin ndɛ nga n kan'n, n kpɛ-man n ti nun yɛ n kan-an, sanngɛ n Si b'ɔ sunmannin min'n, i bɔbɔ yɛ ɔ kleli min ndɛ nga n kan'n nin ninnge wafa nga n kle nin-ɔn .

Jean 14:10

?A lafi-man su kɛ min nin e Si'n e ti sran wunmuan? Ndɛ nga n kan kle amun'n, n kpɛ-man n ti nun yɛ n kan-an. E Si b'ɔ nin min ti kun titi'n, i bɔbɔ yɛ ɔ di i junman nin-ɔn.

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Jean 16:27

afin e Si'n bɔbɔ klo amun. Ɔ klo amun yɛlɛ kɛ an klo min, yɛ an lafi su kɛ Nyanmiɛn yɛ ɔ sunmannin min-ɔn.

Jean 16:30

Siɛn'n, y'a wun i wlɛ kɛ a si sa'n kwlaa, ɔ ti-man bɔ be usa wɔ sa kun-ɔn. I sɔ'n ti yɛ e lafi su kɛ Nyanmiɛn yɛ ɔ sunmannin wɔ nin-ɔn.»

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 17:18

Kɛ a fa sunman min mɛn'n nun'n, n kusu n fa sunmannin be mɛn'n nun sɔ.

Jean 17:21

Min Si, n ´srɛ wɔ kɛ be `kaci sran wunmuan, yɛ be nin ye e `yo sran wunmuan kɛ min nin wɔ e ti sran wunmuan'n sa nan mɛn nunfuɛ'm be lafi su kɛ wɔ yɛ a sunmannin min-ɔn.

Jean 17:23

Man min nin be e yo sran wunmuan kɛ min nin wɔ e ti sran wunmuan'n sa nan be kaci sran wunmuan mlɔnmlɔn. Man ɔ yo sɔ nan mɛn nunfuɛ'm be si kɛ wɔ yɛ a sunmannin min-ɔn, yɛ a klo be kɛ a fa klo min'n sa.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Jean 3:17

Afin Nyanmiɛn ɔ'a sunmɛn-mɛn i Wa'n mɛn'n nun kɛ ɔ wa di jɔlɛ, sanngɛ ɔ sunmɛnnin i kɛ ɔ bla nan mɛnfuɛ'm be ´nyan bé ti.

Jean 3:33

Sran ng'ɔ fɛ i ndɛ'n su'n, ɔ si weiin kɛ Nyanmiɛn ti nanwlɛfuɛ,

Jean 6:68

Yɛ Simɔn Piɛr seli i kɛ: «Wan sin yɛ e ´kɔ-ɔ? Ɔ ndɛ'n yɛ man e nyan anannganman nguan-an.

Jean 8:42

Jésus seli be kɛ: «Sɛ Nyanmiɛn ti amun Si sakpa'n, wuun amun ´klo ń sa, afin n fin Nyanmiɛn wun lɔ, i dunman nun yɛ n wo wa-a. Nán n tiaun yɛ m bali-ɔ, i yɛ ɔ sunmannin min-ɔn.

1 Korɛntfuɛ Mun 11:23

Afin sa nga e Min'n fa kleli min'n yɛ kusu n fa kle amun-ɔn. Nnɔsua kunngba nga be fa e Min Jésus mannin sran mun'n, ɔ fali kpaun,

1 Korɛntfuɛ Mun 15:1

Aniaan mun, jasin fɛ nga m bo kleli amun laa'n, n ´kpɛn amún wla ekun. Amu'an fa jasin fɛ sɔ'n su, ɔ man an jran kekle.

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

1 Tɛsalonikfuɛ Mun 4:1

Aniaan mun, min ndɛ'n i atabo'n yɛ: sa nga an yo-ɔ ɔ yo Nyanmiɛn fɛ'n, e kleli amun, an fali su yɛ an wo i yolɛ su, sanngɛ sran wunmuan bɔ e nin e Min Jésus ti'n ti, e ´srɛ amun yɛ e ´kan kle amun kpa kɛ an yo i sɔ tra laa'n.

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

Sa nglô yile 1:1

Fluwa nga nun be kan sa nga ɔ cɛ kaan be wa yo'n, bɔ Nyanmiɛn fa wlali Jésus-Krist sa nun kɛ ɔ fa kle i sran mun'n i ndɛ. Krist sunmɛnnin i anz'n, ɔ wa yili be nglo kleli Zan b'ɔ ti i sran'n.