Jean 17:6 - NYANMIƐN NDƐ'N 1998

⁶ Be nga a fa be mɛn'n nun mannin min'n, n yoli man be sili wɔ. Be ti ɔ liɛ yɛ a fa be mannin min-ɔn, yɛ be fali ɔ ndɛ'n su.

Nyanmien nde Ufle

⁶ Bé nga a fa bé men'n nun maan min'n, m man bé silio. Bé ti o lie, ye a fa bé maan mion, ye bé fali o nde'n su.

Jean 17:6 ပူးပေါင်းရင်းမြစ်များ

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Jue Mun 22:22

De min asɔmɔli'n i nuan nun. De min, nán awɛ sɔ'm be fa be wɛ'n be yo min like.

Ezipt Lɔ Tulɛ'n 9:16

Sanngɛ ɔ yacili wɔ lɛ kɛ ɔ ´yo nan w'a wun i tinmin'n, nan kusu i dunman'n ɔ'a fu asiɛ'n su'n ti .

Nyanndra Mun 2:10

A ´nyan akunndan. Kpɛkuun ɔ́ sa silɛ sɔ'n, ɔ ´man wɔ aklunjuɛ.

Nyanndra Mun 23:23

Sɔnnzɔn nanwlɛ dilɛ'n, sɔnnzɔn akunndan bulɛ'n, kunndɛ sa silɛ'n, yo sa cɛcɛ yofuɛ, i sɔ ninnge kpakpa liɛ mun'n, kɛ bé ti ko sin ko yia wɔ'n, nán ɔ́ nyin kpa wie fi su.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 12:28

N Si, yo man ɔ dunman'n fu. Kɛ ɔ yoli sɔ'n, be tili sran kun nɛn nyanmiɛn su lɔ, sran sɔ'n seli kɛ: «M'an dun mmua yo man n dunman'n ɔ'a fu, yɛ n yo man ɔ wa fu ekun.»

Jean 15:19

Sɛ an ti mɛn nga nunfuɛ wie'n, wuun be klo amun yɛlɛ kɛ an ti be fuɛ. Sanngɛ kɛ n fali amun'n, n yili amun mɛn nunfuɛ'm be nun, i ti yɛ man be kpɔ amun nin-ɔn.

Jean 15:3

Ndɛ nga n kan kleli amun'n ti amu'an yo kpa.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Jean 17:12

Kɛ min nin be tɛ o wa'n, ɔ dunman'n b'ɔ o n su'n ti'n, n niannin bé su. N kplali bé wun, be wie fi a mlin-man san sran nga be sieli i liɛ'n sɔ'n i cɛ, ɔ yoli sɔ nan ɔ ndɛ nga be klɛli'n ɔ `kpɛn su .

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 17:16

Be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 17:26

N yoli man be sili wɔ, yɛ n yoli man be wa si wɔ ekun nan klolɛ nga a fa kloli min'n, be `si kɛ a klo be sɔ wie, yɛ be `si kɛ min nin be y'a yo sran wunmuan.»

Jean 17:7

Siɛn'n, b'a wun i wlɛ weiin kɛ like nga a mannin min'n, be kwlaa be fin ɔ́ sa nun sakpa,

Jean 18:9

Ɔ kɛnnin i sɔ nan ɔ kpɛn ndɛ ng'ɔ kɛnnin i kɛ: «Be nga a fa be mannin min'n, be wie fi a mlin-man.»

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

Jean 6:39

An `nian, sran ng'ɔ sunmannin min'n, i like nga i waan n yo'n yɛ: sran ng'ɔ fa be mannin min'n be kwlaa'n, i waan nán m mlin be nun kun sa, sanngɛ n cɛn be mɛn'n i awieliɛ.

Jean 8:51

Nanwlɛ, sran ng'ɔ fa min ndɛ'n su'n, ɔ su wu-man mlɔnmlɔn.»

Jean 8:52

Zuif'm be seli i kɛ: «Siɛn'n, y'a wun i wlɛ kpa kɛ like wie su wɔ su. Abraam wuli, yɛ Nyanmiɛn nuan ijɔfuɛ'm be wuli, sanngɛ ɔ li ɔ waan sran ng'ɔ fa ɔ ndɛ'n su'n, ɔ su wu-man mlɔnmlɔn.

Sa nga bé yôli'n 13:48

Kɛ be bɔ be ti-man Zuif'n be tili i sɔ'n, be klun jɔli, be lali e Min Nyanmiɛn'n i ase i ndɛ'n ti, yɛ be kwlaa nga Nyanmiɛn fali be kɛ be nyan anannganman nguan'n, be fali su.

Rɔmfuɛ Mun 11:2

Nyanmiɛn sran'm b'ɔ dun mmua fali be'n, ɔ'a yi-man be blo. ?Nyanmiɛn ndɛ nga be klɛli i kɛ Eli sanmannin Izraɛlfuɛ mun Nyanmiɛn ja su'n, an si-man ndɛ sɔ'n ? Be klɛli ndɛ sɔ'n kɛ:

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

2 Timote 1:13

Fa ndɛ nanwlɛ nga n kan kleli wɔ'n su, nian su yo, afin sran wunmuan bɔ e nin Krist-Jésus ti'n ti e lafi Nyanmiɛn su, yɛ e klo Nyanmiɛn nin sran.

Hébreu 2:12

Afin ɔ se kɛ: «Nyanmiɛn, m ´bo wɔ dunman n ´kle min niaan mun, kɛ sran'm be yia lɛ'n, m ´manman wɔ lɛ .»

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

1 Piɛr 1:1

M Piɛr bɔ Jésus-Krist sunmannin min'n, n ´klɛ fluwa nga blɛ amun bɔ Nyanmiɛn fali amun bɔ an sanndili'n, bɔ an ti aofuɛ Pɔnt, nin Galasi, nin Kapadɔs, nin Azi, nin Bitini mɛn nun'n.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 3:10

An fa ndɛ bɔ n kan kleli amun kɛ an tra amun anwlɛn'n su. Ɔ man kɛ sa kekle ´tɔ mɛn wunmuan'n su sran'm be kwlaa be sa nianlɛ'n ti'n, n kusu n ´sasa amun.

Sa nglô yile 3:8

N si amun nyoliɛ'n. Like nga an kwlɛ i yo'n, ɔ ti kaan, sanngɛ ɔ nin i sɔ ngba'n, amu'an fa min ndɛ'n su, yɛ amu'an fia-man n dunman'n su. I sɔ'n ti, m'an tike anuan kun m'an man amun, sran fi kwla nyin-man.