Jean 17:5 - NYANMIƐN NDƐ'N 1998

⁵ I sɔ'n ti siɛn'n, min Si, nyrun nga kɛ n wo ɔ wun lɔ'n n lɛ i'n nan w'a yi mɛn'n, man n nyan nyrun kunngba sɔ'n ɔ wun lɔ ekun.

Nyanmien nde Ufle

⁵ I so'n ti sien'n, n Si, nyrun nga ke n wô o wun lo'n n le'n nan w'a yi men'n, man n nyan nyrun kunngba so'n o wun lo ékun.

Jean 17:5 ပူးပေါင်းရင်းမြစ်များ

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 10:30

Min nin n Si e ti kun.»

Jean 14:9

Jésus seli i kɛ : «?Filip, lalaa bɔ min nin amun o wa'n, a nian si-man min? Sran ng'ɔ wun min'n, wuun ɔ'a wun e Si'n. ?Ɔ yo sɛ yɛ a se n kɛ n kle amun e Si nin-ɔn?

Jean 17:1

Kɛ Jésus kannin sɔ bɔ i nuan tɔli'n, ɔ mɛnnin i nyin su niannin Nyanmiɛn su lɔ seli kɛ: «Min Si, blɛ'n ɔ'a ju siɛn'n, yi ɔ Wa'n i sran wafa ng'ɔ ti'n i nglo nɛn i kusu man ɔ kɔmin su.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jean 8:58

Jésus seli be kɛ: «Nanwlɛ, kɛ be ´wu Abraam'n, wuun n wo lɛ .»

Filipfuɛ Mun 2:6

I b'ɔ nin Nyanmiɛn be ti kun'n, ɔ'a kunndɛ-man kɛ ɔ ´fɛ i wun sunnzun i.

Hébreu 1:10

Yɛ ɔ kɛnnin i ekun kɛ: «Nannan, kɛ ɔ fin lalafuɛ nun'n, wɔ yɛ a yili asiɛ nin-ɔn, yɛ ɔ sa nuan like yɛlɛ nyanmiɛn b'ɔ la nglo lɔ plaii.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

1 Piɛr 1:20

Nyanmiɛn dun mmua fɛ i sieli i sin nan ɔ'a yi mɛn'n, yɛ amun ti'n, kɛ y'a ju mɛn'n i bue nuan'n, ɔ'a yi i nglo.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.