Jean 17:3 - NYANMIƐN NDƐ'N 1998

³ Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Nyanmien nde Ufle

³ Ke bé sé ke béh nyanh anannganman nguan'n, i bô yele ke béh sih o bo o kunngba tye ye a ti Nyanmien'n nin Jésus-Christ bo a sunmenniin'n.

Jean 17:3 ပူးပေါင်းရင်းမြစ်များ

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

2 Be Nyoliɛ 15:3

Kɛ Izraɛlfuɛ'm be nin Nyanmiɛn tili nun'n, bɔ b'a nyan-man Nyanmiɛn nyrun jranfuɛ b'ɔ kle be like'n, bɔ b'a ti-man Nyanmiɛn i mmla'n kun'n, i osu lali nun kpa.

Jue Mun 9:10

Anannganman ti be nga be mian-mian be'n be fiawlɛ. Sɛ nyrɛnnɛn tɔ be su-ɔ, i yɛ be talo i-ɔ.

Nyanndra Mun 8:35

Afin sran nga b'ɔ nyan min'n, wuun ɔ'a to nguan'n. Sɛ ɔ yo sa tɛ-ɔ, Anannganman kwla yaci cɛ i.

Ezai 48:16

Amun `mantan min wa, nan amun `tie! Kɛ ɔ fɛ i bo bolɛ nun'n, m'an fia-man ndɛ fi su. Kɛ sa sɔ'm be ´bo bé bo'n, wuun n wo lɛ.» (Yɛ siɛn'n, Anannganman Nyanmiɛn'n yɛ ɔ'a sunman min-ɔn, ɔ fɛli i Wawɛ mannin min.)

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Marc 9:37

«Sran kwlaa ng'ɔ sɔ ba kaan kun kɛ nga sa nun n dunman nun'n, wuun ɔ'a sɔ m bɔbɔ min nun, yɛ sran kwlaa ng'ɔ sɔ min nun'n, nán min yɛ ɔ sɔ min nun-ɔn, sanngɛ sran ng'ɔ sunmannin min'n i nun yɛ ɔ'a sɔ-ɔ.»

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Jean 10:36

?Sɛ ɔ ti sɔ'n, m bɔ Nyanmiɛn fa min sieli kɛ n di i junman'n, b'ɔ sunmannin min mɛn nun'n kɛ n se kɛ n ti i Wa'n, nguɛ ti yɛ an se kɛ n saci i dunman-an?

Jean 11:42

N si kɛ a ti min ndɛ'n titi, sanngɛ sa nga ti yɛ n se sɔ'n, n ´se sɔ nan sran nga be sin yia min yɛ'n, be `lafi su kɛ wɔ yɛ a sunmannin min-ɔn.»

Jean 14:26

Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Jean 17:18

Kɛ a fa sunman min mɛn'n nun'n, n kusu n fa sunmannin be mɛn'n nun sɔ.

Jean 17:21

Min Si, n ´srɛ wɔ kɛ be `kaci sran wunmuan, yɛ be nin ye e `yo sran wunmuan kɛ min nin wɔ e ti sran wunmuan'n sa nan mɛn nunfuɛ'm be lafi su kɛ wɔ yɛ a sunmannin min-ɔn.

Jean 17:23

Man min nin be e yo sran wunmuan kɛ min nin wɔ e ti sran wunmuan'n sa nan be kaci sran wunmuan mlɔnmlɔn. Man ɔ yo sɔ nan mɛn nunfuɛ'm be si kɛ wɔ yɛ a sunmannin min-ɔn, yɛ a klo be kɛ a fa klo min'n sa.

Jean 17:25

Min Si bɔ a ti sran kpa, mɛn nunfuɛ'm be si-man wɔ, sanngɛ n si wɔ, yɛ be nga be o yɛ'n, be si kɛ wɔ yɛ a sunmannin min-ɔn.

Jean 17:8

afin ndɛ nga a kan kleli min'n, n kan kleli be, yɛ be fali su. B'a wun i wlɛ weiin kɛ n fin ɔ wun lɔ, yɛ b'a lafi su kɛ wɔ yɛ a sunmannin min-ɔn.

Jean 3:17

Afin Nyanmiɛn ɔ'a sunmɛn-mɛn i Wa'n mɛn'n nun kɛ ɔ wa di jɔlɛ, sanngɛ ɔ sunmɛnnin i kɛ ɔ bla nan mɛnfuɛ'm be ´nyan bé ti.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Jean 5:44

?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Jean 6:57

Kɛ n Si b'ɔ lafi-man'n ɔ sunmannin min'n, bɔ i ti yɛ n wo lɛ'n, sran nga kusu b'ɔ di min nnɛn'n, n ti ɔ ´tran lɛ.

Jean 7:29

M bɔbɔ n si i, i wun lɔ yɛ n fin-ɔn, i yɛ ɔ sunmannin min-ɔn.»

Jean 8:19

I sɔ'n ti be usɛli i kɛ: «?Ɔ Si'n wo nin?» Jésus seli be kɛ: «An si-man min nin n Si'n. Sɛ an si min'n, wuun an si n Si kusu.»

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

1 Korɛntfuɛ Mun 8:4

I sɔ'n ti'n, nga b'ɔ ti amuɛn nnɛn'n i dilɛ i wun ndɛ liɛ'n, e si kɛ amuɛn'n ti-man like nanwlɛ, yɛ kusu e si kɛ Nyanmiɛn ti kunngba cɛ .

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Filipfuɛ Mun 3:10

Min akunndan kpa'n yɛlɛ kɛ man n si Krist nin i kwlalɛ b'ɔ man ɔ cɛnnin'n, nan nyrɛnnɛn ng'ɔ wunnin i'n n `wun wie lele sɛ n wu'n man n yo kɛ i sa,

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

1 Tɛsalonikfuɛ Mun 1:9

Kɛ e ɔli amun wun lɔ'n, nun sɔlɛ nga an fa sɔli ye'n, sran'm be kwlaa be kɛn i ndɛ. Be se kɛ an yacili amuɛn mun, yɛ an fa amun wun mannin Nyanmiɛn b'ɔ lafi-man'n b'ɔ ti nanwlɛfuɛ'n

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Hébreu 3:1

I sɔ'n ti, aniaan bɔ an ti Nyanmiɛn liɛ b'ɔ flɛli amun wie'n, an `bu Jésus bɔ Nyanmiɛn sunmɛnnin i kɛ ɔ yo i nyrun jranfuɛ'm be su kpɛn i su bɔ e lafi'n, i akunndan.

2 Piɛr 1:2

Nyanmiɛn nin e Min Jésus bɔ an si be'n ti, be man an ´nyan ye titi, yɛ man amún wun ´jɔ amun fɔuun!

2 Piɛr 1:3

Kɛ e si sran ng'ɔ flɛli ye kɛ e `nyan nyrun'n, bɔ e yo sa ng'ɔ ti kpa kɛ i bɔbɔ sa'n ti'n, like nga b'ɔ man e kwla fa é wun mantan Nyanmiɛn titi'n i fanngan nun'n, ɔ fɛ i kwlaa'n mannin e.

2 Piɛr 1:8

Nanwlɛ, sɛ an nian sa sɔ'm be su bɔ an yo be titi'n, kɛ an kunndɛ kɛ amun ´si e Min Jésus-Krist, san amun ´si i, afin an su tran-man lɛ ngbɛn, yɛ like nga an yo'n ɔ ´yo ye.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 1:3

Nga bɔ e wunnin i'n, bɔ e tili'n, e kan kle amun kusu, nan e nin amun e di anuansɛ kunngba nga e nin e Si'n nin i Wa Jésus-Krist e di'n wie.

1 Jean 2:23

Sran ng'ɔ sɔ-man Nyanmiɛn Wa'n nun'n, wuun ɔ'a sɔ-mɛn i bɔbɔ nun. Sran ng'ɔ sɔ i nun'n, wuun ɔ'a sɔ i Si'n nun.

1 Jean 4:6

E liɛ'n, e ti Nyanmiɛn liɛ, ɔ man sran ng'ɔ si Nyanmiɛn'n, ɔ sie i su e ndɛ'n su, sanngɛ sran ng'ɔ ti-mɛn i liɛ'n, ɔ sie-mɛn i su e ndɛ'n su. I sɔ'n nun yɛ e ´si Nyanmiɛn Wawɛ'n i ndɛ'n b'ɔ ti nanwlɛ'n, ɔ nin ndɛ ng'ɔ ti-man nanwlɛ nin-ɔn.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.