Jean 17:12 - NYANMIƐN NDƐ'N 1998

¹² Kɛ min nin be tɛ o wa'n, ɔ dunman'n b'ɔ o n su'n ti'n, n niannin bé su. N kplali bé wun, be wie fi a mlin-man san sran nga be sieli i liɛ'n sɔ'n i cɛ, ɔ yoli sɔ nan ɔ ndɛ nga be klɛli'n ɔ `kpɛn su .

Nyanmien nde Ufle

¹² Ke min nin bé te ô wa'n, o dunman'n b'o ô n su'n ti, n niaan bé su. N kplaa bé wun, bé wié fi a mlinman, san swran nga bé siéé i lie'n so'n i tye, o yôli so nan Nyanmien Nde nga bé kleli'n o kpen su.

Jean 17:12 ပူးပေါင်းရင်းမြစ်များ

Jue Mun 41:9

Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»

Jean 17:6

Be nga a fa be mɛn'n nun mannin min'n, n yoli man be sili wɔ. Be ti ɔ liɛ yɛ a fa be mannin min-ɔn, yɛ be fali ɔ ndɛ'n su.

Jean 18:9

Ɔ kɛnnin i sɔ nan ɔ kpɛn ndɛ ng'ɔ kɛnnin i kɛ: «Be nga a fa be mannin min'n, be wie fi a mlin-man.»

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

Sa nga bé yôli'n 1:25

man ɔ fa junman nga Zidas yaci ɔli i bɔbɔ i lika'n, yɛ sunmanlɛ nga Jésus fa sunmannin Zidas'n, ɔ ´fa sunmɛn i.»

Filipfuɛ Mun 2:9

I sɔ'n ti yɛ Nyanmiɛn fɛ i sieli like'n kwlaa su bɔ i dunman'n fu trali dunman'n kwlaa nin-ɔn,

2 Tɛsalonikfuɛ Mun 2:3

Nán man sran fi laka amun sa fi su. Afin san sran'm be ´jao Nyanmiɛn wun, yɛ bian b'ɔ di-man mmla'n su'n bɔ be sieli i kɛ ɔ mlin'n, ɔ ´yi i wun nglo nan cɛn sɔ'n ɔ'a ju.

Hébreu 2:13

Ɔ kɛnnin i ekun kɛ: «N ´fa n wla'n guɛ i su.» Yɛ ɔ kɛnnin i ekun kɛ: «An `nian, min nin ba nga Nyanmiɛn fa be mannin min'n e yɛ .»

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Sa nglô yile 19:12

I nyinma'n sɔ kɛ sin sa, sika kle kpanngban wo i ti. Be klɛ dunman kun i wun, sran fi si-mɛn i san i bɔbɔ yɛ ɔ si i-ɔ .