Jean 17:11 - NYANMIƐN NDƐ'N 1998

¹¹ N nun-man mɛn'n nun wa kun, sanngɛ be liɛ'n be tɛ o wa, n kusu n su ba ɔ́ sin. Min Si bɔ ɔ nzuɛn'n nin klɔ sran liɛ'n ti-man kun'n, ɔ dunman'n b'ɔ o n su'n ti, nian bé su. Man be yo sran wunmuan kɛ min nin wɔ e ti sran wunmuan'n sa.

Nyanmien nde Ufle

¹¹ N nu'an men'n nun wa kun, sannge bé lie'n bé te ô wa, n kusu n su ba o sin. N Si bo o nzuen'n nin klo swran lie'n ti'a kun'n, o dunman'n b'o ô n su'n ti, nian bé su. Man bé yô swran wunmuan ke min nin o é ti swran wunmuan'n sa.

Jean 17:11 ပူးပေါင်းရင်းမြစ်များ

Matthieu 6:9

I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn,

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.

Efɛzfuɛ Mun 4:4

Kɛ Nyanmiɛn flɛli amun bɔ like nga an fa amún wla gua su'n ti kunngba'n, i kunngba nin-ɔn, wunnɛn'n ti kun, yɛ Nyanmiɛn Wawɛ'n kusu ti kun.

Filipfuɛ Mun 2:9

I sɔ'n ti yɛ Nyanmiɛn fɛ i sieli like'n kwlaa su bɔ i dunman'n fu trali dunman'n kwlaa nin-ɔn,

Jean 17:25

Min Si bɔ a ti sran kpa, mɛn nunfuɛ'm be si-man wɔ, sanngɛ n si wɔ, yɛ be nga be o yɛ'n, be si kɛ wɔ yɛ a sunmannin min-ɔn.

Jean 13:1

Jésus sili kɛ i mɛn'n nun wa tulɛ'n nin i Si sin kɔlɛ'n ɔ'a ju, i sin nan b'a bo Delɛ-cɛn'n dilɛ'n bo. Kɛ ɔ fin i bo bolɛ nun'n, Jésus klo i fuɛ nga be o mɛn'n nun'n, ɔ klo be lele guɛ i ti nin i bo.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Jean 16:33

N kɛnnin i kwlaa sɔ'n kleli amun nan amún wun `jɔ amun fɔuun sran wunmuan bɔ min nin amun y'a kaci'n ti. Amun wa wun amún nyin su kpa, sanngɛ an `tra amun anwlɛn, mɛn nga nun wa'n, min yɛ n kwlaa-a.»

Jean 14:20

I cɛn sɔ'n nun'n, amun ´wun i wlɛ kɛ min nin n Si e ti sran wunmuan, yɛ amun wun i wlɛ kɛ min nin amun kusu y'a kaci sran wunmuan.

Jude 1:1

Amun bɔ e Si Nyanmiɛn flɛli amun'n, b'ɔ klo amun titi'n, b'ɔ fa amun sieli Jésus-Krist'n, min Zid bɔ n ti Jésus-Krist i sran'n nin Zak niaan'n, n ´klɛ fluwa nga'n blɛ amun.

1 Jean 5:19

E si kɛ e ti Nyanmiɛn liɛ yɛ Klunwifuɛ'n sie mɛn wunmuan'n.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Sa nga bé yôli'n 3:21

Kɛ e o yɛ liɛ'n, ɔ fata kɛ ɔ tran nyanmiɛn su lɔ lele san ɔ ´ju blɛ nga Nyanmiɛn ´yo ninnge'n kwlaa be uflɛ ekun'n. Ɔ man i nuan ijɔfuɛ'm be dun mmua kɛnnin i sɔ laa.

Jean 13:3

Jésus bɔbɔ si weiin kɛ i Si fali like'n kwlaa wlɛli i sa nun, ɔ si kɛ ɔ fin i Si Nyanmiɛn wun lɔ, yɛ ɔ su wa kɔ lɔ ekun.

Ezai 64:2

abonuan ninnge bɔ a ´yo be'n b'ɔ ´fu be nun'n ti. Sakpa, sɛ a su jra wa'n, wuun oka'm be ´keje sa gbugbugbu.

Jue Mun 79:9

Nyanmiɛn, wɔ bɔ a de ye'n, bla wa uka ye, nian ɔ dunman'n b'ɔ ti fuwa'n ti. Nian ɔ dunman dan'n ti de ye, yɛ yaci e wun sa'n cɛ ye.

Sa nglô yile 4:8

Like nnan sɔ'n be lɛ ndɛwa nsiɛn-nsiɛn, yɛ nyinma o be wunnɛn'n kwlaa su. Wia nun nin kɔnguɛ be to jue se kɛ: «I nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. Nyanmiɛn b'ɔ kwla like kwlaa yo'n, ɔ o lɛ, ɔ o lɛ lalaa, yɛ ɔ ´ka lɛ!» Be yaci-man jue sɔ'n i tolɛ mlɔnmlɔn .

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

Rɔmfuɛ Mun 12:5

I kunngba'n, kannzɛ e sɔnnin'n, e nin Krist y'a kaci sran wunmuan, yɛ e kwlaa sɔ'n y'a yo kun.

Rɔmfuɛ Mun 9:17

Afin e kɛnngɛn i Nyanmiɛn ndɛ nga be klɛli'n nun kɛ Nyanmiɛn seli Ezipt famiɛn kɛ: «N sieli wɔ famiɛn kɛ n ´fa wɔ n yi mín wun nglo kɛ n kwla sa'n kwlaa yo nan n dunman'n fu mɛn wunmuan'n nun.»

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Jean 7:33

Jésus seli kɛ: «N tɛ o amun wun wa kan, ɔ yo kan'n, n ´kɔ sran ng'ɔ sunmannin min'n i sin.

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Matthieu 5:48

I sɔ'n ti, an `yo sran kpa kɛ amun Si b'ɔ o nyanmiɛn su lɔ'n ɔ ti kpa'n sa .»

Ezekiɛl 20:44

Izraɛlfuɛ mun, n su nian-man amun nzuɛn tɛtɛ nin amun aeliɛ tɛtɛ kpanngban'm be su yɛ n ´yo amun sa-a. Sanngɛ n ´yo man amun nyin ´yi min, yɛ amun wa si jrɛiin kɛ min yɛ n ti Anannganman nin-ɔn.»

Ezekiɛl 20:22

Sanngɛ kɛ ɔ ´yo nan min dunman'n ɔ'a saci-man nvle-nvle nga blɛ bɔ n ´fa Izraɛlfuɛ mun Ezipt lɔ m ba'n be wunnin nun'n be nun'n ti, m'an yo-man be like fi.

Ezekiɛl 20:9

Sanngɛ kɛ ɔ ´yo nan min dunman'n ɔ'a saci-man be nga be nin be tran lɛ'm bé afiɛn'n ti'n, n guali min ya i ase. Afin be tili i kɛ n seli be kɛ n ´fa Izraɛlfuɛ'm be Ezipt lɔ n fite.

Zeremi 14:21

Nian ɔ dunman'n ti nán yo ye finfin. Nán yo ɔ famiɛn bia klanman'n i wannzo. Nán ɔ́ wla fi aenguɛ nga a nin ye trali'n su, nán saci i.

Zeremi 14:7

«Kɛ e nian e sa tɛ mun'n, e si kɛ y'a fɔn, sanngɛ Anannganman, nian ɔ dunman'n ti uka ye. E yoli nyin kekle'n sunman. E fɔnnin ɔ wun.

Ezai 27:3

«M bɔbɔ min Anannganman yɛ n nian su-ɔ. Blɛ b'ɔ ju i su nzue gualɛ'n, n gua su nzue. N sɛsɛ i wia su nin kɔnguɛ kɛ ɔ ´yo nan b'a wlu-man nun b'a saci-mɛn i'n ti.

Sa nglô yile 19:12

I nyinma'n sɔ kɛ sin sa, sika kle kpanngban wo i ti. Be klɛ dunman kun i wun, sran fi si-mɛn i san i bɔbɔ yɛ ɔ si i-ɔ .

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

Jean 17:6

Be nga a fa be mɛn'n nun mannin min'n, n yoli man be sili wɔ. Be ti ɔ liɛ yɛ a fa be mannin min-ɔn, yɛ be fali ɔ ndɛ'n su.

Jean 17:23

Man min nin be e yo sran wunmuan kɛ min nin wɔ e ti sran wunmuan'n sa nan be kaci sran wunmuan mlɔnmlɔn. Man ɔ yo sɔ nan mɛn nunfuɛ'm be si kɛ wɔ yɛ a sunmannin min-ɔn, yɛ a klo be kɛ a fa klo min'n sa.