Jean 16:7 - NYANMIƐN NDƐ'N 1998

⁷ Sanngɛ i nanwlɛ yɛ n di kleli amun-ɔn, sɛ n kɔ'n, ɔ ti kpa, afin sɛ m'an ɔ-man-an, Sran ng'ɔ ´uka amun'n ɔ su ba-man, sanngɛ sɛ n kɔ'n, n yo man ɔ ´ba.

Nyanmien nde Ufle

⁷ Sannge i nanwle ye n di klé amuon, se n ko'n, o ti kpa, afin se man oman'n, Swran ng'o wa uka amun'n o su baman, sannge se n ko'n, m man oh bah.

Jean 16:7 ပူးပေါင်းရင်းမြစ်များ

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

JÉSUS-CHRIST I DYASIN FE'N BO LUC KLELI'N 24:49

An `nian, like nga n Si seli kɛ ɔ ´blɛ amun'n, m bɔbɔ n yo man like sɔ'n ɔ ´ba. Ɔ man amun kusu an `tran klɔ'n su wa lele man Nyanmiɛn tin amun ka .»

JÉSUS-CHRIST I DYASIN FE'N BO LUC KLELI'N 4:25

Ndɛ nanwlɛ kpa yɛ m ma kan kle amun lɛ-ɔ: Eli blɛ su'n, angboti mmla'm be sɔnnin Izraɛl mɛn'n nun, blɛ sɔ'n nun'n, nzue'n jrannin afuɛ nsan anglo nsiɛn, yɛ awe kpɛnnin dan kpa mɛn wunmuan sɔ'n nun.

JÉSUS-CHRIST I DYASIN FE'N BO LUC KLELI'N 9:27

Nanwlɛ, be nga be o wa yɛ'n, nán be ngba yɛ wie'n ´kun be nan Nyanmiɛn ɔ'a yi i famiɛn'n nglo ɔ'a kle be-ɔ.»

Jean 14:26

Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Jean 14:28

An tili i kɛ n seli amun kɛ n su kɔ, sanngɛ m ´ba amún wun wa ekun. Sɛ an klo min'n, wuun kɛ n su kɔ e Si sin'n, wuun amun klun ´jɔ, afin e Si'n lɛ nyrun tra min.

Jean 14:3

Sɛ n kɔ nan n wie i siesie'n, m ´ba m ma fa amun nan lika nga n tran lɔ'n, an `tran lɔ wie.

Jean 15:26

Sran ng'ɔ wa uka amun'n ɔ ´ba, yɛlɛ Nyanmiɛn Wawɛ'n b'ɔ ti nanwlɛfuɛ b'ɔ fin e Si Nyanmiɛn wun lɔ'n. N ´fɛ blɛ amun e Si dunman nun. Kɛ ɔ ko ba'n, ɔ ´kan min ndɛ kle amun.

Jean 16:8

Sɛ ɔ ba'n, ɔ ´fa sa tɛ'n, nin sa kpa'n, ɔ nin jɔlɛ dilɛ'n kle mɛn nunfuɛ mun weiin.

Jean 7:39

Sa ti b'ɔ seli sɔ'n yɛlɛ Nyanmiɛn Wawɛ'n bɔ be nga be wa lafi i su'n be ´nyɛn i'n. Ke ɔ ´yo sɔ'n, wuun Nyanmiɛn nian fa-man i Wawɛ'n nian man-man, afin ɔ nian yi-man Jésus i wafa ng'ɔ ti'n i nglo.

Sa nga bé yôli'n 10:34

Yɛ Piɛr kusu seli kɛ: «Nanwlɛ, m'an wun i wlɛ kɛ Nyanmiɛn liɛ'n, ɔ kpa-man sran nun ,

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.