Jean 16:2 - NYANMIƐN NDƐ'N 1998

² Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Nyanmien nde Ufle

² Béh kanh amun bô Nyanmien sua'm bé nun, ye tyen wié bé nga bé kun amun'n, béh buh i ke Nyanmien ye bé su su io.

Jean 16:2 ပူးပေါင်းရင်းမြစ်များ

Ezai 65:5

Be se be nga be nin be yia'n be kɛ: «Amun `cuɛn amún wun siɛn, nán amun kan ye, sɛ ɔ'a yo-man sɔ-ɔ, kɛ bɔ e ti saun dan'n, sɛ amun mantan ye'n, amun ´wu.» Kɛ n wun sa tɛtɛ sɔ mun'n, n fa ya, yɛ min anwlɛn'n be min klun.

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Daniɛl 11:33

Nvle'n nun ngwlɛlɛfuɛ'm be ´kle sran kpanngban be like. Blɛ kaan sa nun'n, sran wie'm be ´kun wie mun, be ´yra wie mun, yɛ be ´wla wie'm be bisua. Kwlaa nan b'a yo be sɔ'n, be ´dun mmua fɛn bé bo ninnge mun.

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Matthieu 24:9

Be wa fa amun wla nyrɛnnɛn nun, be ´kun amun, yɛ nvle'n kwlaa be ´kpɔ amun n dunman nun.

JÉSUS-CHRIST I DYASIN FE'N BO LUC KLELI'N 6:22

Kɛ sran'm be ´kpɔ amun, bɔ be ´kan amun bo, bɔ be ´kpɛ amun nzowa, bɔ be ´saci amun dunman m bɔ n kacili Sran'n min ti'n, amun liɛ su ti ye !

Jean 12:42

Ɔ nin i sɔ ngba'n, Zuif kpɛnngbɛn'm be nun kpanngban be lafili Jésus su, sanngɛ Farizifuɛ'm be ti, b'a yi-man bé wun nglo. Sɛ be yoli sɔ'n, wuun be kannin be bo Nyanmiɛn ndɛ suanlɛ nin i srɛlɛ sua'n nun.

Jean 16:25

«N kan ndɛ sɔ'n kwlaa kleli amun nyanndra nun, sanngɛ cɛn wie lele n su kɛn-mɛn i nyanndra nun kun, n ´kan e Si i ndɛ weiin kle amun.

Jean 16:32

Cɛn wie lele, cɛn sɔ'n ɔ'a ju bɔbɔ, amun kwlaa amun ´sanndi kɔ amun awlo, amun ´yaci n kunngba, sanngɛ ɔ su ka-man kunngba, afin min nin e Si'n yɛ e wo-ɔ.

Jean 4:21

Yɛ Jésus seli i kɛ: «Mmo, lafi n su, cɛn wie lele nán oka nga su wa nin Zerizalɛm yɛ amun ´koto e Si'n bo amun ´mɛnmɛn i-ɔ.

Jean 4:23

Sanngɛ cɛn wie lele — cɛn sɔ'n ɔ'a ju bɔbɔ — be bɔ be koto e Si'n bo be mɛnmɛn i sakpa'n, be ´koto i bo be ´mɛnmɛn i be akunndan'n nun nanwlɛ nun, afin be nga be manman e Si'n sɔ'n, be sɔfuɛ mun yɛ ɔ kunndɛ be-ɔ.

Jean 9:22

Sa ti bɔ i si nin i nin be seli sɔ'n yɛlɛ kɛ srɛ kun be Zuif'm bé wun. Afin Zuif'm b'a dun mmua wun bé wun be nɛn a sɛ su kɛ sran kwlaa ng'ɔ se kɛ Jésus ti Krist'n, be ´kɛn i bo ɔ su wlu-man Nyanmiɛn ndɛ suanlɛ nin i srɛlɛ sua'n nun kun.

Jean 9:34

Be seli i kɛ: «?Ɔ bɔ kɛ be wuli wɔ'n, sa tɛtɛ'n yɛ ɔ ti ɔ junman'n, a wa kle ye like?» Yɛ be kɛnnin i bo-ɔ.

Sa nga bé yôli'n 5:33

Kɛ be tili ndɛ sɔ'n, ya kunnin be dan kpa, i sɔ'n ti be waan be ´kun be.

Sa nga bé yôli'n 7:56

Yɛ ɔ seli kɛ: «An `nian, n wun nyanmiɛn su lɔ kɛ ɔ ti tikewa, yɛ i b'ɔ kacili Sran'n ɔ jin Nyanmiɛn fama su.»

1 Korɛntfuɛ Mun 4:13

Be saci e dunman-an e tɛ-man su. Sran'm be nyrun y'a kaci kɛ wla sa, e ti kɛ bé ja bo fa sa, lele ndɛ be tɛ bu ye sɔ.

Filipfuɛ Mun 3:6

Nyanmiɛn ndɛ'n lo min kpa ti yɛ n kleli asɔnunfuɛ'm be yalɛ nin-ɔn. Sɛ mmla'n i su falɛ'n kwla yo sran sran kpa'n, wuun be kwla saci-man min wun kaan sa,

Sa nglô yile 6:9

Kɛ Bua Gbanflɛn'n kpɛli like nga be fa cicili fluwa'n i nnun su nun'n, n wunnin be nga Nyanmiɛn ndɛ'n nin Jésus ndɛ bɔ be kan'n ti be kunnin be Nyanmiɛn sɔwlɛ'n bo'n.

Jɔlɛ Difuɛ Mun 6:30

Be seli Zɔas kɛ: «Yi ɔ wa'n fite man e kun i, afin ɔ́ wa'n ɔ bubuli Baal i sɔwlɛ, ɔ kpɛli waka bɔ Asera i nzɔliɛ'n wo su'n, i ti fɛ i fa fite man e kun i.»