Jean 15:7 - NYANMIƐN NDƐ'N 1998

⁷ Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Nyanmien nde Ufle

⁷ Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

Jean 15:7 ပူးပေါင်းရင်းမြစ်များ

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Zɔb I Nyrɛnnɛn Wunlɛ 22:26

Fa Nyanmiɛn b'ɔ kwla like kwlaa yo'n yo wɔ anwlɛn su like. Man ɔ́ nyin'n su nan niɛn i.

Zɔb I Nyrɛnnɛn Wunlɛ 23:12

I mmla kun nun-man lɛ bɔ m'an fa-man su-ɔ. I nuan nun ndɛ'm be yoli cinnjin min sa nun trali m bɔbɔ min klun sa'n.

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Jue Mun 37:4

Fa Anannganman yo wɔ anwlɛn su like, yɛ like kwlaa nga ɔ́ nyin o i sin'n, ɔ ´fa man wɔ.

Nyanndra Mun 10:24

Like nga bɔ klunwifuɛ'n sro i'n i cɛ yɛ ɔ tɔ i su-ɔ. Yɛ like nga kusu bɔ sran kpa'm be kunndɛ'n, Nyanmiɛn man bé sa fua su.

Nyanndra Mun 4:4

Mín si'n kleli min ngwlɛlɛ, ɔ seli min kɛ yoo: «Min ndɛ nga n kan kle wɔ'n, man be tran ɔ klun. Mín nuan su ndɛ nga n kan be'n, sɛ a di su'n a lɛ nguan.

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Matthieu 7:7

«An `srɛ, be ´fa man amun, an `kunndɛ, amun ´nyɛn, an `bobo, be ´tike amun anuan.

Jean 14:13

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su .

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 16:23

Cɛn sɔ'n nun'n, an su usa-man n sa sa wie su kun. Nanwlɛ, like kwlaa nga an srɛ n Si min dunman nun'n, ɔ ´fa man amun .

Jean 8:31

Yɛ ɔ seli Zuif nga be lafi i su'n be kɛ: «Sɛ an fa min ndɛ nga n kan'n su kpa'n, wuun an ti n sɔnnzɔnfuɛ sakpa,

Jean 8:37

N si kɛ an ti Abraam anunman, sanngɛ an klo kɛ amun ´kun min, afin an fa-man ndɛ nga n kan'n su.

Galasifuɛ Mun 4:2

Kɛ ɔ tɛ yo bakan sɔ'n, ɔ o sran wie'm bé sa nun, be niɛn i su, yɛ wie'm be kusu be niɛn i ninnge'm be su lele san blɛ nga i si sieli'n ɔ'a ju.

Galasifuɛ Mun 5:16

N se kɛ yo, an `yo sa nga Nyanmiɛn Wawɛ'n kle amun'n yɛ an su yo-man like nga klɔ sran konvi sɔ i'n kun.

Mmla'n 6:6

Man mmla nga n su fa man amun ndɛkɛn yɛ'n be ka amun klun.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

1 Jean 2:14

Ba kanngan mun, n ´klɛ fluwa nga m ´blɛ amun yɛlɛ kɛ an si e Si'n. N si mun, n ´klɛ fluwa sɔ'n m blɛ amun yɛlɛ kɛ an si sran ng'ɔ o lɛ i bo bolɛ nun'n. Gbanflɛn mun, n ´klɛ fluwa sɔ'n m ´blɛ amun yɛlɛ kɛ an jran kekle, an fa Nyanmiɛn ndɛ'n su, yɛ an kwlali Klunwifuɛ'n.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.

1 Jean 3:22

Like kwlaa nga e srɛ i'n, ɔ ´fa man e yɛlɛ kɛ e fɛ i ndɛ'n su, yɛ e yo sa ng'ɔ jɔ i klun'n.

1 Jean 5:14

An `nian, sa nga ti yɛ é wla'n wo Nyanmiɛn su dan'n yɛ: e si kɛ like kwlaa nga e srɛ i'n, b'ɔ ti i klun su'n, ɔ ´man ye.