Jean 15:6 - NYANMIƐN NDƐ'N 1998

⁶ Sran ng'ɔ nin min a yo kun'n, sɛ ɔ nin min a tran-man sɔ titi'n, ɔ ti kɛ waka sama b'ɔ tɛ-mɛn i bo su'n sa, be ´kpɛ yi. Ɔ wu, be isa guɛ i sin nun, ɔ yra.

Nyanmien nde Ufle

⁶ Swran ng'o nin min a yô kun'n se o nin min a tra'an so titi'n, o ti ke waka sama b'o temen i bô'n su'n sa, bé kpe yi. O wu, bé isa gue sin nun, o yra.

Jean 15:6 ပူးပေါင်းရင်းမြစ်များ

2 Samiɛl 23:7

Kɛ be ´kɛn i'n, be fa blalɛ annzɛ cua waka. Be fa yi i sin nun, yɛ i kwlaa'n yra.»

Zɔb I Nyrɛnnɛn Wunlɛ 15:30

Ɔ ´ka aosin tuun nun. Sɛ ɔ ti waka'n, wuun n ´se kɛ sin ɔ ´yrɛ i sama mun. Nyanmiɛn ´fitɛ i ´kɔ mmua.

Jue Mun 80:15

Nyanmiɛn, wɔ bɔ a sie mɛn wunmuan'n, sa ɔ sin bla. Kɛ bɔ a o nyanmiɛn su lɔ'n, kpɛ ɔ nyin nian wa, yɛ bu vinyi fie sɔ'n i akunndan.

Ezai 14:19

Sanngɛ ɔ liɛ'n, be yili ɔ saka'n i blo. A ti kɛ tete ba bɔ wa wu i nin klun'n sa, w'a nyan-man asieliɛ. A ti kɛ fuɛn b'ɔ b'a tiatia su'n sa. A ti kɛ be nga be fali tokofi be kunnin be'n, bɔ be suli be saka'm bé bo guali kunman wie nun lɔ yɛbuɛ'm be su'n sa.

Ezai 27:10

Klɔ nga be sili i wun'n, ɔ ´tɔ kouun, sran fi su tran-man nun kun, ɔ ´tɔ srololo kɛ aawlɛ flɛnnɛn'n sa. Nannin ba'm be ´didi lɔ, be ´la lɔ, yɛ be ´di susrɛ'm be nun nnya-nnya mun.

Ezekiɛl 17:9

Se be kɛ: ‹Kosan nga Anannganman Nyanmiɛn usa'n yɛ: ?Vinyi sɔ'n ɔ kwla yo kpa? ?Anunman nyin klikli'n ɔ ko tutu-mɛn i olui'n yɛ ɔ su ti-mɛn i su mma, nan i waka nin i nnya nga be waan be ´fɛfɛ'n b'a wu kee? Sɛ i waan ɔ su tu i bo'n, nán wunmiɛn dan nin sran kpanngban yɛ ɔ kunndɛ-ɔ .

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 27:5

Zidas to sika'n guali Nyanmiɛn i sua'n nun lɔ nan ɔ'a wɔ ɔ'a ko bo i kɔmin.

Matthieu 3:10

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ i gua sin'n nun.

Matthieu 7:19

Waka kwlaa b'ɔ su-man mma kpa'n, be ´kpɛ yi i sin nun.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Hébreu 10:27

Like ng'ɔ ka'n b'ɔ yo e sro'n yɛlɛ fɔ nga Nyanmiɛn wa bu i kpɔfuɛ mun'n, ɔ nin sin sroesroe b'ɔ wa yra be'n .

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»