Jean 15:5 - NYANMIƐN NDƐ'N 1998

⁵ Min yɛ n ti vinyi'n bo kpa nin-ɔn, an ti min sama. Sran ng'ɔ nin min a yo sran wunmuan bɔ e tran titi'n, ɔ ti kɛ waka sama b'ɔ su kpanngban sa, afin sɛ n nun-man nun'n, an kwla yo-man like fi.

Nyanmien nde Ufle

⁵ Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Jean 15:5 ပူးပေါင်းရင်းမြစ်များ

Nyanndra Mun 11:30

Like nga klun-ufuefuɛ'n yo'n, ɔ mɛn i nguan tɛnndɛn. Akunndanfuɛ'n i nuan nun ndɛ'n ti, sran'm be su i su .

Ndɛ Nga Nyanmiɛn I Nuan Ijɔfuɛ Oze Kannin'n 4:8

Like nga bɔ min sran'm be yo-mɛn i kpa'n, bɔ be ko yi i nuan tɛ be man min'n, i sɔ tɛ ninnge liɛ'n, yɛ ɔ ti min nyrun jranfuɛ sɔ'm be aliɛ yɛ be di-ɔ. I ti be akunndan liɛ kunngba ng'ɔ o be klun'n, yɛlɛ kɛ man min sran'm be yo sa tɛ'n tititi.

Matthieu 13:21

Sanngɛ ɔ'a nyan-man ndin wlawlɛ, ɔ ti sran bɔ i anwlɛn'n sɔ-man, kɛ afɛ'n nin yalɛ klelɛ'n tɔ i su Nyanmiɛn ndɛ'n ti'n, kpɛkuun ɔ'a yaci Nyanmiɛn sulɛ'n.

Jean 12:24

Nanwlɛ, sɛ ble mma kun ɔ'a tɔ-man asiɛ wun ɔ'a saci-man'n, ɔ kɛ i kunngba, sanngɛ sɛ ɔ saci'n, ɔ wlɔ yɛ ɔ yo kpanngban.

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 5:19

Ɔ man Jésus kɛnnin i bɔbɔ ndɛ, ɔ seli be kɛ: «Nanwlɛ, like nga Ba'n wun kɛ i Si yo'n, yɛ ɔ nian su yo-ɔ. Ba'n bɔbɔ kwla kpɛ-mɛn i ti nun yo-man like fi. Like kwlaa ng'ɔ yo'n, yɛ i kusu yo-ɔ.

Jean 9:33

Sɛ nán Nyanmiɛn yɛ ɔ sunmannin bian sɔ'n, wuun ɔ kwla yo-man like fi.»

Sa nga bé yôli'n 4:12

I kunngba cɛ yɛ ɔ kwla de sran-an yɛlɛ kɛ Nyanmiɛn a sie-man sran uflɛ fi mɛn'n nun wa bɔ i dunman nun e kwla fite nun-ɔn.»

Rɔmfuɛ Mun 12:5

I kunngba'n, kannzɛ e sɔnnin'n, e nin Krist y'a kaci sran wunmuan, yɛ e kwlaa sɔ'n y'a yo kun.

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

1 Korɛntfuɛ Mun 10:16

?Kɛ e ´nɔn kɔminiɔn nzan'n bɔ e la Nyanmiɛn ase'n, Krist mmoja'n ti-man e kwlaa e liɛ? ?Kɛ e ´bubu kɔminiɔn kpaun'n nun bɔ e ´di'n, Krist wunnɛn'n ti-man e kwlaa e liɛ ?

1 Korɛntfuɛ Mun 12:12

Sran ti wunmuan kun, sanngɛ i wun ninnge'm be sɔnnin. I wun ninnge'm be sɔnnin sɔ, sanngɛ i kwlaa sɔ'n yɛ be flɛ i sran nin-ɔn. Kɛ Krist kusu ti sɔ-ɔ .

1 Korɛntfuɛ Mun 12:27

Amun kwlaa an ti Krist i wunnɛn, sran kun ti i lika'n kun.

2 Korɛntfuɛ Mun 13:8

Afin e kwla kpalo-man Nyanmiɛn ndɛ nanwlɛ'n, sanngɛ i su yɛ e jran e yo e sa mun-ɔn.

2 Korɛntfuɛ Mun 9:10

Nyanmiɛn b'ɔ man awie guafuɛ'n i awie b'ɔ gua'n, b'ɔ man sran nuan nun aliɛ'n , i kunngba'n ɔ ´man amun like nga amun ´fa yo aklunye'n, ɔ man ɔ ´yo kpanngban, yɛ amun agualiɛ'n ɔ ´gua amun kpa.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Filipfuɛ Mun 4:17

Nán kɛ n klo kɛ be man n like ti-ɔ, sanngɛ n klo kɛ an nyan wie uka amun liɛ'n su.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

1 Piɛr 2:4

An `fa amun wun mɛntɛn i, afin ɔ o lɛ tititi. I yɛ ɔ ti yɛbuɛ bɔ sran'm be yili i blo bɔ sanngɛ Nyanmiɛn wunnin kɛ ɔ ti kpa b'ɔ fali nin-ɔn .

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!