Jean 14:1 - NYANMIƐN NDƐ'N 1998

¹ Nán amún wla bo. An `lafi Nyanmiɛn su, yɛ an `lafi n su wie.

Nyanmien nde Ufle

¹ Nanh amun wla bô. Anh lafi Nyanmien su, ye anh lafi n su wié.

Jean 14:1 ပူးပေါင်းရင်းမြစ်များ

Jue Mun 43:5

?Nguɛ ti yɛ man n wla'n ɔ ko bo min wun-ɔn? ?Nguɛ ti yɛ man n ko fɛfɛ-ɔ? Ɔ fata kɛ n fa mín wla'n n guɛ i Nyanmiɛn'n su, yɛ m mɛnmɛn i, afin ɔ ti min defuɛ, i kunngba'n ɔ ti min Nyanmiɛn.

Jue Mun 77:10

?Nyanmiɛn i wla fi aunnvuɛ silɛ'n? ?Ya bɔ ɔ'a fa'n ti, ɔ si-man aunnvuɛ kun?

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Zeremi 8:18

Min akunndan ɔ'a sanngan. N wun-man min wun yowlɛ kunngba. Mín sa sin ɔ'a bubu min.

Jean 11:33

Kɛ Jésus wunnin kɛ ɔ su sun, bɔ Zuif nga be nin i bali'n be sun wie'n, i anwlɛn'n kpɛli i klun , i wun yo i nyɛiin.

Jean 12:27

«Siɛn'n, min akunndan'n ɔ'a sanngan. ?N ´se sɛ? ?N ´se kɛ: N Si, de min sa ng'ɔ wa ju yɛ'n nun? Sa sɔ'n ti yɛ m bali lele yɛ ɔ'a fa ju kɛ e ´se yɛ nin-ɔn.»

Jean 12:44

Jésus kpan seli kɛ: «Sran ng'ɔ lafi n su'n, nán n su yɛ ɔ lafi-ɔ, sanngɛ sran ng'ɔ sunmannin min'n i su yɛ ɔ lafi-ɔ.

Jean 13:19

Kɛ sa sɔ'n nian ju-man'n, n ´kan kle amun biki sa nan sɛ be ju'n, an `lafi sran wafa nga n ti'n su.

Jean 16:24

Lele ndɛ'n, an nian srɛ-man like fi min dunman nun. An `srɛ, amun ´nyɛn i yɛ amun klun'n ´jɔ lelele.»

Jean 16:3

Be ´yo amun sɔ yɛlɛ kɛ be si-man min nin e Si'n.

Jean 16:6

Kɛ n kɛn i sɔ kleli amun'n ti'n, amún wla'n ɔ'a bo dan.

Jean 5:23

nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

2 Korɛntfuɛ Mun 2:7

Ɔ man an `yaci i wun sa cɛ i, an `yo man i wla gua ase, sɛ ɔ'a yo-man sɔ-ɔ, ɔ cɛ-man nan awlaboɛ'n ɔ'a kun i.

Efɛzfuɛ Mun 1:15

I sɔ'n ti'n, n kusu kɛ n tili e Min Jésus i su bɔ an lafi'n nin klolɛ bɔ an klo Nyanmiɛn i sran mun'n,

2 Tɛsalonikfuɛ Mun 2:2

nán man ndɛ nga be kɛn i kɛ e Min'n i balɛ cɛn'n ɔ'a ju'n ɔ sanngan amun akunndan, nán man srɛ kun amun kpɛkun kɛ nga sa. Wienun-ɔn sran wie waan ɔ ijɔ Nyanmiɛn Wawɛ'n nuan yɛ ɔ kɛnnin i sɔ-ɔ, annzɛ be se kɛ e yɛ e kɛnnin i sɔ-ɔ, annzɛ be se kɛ e yɛ e klɛli amun fluwa sɔ-ɔ.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.