Jean 13:8 - NYANMIƐN NDƐ'N 1998

⁸ Piɛr seli i kɛ: «N liɛ'n, a su wunnzin-man n ja liɛ'n wie mlɔnmlɔn!» Yɛ Jésus seli i kɛ: «Sɛ m'an wunnzin-man wɔ'n, n liɛ nun-man ɔ liɛ nun kun.»

Nyanmien nde Ufle

⁸ Pierre sé i ke: N lie'n, a su wunnzi'an n dya lie'n wié mlonmlon! Ye Jésus sé i ke: Se man wunnzinmon'n, n lie nu'an o lie nun kun.

Jean 13:8 ပူးပေါင်းရင်းမြစ်များ

Bo Bolɛ 42:38

Zakɔb waan: «Cɛcɛ kun, nán mín wa liɛ'n yɛ ɔ nin amun ´kɔ-ɔ. I niaan'n wuli, i kunngba yɛ ɔ ka mín sa nun-ɔn. Kɛ an ´kɔ lɛ nan like wie ko yo i atin'n nun'n, oke nga m'an yo i yɛ'n, san klunngbɔ'n ´kun min.»

2 Samiɛl 20:1

Sran finfinfuɛ wie o Gilgal lɛ, be flɛ i Seba, Bikri i wa-a . Ɔ ti Bɛnzamɛn akpasua sufuɛ. Ɔ boli awɛ'n. I waan: «E ndɛ nun-man David ndɛ nun. E nin Izai i wa'n e di-man aja kunngba. Izraɛlfuɛ mun, amun kwlaa amun `sa amun sin amun tranwlɛ.»

1 Famiɛn Mun 12:16

Izraɛlfuɛ'm be wunnin kɛ famiɛn'n ɔ'a tie-man bé nuan ndɛ'n, yɛ be seli kɛ: «E ndɛ nun-man David ndɛ nun! E nin Izai i wa sɔ'n e di-man aja kunngba! Izraɛlfuɛ mun, amun man e sa e sin e wɔ e tannin sua'm be nun! Siɛn'n, David i osu'n nunfuɛ mun, amun famiɛn diwlɛ'n yɛ ɔ o lɛ-ɔ, amun `niɛn i lika!» Yɛ Izraɛlfuɛ'm be jasoli lɛ be ɔli-ɔ.

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Ezai 4:4

Kɛ Anannganman ko salo Siɔn lɔ bla'm bé wun fiɛn'n kɔ wie'n, kɛ ɔ ko salo Zerizalɛmfuɛ'm bé sran bɔ be kun be'n be mmoja'n ko wie'n, kɛ ɔ ko di jɔlɛ'n ko wie'n, kɛ ɔ ko nunnun sa tɛ'n ko wie'n,

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Matthieu 16:22

Piɛr fɛ i ɔli aamiɛn nan ɔ'a ijɔ i, ɔ seli i kɛ: «N kpla e! Nannan, nán man Nyanmiɛn di su man sa nga tɔ wɔ su.»

Matthieu 21:29

Ɔ seli i kɛ: ‹N kɔ-man.› I sin ɔ buli i akunndan nan ɔ'a wɔ.

Matthieu 26:33

Piɛr sɔli su nan ɔ'a se i kɛ: «Kannzɛ wɔ ti be kwlaa bé ti nun ´saci'n, n liɛ'n su saci-man wie mlɔnmlɔn.»

Matthieu 26:35

Piɛr seli i kɛ: «Kannzɛ min nin wɔ e ´wu'n, san e ´wu, n su se-man kɛ n si-man wɔ le.» Nan i sɔnnzɔnfuɛ'm be kwlaa b'a kan ndɛ kunngba'n.

Jean 13:6

Kɛ ɔ toli Simɔn Piɛr'n, ɔ seli i kɛ: «?Nannan, wɔ yɛ a wa wunnzin mín ja-a?»

Jean 13:9

Simɔn Piɛr seli i kɛ: «Nannan, sɛ ɔ ti sɔ'n, nán wunnzin n ja'n ngunmin, sanngɛ wunnzin n sa'n nin n ti'n.»

Jean 3:5

Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

Sa nga bé yôli'n 22:16

?Nguɛ yɛ a tɛ minndɛ i siɛn nin-ɔn? Jao man be yo wɔ batɛm i dunman nun, man ɔ yaci ɔ́ wun sa'n cɛ wɔ.› »

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

Efɛzfuɛ Mun 5:26

Afin Asɔnun'n ti, ɔ fɛ i wun mannin nan kɛ ɔ wunnzin i b'ɔ yo yɛiin i ndɛ'n ti, ɔ ´kaci Nyanmiɛn liɛ mlɔnmlɔn.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

Kolɔsfuɛ Mun 2:23

Nanwlɛ, kɛ be su like nga be klo be'n, bɔ be yo bé wun kɛ be ti aenvuɛ sa'n, yɛ be kle be wun nyrɛnnɛn'n, sran'm be nyrun be ndɛ sɔ'n ti sa b'ɔ ti ngwlɛlɛ like kpa. Sanngɛ sa sɔ'm be yolɛ'n ti ngbɛn, ɔ man sran'm be kwla yaci-man konvi yolɛ'n.

Tite 3:5

ɔ deli ye. Nán kɛ e yoli sa kpa wie ti yɛ ɔ deli ye-ɔ, sanngɛ i bɔbɔ yɛ ɔ sili ye aunnvuɛ sɔ-ɔ. Kɛ i Wawɛ'n wuli ye uflɛ, wunnzinlɛ bɔ i bɔbɔ Nyanmiɛn wunnzinnin ye'n ti, b'ɔ man e kacili sran uflɛ'n, yɛ ɔ deli ye-ɔ.

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .