Jean 13:5 - NYANMIƐN NDƐ'N 1998

⁵ I sin ɔ guali nzue kpongbo kun nun, yɛ ɔ tɔli i sɔnnzɔnfuɛ'm bé ja wunnzinlɛ su-ɔ. Wunnzinnun'n b'ɔ ci i afiɛn'n, ɔ fa nunnunnin.

Nyanmien nde Ufle

⁵ I sin o guaa nzué kpôngbô kun nun, ye o to i sonnzonfue'm bé dya wunnzinle suo. O fa wunnzinnun'n b'o tyi i afien'n o fa nunnun.

Jean 13:5 ပူးပေါင်းရင်းမြစ်များ

Bo Bolɛ 18:4

Kɛ bɔ amu'an to mín wa'n, man be fa nzue be wunnzin amún ja wun nan an de wunmiɛn waka yɛ'n i bo. Man m blɛ amun like kan nan an fa tra amun anwlɛn nan amu'an wɔ be nyrun.» Yɛ be tɛli i su kɛ: «E tili.»

Bo Bolɛ 19:2

Ɔ seli be kɛ: «Nannan mun, amun `yaci, an `ju min awlo lɔ. An `ko wunnzin amun ja wun nan e la. Ainman nglɛmun wuun amu'an `wɔ kan an ´kɔ'n.» Be tɛli i su kɛ: «Cɛcɛ, man e la gua'n su.»

Bo Bolɛ 43:24

Bian'n fa be wluli Zozɛf i awlo lɔ. Ɔ mannin be nzue be wunnzinnin bé ja. Ɔ mannin be aflunmun'm be ijre.

2 Famiɛn Mun 3:11

Yɛ Zozafat usali kɛ: «?Anannganman i nuan ijɔfuɛ fi nun-man wa b'ɔ ´wun Anannganman wun ´man ye-ɔ?» Izraɛl famiɛn'n i sonja'm bé su kpɛn'n kun waan: «Safat i wa Elize bɔ laa ɔ gua Eli sa su nzue'n wo wa.»

Ezipt Lɔ Tulɛ'n 29:4

Fa Aarɔn nin i wa yasua mun kɔ tannin sua nga n yi mín wun nglo nun'n i anuan nun lɛ, yɛ man be fa nzue be wunnzin.

Ezai 1:16

Amun `wunnzin, amun `yo amún wun saun. Amun `yi amun sa tɛtɛ bɔ amun yo be'n min nyrun lɛ. Amun `yaci sa tɛ'n i yolɛ.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Saun Yolɛ 14:8

Kpɛkuun man sran nga bɔ be boli i wun aso'n ɔ kpu i wun ninnge mun, yɛ ɔ `yi i wun ndrɛ'n ngba nan ɔ `fa nzue wunnzin. Kɛ ɔ ko yo sɔ'n siɛn'n, ɔ kɔ nanmue'n nun lɔ-ɔ ɔ yo ye. Sanngɛ i lele b'ɔ ´fa di le mɔcuɛ kun'n, nán man ɔ wlu i sua'n nun.

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

JÉSUS-CHRIST I DYASIN FE'N BO LUC KLELI'N 7:38

Bla sɔ'n fa parfɛn albatri sɛ kun bali, ɔ jrannin Jésus i ja wun lɛ, ɔ sunnin, i nyinmuɛn'n guali Jésus i ja'n su, ɔ fɛ i ti ndrɛ'n nunnunnin, ɔ koto trɛli i ja'n yɛ ɔ fa parfɛn sɔ'n guɛli i ja wun.

JÉSUS-CHRIST I DYASIN FE'N BO LUC KLELI'N 7:44

I sin ɔ kpɛli i nyin bla'n wun lɔ nan ɔ'a se Simɔn kɛ: «?A wun bla nga? Kɛ n wluli wɔ awlo wa'n, w'a man-man min nzue kɛ n fa wunnzin n ja, sanngɛ bla nga ɔ fɛ i nyinmuɛn'n guali n ja'n su, yɛ ɔ fɛ i ti ndrɛ'n nunnunnin.

Jean 13:10

Jésus seli i kɛ: «Sran nga ɔ'a dun mmua wunnzin'n, san i ja yɛ ɔ wunnzin-ɔn, afin i wun ti yɛiin. Amun liɛ'n, an ti yɛiin, sanngɛ nán amun ngba-a.»

Jean 13:6

Kɛ ɔ toli Simɔn Piɛr'n, ɔ seli i kɛ: «?Nannan, wɔ yɛ a wa wunnzin mín ja-a?»

Jean 13:8

Piɛr seli i kɛ: «N liɛ'n, a su wunnzin-man n ja liɛ'n wie mlɔnmlɔn!» Yɛ Jésus seli i kɛ: «Sɛ m'an wunnzin-man wɔ'n, n liɛ nun-man ɔ liɛ nun kun.»

Jean 19:34

sanngɛ sonja'm be nun kun wɔli i nvɛn nun cua, kpɛkuun nzue nin mmoja be fin nun fiteli.

Sa nga bé yôli'n 22:16

?Nguɛ yɛ a tɛ minndɛ i siɛn nin-ɔn? Jao man be yo wɔ batɛm i dunman nun, man ɔ yaci ɔ́ wun sa'n cɛ wɔ.› »

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

Efɛzfuɛ Mun 5:26

Afin Asɔnun'n ti, ɔ fɛ i wun mannin nan kɛ ɔ wunnzin i b'ɔ yo yɛiin i ndɛ'n ti, ɔ ´kaci Nyanmiɛn liɛ mlɔnmlɔn.

1 Timote 5:10

Man be wun kɛ ɔ yo sran'm be ye, yɛ ɔ niɛn i mma'm be su kpa, man be wun kɛ ɔ ti aklunyefuɛ, yɛ ɔ wunnzin Nyanmiɛn sran'm bé ja, man be wun ekun kɛ ɔ uka yalɛfuɛ mun, yɛ ɔ yo sa kpakpa'n kwlaa.

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

1 Jean 5:6

Sran ng'ɔ bali'n yɛlɛ Jésus-Krist. Kɛ ɔ bali'n, nzue nin mmoja yɛ man be sili i-ɔ. Nán nzue ngunmin yɛ man be sili i-ɔ, sanngɛ be nnyɔn nin-ɔn. Yɛ Nyanmiɛn Wawɛ'n seli kɛ ndɛ sɔ'n ti nanwlɛ, afin Wawɛ'n bɔbɔ ti nanwlɛfuɛ.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .

Jɔlɛ Difuɛ Mun 19:21

Yɛ ɔ nin i be ɔli awlo-ɔ. Ɔ mannin i aflunmun'm be ijre. Be bɔbɔ be wunnzinnin bé ja wun. I sin be dili like be nɔnnin nzan.

1 Samiɛl 25:41

Yɛ Abigail jasoli nan ɔ'a koto, ɔ'a utu i nyin ase bé bo, ɔ seli kɛ: «Min min-ɔn, man n yo i sufuɛ nan n wunnzin i sufuɛ'm bé ja wun.»