Jean 13:34 - NYANMIƐN NDƐ'N 1998

³⁴ M ´man amun mmla kun ekun: an `klo amun wiengu. Klolɛ nga n fa kloli amun'n, amun kusu an `fa klo amun wiengu sɔ.

Nyanmien nde Ufle

³⁴ Mh manh amun mmla kun ékun, anh klô amun wiéngu. Klôle nga n fa klôli amun'n, amun kusu anh fa klô amun wiéngu so.

Jean 13:34 ပူးပေါင်းရင်းမြစ်များ

Jue Mun 119:63

Be bɔ bé nyin yi wɔ'n, bɔ be fa ɔ mmla nga a sie be'n su'n, be kwlaa be ti min janvuɛ.

Jue Mun 16:3

Ɔ sufuɛ kpakpa nga be o mɛn nga nun'n, be cɛ yɛ m bu be sran yɛ n klo be-ɔ.

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Saun Yolɛ 19:34

Amun `trɛ i nun kɛ wie-ɔ ɔ ti amun niaan wie sa. Amun `klo i kɛ amun fa klo amun bɔbɔ amun wun'n sa. Nán amun wla fi kɛ amun bɔbɔ amun yoli aofuɛ'n wie Ezipt mɛn'n nun lɔ. Min yɛ n ti Anannganman amun Nyanmiɛn nin-ɔn.

Matthieu 5:44

Sanngɛ n liɛ'n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn'n, an `yra be nguan. Be nga be kpɔ amun'n, an `yo be kpa, yɛ be nga be yo amun tɛtɛ bɔ be kle amun yalɛ'n, an `srɛ Nyanmiɛn kɛ ɔ yo be kpa .

Jean 15:17

Ndɛ nga n ´kan kle amun'n yɛlɛ kɛ an `klo amun wiengu.»

Jean 17:21

Min Si, n ´srɛ wɔ kɛ be `kaci sran wunmuan, yɛ be nin ye e `yo sran wunmuan kɛ min nin wɔ e ti sran wunmuan'n sa nan mɛn nunfuɛ'm be lafi su kɛ wɔ yɛ a sunmannin min-ɔn.

Rɔmfuɛ Mun 12:10

An `klo amun wun kpa kɛ sran nin i niaan sa, an `bu amun wiengu sran.

Rɔmfuɛ Mun 13:10

Sran ng'ɔ klo i wiengu'n, ɔ yo-mɛn i tɛ, ɔ man sran ng'ɔ klo sran'n, wuun ɔ'a wie mmla'n kwlaa su fa.

Rɔmfuɛ Mun 13:8

Nán man sran fi kalɛ tran amun su, san amun wiengu klolɛ yɛ ɔ yo kɛ kalɛ sa yɛ ɔ tran amun su-ɔ. Afin sran ng'ɔ klo i wiengu'n, wuun ɔ'a wie mmla'n kwlaa su fa.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Galasifuɛ Mun 6:10

Ɔ man sɛ e nyɛn i wun alaje'n, man e yo sran'm be kwlaa be ye, sanngɛ man e dun mmua yo man e niaan nga e nin be e lafi Krist su'n.

Galasifuɛ Mun 6:2

Sɛ an wun amun niaan kun bɔ i trɔ'n su ti i'n, an `ukɛ i. Sɛ an yo i sɔ'n, wuun amu'an wie Krist mmla'n su fa.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Kolɔsfuɛ Mun 1:4

afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

1 Tɛsalonikfuɛ Mun 3:12

Man e Min'n man an klo amun wiengu nin sran'm be kwlaa dan kpa tra laa'n kɛ e kusu e fa klo amun'n sa!

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

Hébreu 13:1

An `klo amun wun kpa kɛ sran nin i niaan sa tititi.

Jacques 2:8

Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

2 Piɛr 1:7

Kɛ an mantan Nyanmiɛn'n, an `yo amun niaan'm be kpa. Kɛ an yo be kpa'n, an `klo sran.

1 Jean 3:11

An `nian, ndɛ nga kɛ ɔ fin i bo bolɛ nun'n an tili'n yɛ: yɛlɛ kɛ e `klo e wun.

1 Jean 3:23

An `nian mmla nga ɔ fa man ye'n yɛ: i waan e `lafi i Wa Jésus-Krist su, yɛ e klo e wun kɛ Krist kan kleli ye kɛ e klo e wun'n sa .

1 Jean 4:21

An `nian, mmla nga Krist fa mannin ye'n yɛ: i waan sran ng'ɔ klo Nyanmiɛn'n man ɔ klo i niaan kusu.

2 Jean 1:5

Mmo, ɔ bɔ a ti n sran kpa'n, ndɛ nga n ´klɛ m blɛ wɔ yɛ'n, nán sa uflɛ yɛ n se kɛ e `yo-ɔ, sanngɛ sa kunngba nga e tili i bo bolɛ nun nin-ɔn. N ´srɛ wɔ, man e klo e wun .