Jean 13:10 - NYANMIƐN NDƐ'N 1998

¹⁰ Jésus seli i kɛ: «Sran nga ɔ'a dun mmua wunnzin'n, san i ja yɛ ɔ wunnzin-ɔn, afin i wun ti yɛiin. Amun liɛ'n, an ti yɛiin, sanngɛ nán amun ngba-a.»

Nyanmien nde Ufle

¹⁰ Jésus sé i ke: Swran nga wa dun mmua wunnzin'n, sen i dya ye o wunnzion, afin i wun ti yeiin. Amun lie'n, an ti yeiin, sannge nanh amun ngbaa.

Jean 13:10 ပူးပေါင်းရင်းမြစ်များ

Akunndanfuɛ'n 7:20

Sran kun b'ɔ yo sa kpa lele guɛ i ti nin i bo'n, b'ɔ yo-man sa tɛ kaan sa le'n, i sɔ nun-man nyanmiɛn'n bo wa .

Ngɔjue Fɛfɛ Kpa'n 4:7

N janvuɛ kpa, a ti klanman dan. Fɔ fi nun-man ɔ́ wun.

Zeremi 50:20

I blɛ sɔ nun'n, be ´kunndɛ sa tɛ nga Izraɛl yoli'n lele ngbɛn. Be su wun-mɛn i le. Sa tɛ nga Zida yoli'n, be ´kunndɛ lele ngbɛn. Be su wun-man kan ɔ sinnin-ɔn. Afin be bɔ n yacili be lɛ'n, n ´yaci bé wun sa n ´cɛ be .

Saun Yolɛ 16:26

Sran nga b'ɔ fali Azazɛl i boli yasua'n ɔli aawlɛ flɛnnɛn'n dan'n nun lɔ'n kusu, man ɔ kpu i wun tralɛ mun nan ɔ `wunnzin kwlaa nan ɔ'a kpɛn min nanmue'n nun lɔ.

Saun Yolɛ 16:28

Sran nga b'ɔ wɔ i sɔ nnɛn liɛ'm be nun'n, man ɔ kpu i wun tralɛ mun, ɔ `wunnzin nan ɔ'a sɛ i sin min nanmue'n nun lɔ.

Matthieu 6:12

Yaci sa nga e yo wɔ'n cɛ e kɛ e yaci be bɔ be yo é tɛ'n be liɛ'n cɛ be'n sa.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»

Jean 13:9

Simɔn Piɛr seli i kɛ: «Nannan, sɛ ɔ ti sɔ'n, nán wunnzin n ja'n ngunmin, sanngɛ wunnzin n sa'n nin n ti'n.»

Jean 15:3

Ndɛ nga n kan kleli amun'n ti amu'an yo kpa.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

1 Tɛsalonikfuɛ Mun 5:23

Man Nyanmiɛn b'ɔ man sran di alaje'n ɔ yo man an kaci i liɛ mlɔnmlɔn, man ɔ nian amun wunmuan'n su, amun klun akunndan'n, nin amun wawɛ'n, nin amun wunnɛn'n, nan cɛn nga e Min Jésus-Krist ´ba'n b'a kputu-man amun!

Hébreu 9:10

Afin be ti ndidiɛ ninnge, nin like nɔnnɔnlɛ, ɔ nin wunnzinlɛ fanunfanun'm bé su mmla bɔ be di su lele fa juli cɛn nga Nyanmiɛn kacili like'n kwlaa uflɛ'n.

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.