Jean 13:1 - NYANMIƐN NDƐ'N 1998

¹ Jésus sili kɛ i mɛn'n nun wa tulɛ'n nin i Si sin kɔlɛ'n ɔ'a ju, i sin nan b'a bo Delɛ-cɛn'n dilɛ'n bo. Kɛ ɔ fin i bo bolɛ nun'n, Jésus klo i fuɛ nga be o mɛn'n nun'n, ɔ klo be lele guɛ i ti nin i bo.

Nyanmien nde Ufle

¹ Jésus si ke i men'n nun wa tule'n nin i Si sin kole'n wa dyu, i sin nan ba bô Pâque (*f17*) dile'n i bô. Ke o fin i bôbôle nun'n, Jésus klô ifue nga bé ô men'n nun'n, o klô bé lélé gue i ti nin i bô.

Jean 13:1 ပူးပေါင်းရင်းမြစ်များ

Nyanndra Mun 8:31

N kan ngowa sɔ'n mɛn ng'ɔ yili'n i asiɛ'n su. Kɛ ɔ fin lɛ'n, kɛ n wo sran'm be afiɛn'n, ɔ yo min fɛ.

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Matthieu 26:45

I sin ɔ sɛ i sin bɛli i sɔnnzɔnfuɛ'm bé wun lɛ nan ɔ'a se be kɛ: «An `de wunmiɛn, an `lafi siɛn'n! An `nian, dɔ nga be ´fa m bɔ n kacili Sran'n man sa tɛ yofuɛ mun'n ɔ'a ju.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

JÉSUS-CHRIST I DYASIN FE'N BO LUC KLELI'N 22:53

Cɛn kwlaa min nin amun yɛ e o Nyanmiɛn i sua nun-ɔn, amu'an tra-man min, siɛn'n amun nin aosin'n amun blɛ liɛ'n yɛ ɔ'a ju-ɔ.»

JÉSUS-CHRIST I DYASIN FE'N BO LUC KLELI'N 9:51

Kɛ cɛn nga Nyanmiɛn wa fa Jésus kɔ nyanmiɛn su'n mantannin'n, i waan, san ɔ ´kɔ Zerizalɛm, nan ɔ'a sunman sran i nyrun lɔ.

Jean 11:55

Kɛ Zuif'm bé cɛn bɔ be flɛ i Delɛ-cɛn'n ɔ wa ju'n, sran kpanngban be fin klɔklɔ'm be su be dun mmua kɔ Zerizalɛm be ko yo bé wun saun nan Delɛ-cɛn'n sɔ'n ɔ'a ju.

Jean 12:23

Jésus seli be kɛ: «M bɔ n kacili Sran'n, n sran wafa nga n ti'n i nglo yilɛ cɛn'n ɔ'a ju.

Jean 13:29

Kɛ bɔ Zidas yɛ ɔ sie be bɔlɛ'n ti, be wie'm be bu i kɛ ɔ seli i kɛ ɔ ko to like nga be ´fa di cɛn'n annzɛ ɔ `cɛ yalɛfuɛ'm be like wie.

Jean 13:3

Jésus bɔbɔ si weiin kɛ i Si fali like'n kwlaa wlɛli i sa nun, ɔ si kɛ ɔ fin i Si Nyanmiɛn wun lɔ, yɛ ɔ su wa kɔ lɔ ekun.

Jean 13:34

M ´man amun mmla kun ekun: an `klo amun wiengu. Klolɛ nga n fa kloli amun'n, amun kusu an `fa klo amun wiengu sɔ.

Jean 14:28

An tili i kɛ n seli amun kɛ n su kɔ, sanngɛ m ´ba amún wun wa ekun. Sɛ an klo min'n, wuun kɛ n su kɔ e Si sin'n, wuun amun klun ´jɔ, afin e Si'n lɛ nyrun tra min.

Jean 14:31

sanngɛ man mɛn nunfuɛ'm be si kɛ n klo e Si'n, yɛ like ng'ɔ kle n kɛ n yo'n, yɛ n yo-ɔ. An `jao man e wɔ.»

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Jean 17:1

Kɛ Jésus kannin sɔ bɔ i nuan tɔli'n, ɔ mɛnnin i nyin su niannin Nyanmiɛn su lɔ seli kɛ: «Min Si, blɛ'n ɔ'a ju siɛn'n, yi ɔ Wa'n i sran wafa ng'ɔ ti'n i nglo nɛn i kusu man ɔ kɔmin su.

Jean 17:16

Be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 17:26

N yoli man be sili wɔ, yɛ n yoli man be wa si wɔ ekun nan klolɛ nga a fa kloli min'n, be `si kɛ a klo be sɔ wie, yɛ be `si kɛ min nin be y'a yo sran wunmuan.»

Jean 17:5

I sɔ'n ti siɛn'n, min Si, nyrun nga kɛ n wo ɔ wun lɔ'n n lɛ i'n nan w'a yi mɛn'n, man n nyan nyrun kunngba sɔ'n ɔ wun lɔ ekun.

Jean 18:4

Jésus b'ɔ si sa nga be su wa yo i'n i kwlaa'n, ɔ wunngeli bé wun lɛ nan ɔ'a usa be kɛ: «?An su kunndɛ wan?»

Jean 19:28

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»

Jean 2:13

Kɛ Zuif'm be Delɛ-cɛn'n wa ju'n, Jésus ɔli Zerizalɛm.

Jean 6:4

Kɛ ɔ ´yo sɔ'n, wuun Delɛ-cɛn b'ɔ ti Zuif'm bé cɛn'n ɔ'a mantan.

Jean 7:30

Ɔ man be waan be ´trɛ i, sanngɛ i tralɛ cɛn nian ju-man ti sran fi sa a kɛn-mɛn i.

Jean 7:6

Jésus seli be kɛ: «N cɛn liɛ'n nian ju-man, sanngɛ amun liɛ'n, cɛn'n kwlaa ti amún cɛn kpa.

Jean 8:20

Kɛ Jésus ´kle like Nyanmiɛn i sua'n nun b'ɔ o sika guawlɛ'n i wun lɛ'n, yɛ ɔ kannin ndɛ sɔ nin-ɔn. Sran fi a trɛ-mɛn i, afin i cɛn'n nian ju-man.

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

1 Korɛntfuɛ Mun 1:8

I yɛ man amun ´jran cinnjin lele fa ju i awieliɛ-ɔ nan e Min Jésus-Krist i wun nglo yilɛ cɛn'n nun b'a kputu-man amun.

Hébreu 3:14

Afin sɛ e fa é wla gua Krist su lele guɛ i ti nin i bo kɛ i bo bolɛ nun sa'n, wuun e nin i e ti wiengu.

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

Hébreu 6:11

Sanngɛ e klo kɛ amun kwlakwla an mian amún nyin yo kɛ an yo i laa'n sa guɛ i ti nin i bo, yɛ amun ´nyan like nga amún wla o su kɛ amun ´nyɛn i'n i kwlaa-a.

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Jean 4:19

E liɛ'n, e klo Nyanmiɛn, afin ɔ dun mmua kloli ye.