Jean 11:52 - NYANMIƐN NDƐ'N 1998

⁵² Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Nyanmien nde Ufle

⁵² Nanh ke nvlé so'n ngunmin tio, sannge oh yôh so nan Nyanmien ken i mma'm bo bé sanndili'n bé kwlaa bô nun.

Jean 11:52 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Jue Mun 22:15

Min wunmiɛn'n ɔ wie kɛ nzue b'ɔ sonji kɔ'n sa. N kwla jran-man n ja'n su kun. Yakpa bɔ min waan n ti'n, m'an kaci kɛ nguɛn bɔ ɔ'a klo'n sa.

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Ezai 49:18

Amun `man amún nyin'n su be nian-nian, amun mma'm be kwlaa b'a yia be su ba amún sin.» Anannganman seli ekun kɛ: «N kan m bɔbɔ min ti! Sɛ be ti bé wun wlawlalɛ like'n, wuun amun ´fa be wlawla amún wun. Sɛ be ti kplo'n, wuun n ´se kɛ amun ´fa be ci amun afiɛn kɛ bla kun b'ɔ su kɔ aja'n ɔ fɛ i cisu ci i afiɛn'n sa.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 55:5

Izraɛlfuɛ mun, amun kusu amun `nian, amun wa flɛflɛ nvle-nvle wie'm be nun sran bɔ amun si-man be'n, yɛ sran sɔ'm bɔ be si-man amun'n, be wa wanndi be ba amún sin. M bɔbɔ min Anannganman bɔ n ti amun Nyanmiɛn'n m bɔ man amun lɛ nyrun'n, min ti yɛ be ´ba-a.»

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Ezai 60:4

Nian-nian sin yia nun, nian, ɔ mma'm be kwlaa b'a yia be su ba ɔ́ sin. Ɔ mma yasua'm be fin mmua lɔ be su ba, sran'm be fa ɔ mma bla mun bé sa su yɛ be ba-a.

Ezekiɛl 34:12

N ´tian bé nuan kɛ bua su nianfuɛ ɔ tian i nnɛn nga b'a bo b'a sanndi'n bé nuan'n sa. Cɛn nga bɔ nzue tɔ'n, lika kwlaa nga be ɔli lɛ'n, n ´ko kunndɛ be.

JÉSUS-CHRIST I DYASIN FE'N BO LUC KLELI'N 15:8

«?Yɛ bla onin yɛ sɛ ɔ lɛ jɛtɛ mma blu nan kun mlin'n, ɔ sɔ-man kannin ɔ kuan-man sua lɔ ɔ kunndɛ-mɛn i blɛblɛ lele san ɔ ´wun i-ɔ?

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 1:12

Sanngɛ be kwlaa nga be sɔli i nun bɔ be lafi i su'n, ɔ man be kaci Nyanmiɛn wa .

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 12:32

Yɛ n kusu, sɛ be man n su'n, n yo man sran'm be kwlaa be ´ba n sin.»

Sa nga bé yôli'n 18:10

«Kan min ndɛ'n, nán srɛ kun wɔ, nán yaci, yɛlɛ kɛ n jin ɔ sin, sran fi su fɛ-mɛn i sa kan-man wɔ, afin n lɛ sran kpanngban klɔ nga su .»

Rɔmfuɛ Mun 3:29

?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

Rɔmfuɛ Mun 4:17

Afin be klɛli i kɛ: « M man a ´yo nvle kpanngban kpa bé si.» Nyanmiɛn b'ɔ lafi i su'n b'ɔ cɛn sran nga ɔ'a wu'n, b'ɔ bo like nga be nun-man lɛ'n be dunman kɛ like bɔ be o lɛ sa'n, i nyrun'n, ɔ ti é si .

Efɛzfuɛ Mun 1:5

Klolɛ b'ɔ klo ye'n ti, ɔ dun mmua buli ye akunndan kɛ sa nga Jésus-Krist yoli'n ti ɔ ´fa e kaci i klun ba. I klun jɔli su kɛ ɔ ´yo i sɔ'n ti yɛ ɔ yoli sɔ

Efɛzfuɛ Mun 3:11

Kɛ ɔ yoli sɔ'n, sa ng'ɔ dun mmua buli i akunndan lalafuɛ nun kɛ ɔ man e Min Krist-Jésus yo'n, ɔ kpɛnnin su.

Jacques 1:1

N Zak bɔ n ti Nyanmiɛn nin e Min Jésus-Krist be sran'n, n ´yo nvle blu-nin-nnyɔn bɔ b'a sanndi mɛn wunmuan nun'n be like.

1 Piɛr 1:1

M Piɛr bɔ Jésus-Krist sunmannin min'n, n ´klɛ fluwa nga blɛ amun bɔ Nyanmiɛn fali amun bɔ an sanndili'n, bɔ an ti aofuɛ Pɔnt, nin Galasi, nin Kapadɔs, nin Azi, nin Bitini mɛn nun'n.

1 Jean 2:2

Afin i bɔbɔ fɛ i wun yili é ti tɛ nan Nyanmiɛn yaci sa nga e yoli i'n cɛ ye. Nán e ngunmin é ti tɛ yɛ ɔ yili-ɔ, sran'm be kwlaa be liɛ-ɔ.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .