Jean 11:41 - NYANMIƐN NDƐ'N 1998

⁴¹ Be yili yɛbuɛ'n. Jésus mɛnnin i nyin su niannin Nyanmiɛn su lɔ, yɛ ɔ seli kɛ: «N Si, kwla o, afin ndɛ nga n kannin'n, a tili.

Nyanmien nde Ufle

⁴¹ O man bé yii yebue'n. O meen i nyin su nian nyanmien su lo, o sé ke: N Si, kwla ô, afin nde nga n kannin'n, a tili.

Jean 11:41 ပူးပေါင်းရင်းမြစ်များ

Jue Mun 123:1

Zerizalɛm kɔlɛ'n i su jue, M man mín nyin'n su n nian wɔ bɔ a o famiɛn bia'n su nyanmiɛn'n su lɔ'n.

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

Matthieu 11:26

N Si, kwla o, ɔ klun sa nga a yoli'n ti.

Matthieu 27:60

nan ɔ'a ko sie i i bɔbɔ i ndia uflɛ bɔ be ko sie i nun'n, b'ɔ man be kpɛli i yɛbuɛ nun'n i nun. Yɛ ɔ kondoli yɛbuɛ dan kun sieli ndia sɔ'n i anuan'n nun nan ɔ'a wɔ.

Marc 15:46

Zozɛf toli tannin kpa kun, ɔ yili i fuɛn'n waka'n su, ɔ fa tannin'n cicili i, nan ɔ'a ko sie i ndia bɔ be kpɛli i yɛbuɛ nun'n i nun. Yɛ ɔ kondoli yɛbuɛ dan kun nyinnin ndia i anuan nin-ɔn .

JÉSUS-CHRIST I DYASIN FE'N BO LUC KLELI'N 10:21

I osu kunngba'n nun Nyanmiɛn Wawɛ'n man Jésus klun jɔli dan kpa, nan ɔ'a se kɛ: «N Si, wɔ bɔ a sie like'n kwlaa Nyanmiɛn su lɔ nin asiɛ'n su wa'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n. N Si, kwla o, ɔ klun sa nga a yoli'n ti yɛ n la wɔ ase-ɔ.

JÉSUS-CHRIST I DYASIN FE'N BO LUC KLELI'N 18:13

Gua bo sika defuɛ'n jrannin mmua lɔ, ɔ'a kwla mɛn-mɛn i ti'n su bɔbɔ, sanngɛ ɔ fɛ i sa'n finnin i wue nun, yɛ ɔ seli kɛ: ‹Ee Nyanmiɛn, yaci, n ti sa tɛ yofuɛ, si min aunnvuɛ.›

JÉSUS-CHRIST I DYASIN FE'N BO LUC KLELI'N 24:2

Kɛ be juli lɔ'n, be wunnin kɛ b'a kondo ndia'n i anuan'n nun yɛbuɛ'n.

Jean 11:22

Sanngɛ kɛ e o yɛ'n bɔbɔ, n si kɛ like nga a se Nyanmiɛn kɛ ɔ yo man wɔ'n, ɔ ´yo.»

Jean 17:1

Kɛ Jésus kannin sɔ bɔ i nuan tɔli'n, ɔ mɛnnin i nyin su niannin Nyanmiɛn su lɔ seli kɛ: «Min Si, blɛ'n ɔ'a ju siɛn'n, yi ɔ Wa'n i sran wafa ng'ɔ ti'n i nglo nɛn i kusu man ɔ kɔmin su.

Jean 20:1

Mɔnnɛn'n b'ɔ ti le mɔcuɛ'n i cɛn ba klikli'n, Mari b'ɔ fin Magdala'n wɔli ndia'n su lɔ nglɛmun ndɛ kpa kɛ lika'n nian titi-man'n, ɔ wunnin kɛ b'a yi yɛbuɛ'n b'ɔ o ndia i anuan nun'n.

Sa nga bé yôli'n 7:55

Sanngɛ Etiɛni bɔ Nyanmiɛn Wawɛ sie i'n, ɔ niannin nyanmiɛn su lɔ siin, yɛ ɔ wunnin kɛ Nyanmiɛn yi i wun nglo nyannyannyan yɛ Jésus jin Nyanmiɛn'n i fama su.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.