Jean 10:7 - NYANMIƐN NDƐ'N 1998

⁷ Jésus seli be ekun kɛ: «Nanwlɛ, n ti bua'm be tuin'n i anuan.

Nyanmien nde Ufle

⁷ Jésus sé bé ékun ke: Nanwle, n ti bua'm bé tuin'n i anuan.

Jean 10:7 ပူးပေါင်းရင်းမြစ်များ

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 79:13

Sanngɛ e bɔ e ti ɔ sran mun'n, bɔ e ti kɛ ɔ́ kuku'n nun nnɛn mun sa'n, e liɛ'n e ´to jue e ´manman wɔ tititi, e ´bo e flɛ wɔ tititi.

Jue Mun 95:7

Afin i yɛ ɔ ti e Nyanmiɛn nin-ɔn. E ti kɛ i kuku nun nnɛn mun sa, i yɛ ɔ kankan ye-ɔ . Sɛ ndɛkɛn amun ti kɛ ɔ su kan ndɛ'n,

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezekiɛl 34:31

«Min bua mun, amun bɔ amun ti min kuku'n nun bua mun'n, amun ti klɔ sran. Min kusu n ti amun Nyanmiɛn.» Anannganman Nyanmiɛn'n yɛ ɔ kan sɔ-ɔ.

Ezekiɛl 36:38

Blɛ bɔ be ´di afuɛ nuan cɛn mun'n, nnɛn nga be fa be kɛ be `fa yi tɛ'n, be ´yi Zerizalɛm mɛn wunmuan'n. Iyo, kɛ sran'm be wa sɔn klɔ nga bɔ be bubuli'n be su sɔ-ɔ. I sɔ nun'n, sran'm be kwlaa be wa si jrɛiin kɛ min yɛ n ti Anannganman nin-ɔn.»

Jean 10:1

Nanwlɛ, sran ng'ɔ sin-man bua'm be tuin'n i anuan'n nun b'ɔ sin lika uflɛ wlu lɔ'n, ɔ ti awiefuɛ nin kakajefuɛ.

Jean 10:9

N liɛ'n, n ti anuan, sran ng'ɔ sin min nun'n, ɔ ´fite nun, ɔ ´wlu, ɔ ´fite, yɛ ɔ ´nyan didiwlɛ.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Efɛzfuɛ Mun 2:18

afin e kwlaa, sɛ e ti Zuif o, sɛ e ti-man Zuif o, Krist ti e kwla kɔ e Si Nyanmiɛn wun lɔ i Wawɛ'n i fanngan nun.