Jean 10:5 - NYANMIƐN NDƐ'N 1998

⁵ Be su-man sran wie su, sanngɛ be wanndi i, afin be si-mɛn i nɛn'n.

Nyanmien nde Ufle

⁵ Bé su'a swran wié su, sannge bé wanndii, afin bé si'e i nen'n.

Jean 10:5 ပူးပေါင်းရင်းမြစ်များ

1 Famiɛn Mun 22:7

Sanngɛ Zozafat usali kɛ: «?Nyanmiɛn nuan ijɔfuɛ uflɛ fi nun-man wa bɔ be kwla sin i sin be usa Anannganman sa-a?»

Nyanndra Mun 19:27

Mín wa, afɔtuɛ nga be man wɔ'n, sɛ a su fa-man su'n nan a ´kaci ɔ́ sin si ngwlɛlɛ'n, wuun nán bo wɛ sie ɔ́ su tie.

Marc 4:24

Ɔ seli be ekun kɛ: «Ndɛ nga an ti'n, an `nian su kpa. Suliɛ nga an su nun man sran wie mun'n, i kunngba'n nun yɛ Nyanmiɛn ´su man amun-ɔn, ɔ ´uka amun liɛ'n su.»

JÉSUS-CHRIST I DYASIN FE'N BO LUC KLELI'N 8:18

Ɔ man an `sie amún su ndɛ nga be kan'n be su kpa, afin sran ng'ɔ lɛ like'n yɛ be mɛn i wie-ɔ, sanngɛ ng'ɔ lɛ-man like'n, kaan ng'ɔ wo i sa nun b'ɔ lafi su'n, be ´de.»

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 10:4

Kɛ ɔ'a fa be kwlaa a fite lɔ'n, ɔ dun mmua be nyrun, be su i su, afin be si i nɛn'n.

2 Timote 4:3

Afin cɛn wie lele'n, sran'm be su fa-man ndɛ nanwlɛ'n su kun, be ´yo sa ng'ɔ yo be bɔbɔ be fɛ'n, yɛ be ´kunndɛ sran kpanngban kpa kɛ be `kle be like ng'ɔ yo be fɛ'n.

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

1 Jean 2:21

Nán kɛ an si-man ndɛ nanwlɛ'n ti yɛ n klɛ fluwa sɔ'n m blɛ amun-ɔn, sanngɛ i silɛ bɔ an si i'n ti-ɔ, yɛ an si kɛ ato'n nin nanwlɛ'n be san-man nun.

Sa nglô yile 2:2

N si amun nyoliɛ'n, nin fɛlɛ nga an fɛli'n, ɔ nin amun anwlɛn bɔ an trɛ i'n. N si kɛ amun nin sran tɛtɛ mun sɔn-man. An sa be nga be tɔn bé wun suɛn kɛ n sunmannin be'n niannin, yɛ an wunnin kɛ be bua ato.