Jean 10:3 - NYANMIƐN NDƐ'N 1998

³ Sran ng'ɔ nian anuan su'n, ɔ tike i anuan, bua'm be ti i nɛn'n. Bua'm be ti i liɛ, ɔ fa be dunman'n flɛflɛ be, ɔ fa be fite guasu lɔ.

Nyanmien nde Ufle

³ Swran ng'o nian anuan'n su'n, o tiké i anuan, bua'm bé ti i nen'n. Bua'm bé ti i lie, o fa bé dunman'n flefle bé, o fa bé fité guasu lo.

Jean 10:3 ပူးပေါင်းရင်းမြစ်များ

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Ezipt Lɔ Tulɛ'n 33:17

Anannganman seli Moiz kɛ: «Like nga a srɛli'n, n ´yo i su sɛsɛ yɛlɛ kɛ n waan n ´yo wɔ ye, yɛ n si wɔ dunman'n.»

Nyanndra Mun 27:23

Nian ɔ nnɛn'm be lika kpa, nian bé su kpa.

Ngɔjue Fɛfɛ Kpa'n 8:13

Mmo klanman ɔ bɔ a o tro fie'm be nun lɔ'n, janvuɛ wie'm be kunndɛ kɛ be ´ti ɔ nɛn'n. Ijɔ man n ti. Se min kɛ:

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Jean 10:14

N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 10:4

Kɛ ɔ'a fa be kwlaa a fite lɔ'n, ɔ dun mmua be nyrun, be su i su, afin be si i nɛn'n.

Jean 10:9

N liɛ'n, n ti anuan, sran ng'ɔ sin min nun'n, ɔ ´fite nun, ɔ ´wlu, ɔ ´fite, yɛ ɔ ´nyan didiwlɛ.

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

Jean 6:45

Nyanmiɛn nuan ijɔfuɛ'm be klɛli i kɛ: ‹Nyanmiɛn wa kle be kwlaa be like .› Sran kwlaa ng'ɔ ti n Si i ndɛ'n b'ɔ fa su'n, ɔ ´ba ń sin.

Rɔmfuɛ Mun 8:30

Be ng'ɔ sieli be sɔ'n, ɔ flɛli be, yɛ be ng'ɔ flɛli be'n, ɔ buli be sran kpa, yɛ be nga ɔ buli be sran kpa'n, ɔ man be nyannin nyrun kɛ i liɛ'n sa.

1 Korɛntfuɛ Mun 16:9

afin b'a man min atin dan, ɔ man n kwla di junman kpa, sanngɛ e kpɔfuɛ'm be sɔnnin.

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.

Kolɔsfuɛ Mun 4:3

Kɛ amun ´yo sɔ'n, an `srɛ Nyanmiɛn kɛ ɔ man e kusu ye atin man e kɛn i ndɛ'n yɛ e kwla kan Krist ndɛ'n bɔ Nyanmiɛn fiɛli i sran'm be nyrun'n, afin i ti yɛ man be wlali m bisua nin-ɔn.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.

1 Jean 4:6

E liɛ'n, e ti Nyanmiɛn liɛ, ɔ man sran ng'ɔ si Nyanmiɛn'n, ɔ sie i su e ndɛ'n su, sanngɛ sran ng'ɔ ti-mɛn i liɛ'n, ɔ sie-mɛn i su e ndɛ'n su. I sɔ'n nun yɛ e ´si Nyanmiɛn Wawɛ'n i ndɛ'n b'ɔ ti nanwlɛ'n, ɔ nin ndɛ ng'ɔ ti-man nanwlɛ nin-ɔn.

3 Jean 1:14

M bu kɛ ɔ cɛ kaan n ´wun wɔ nan min nin wɔ e ´koko yalɛ.

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 3:20

An `nian, n jin anuan sin, m bobo. Sran ng'ɔ ti min nɛn'n nan ɔ tike'n, n ´wlu i lika lɔ, yɛ min nin i e ´di like.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»