Jean 10:16 - NYANMIƐN NDƐ'N 1998

¹⁶ M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Nyanmien nde Ufle

¹⁶ M bua'm bé wié ô le bo bé nu'an tuin nga nun. San nh fah bé sofue mun ba, béh tih min nen, bé akpasua'n yôh kun ye bé tafue kun.

Jean 10:16 ပူးပေါင်းရင်းမြစ်များ

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Akunndanfuɛ'n 12:11

Ngwlɛlɛfuɛ'm be ndɛ'm be ti kɛ like ti piembie nga be fa kankan nnɛn mun'n sa. Nyanndra'm be ti kɛ kpɛngbɛ bɔ b'a fa bobo like wie nun kpa'n sa. Be kwlaa be fin Nyanmiɛn .

Ezai 11:10

I cɛn sɔ nun'n, sran ng'ɔ wa jaso su Izai osu nun'n, ɔ wa yo sran'm be nzɔliɛ like. Nvle-nvle'm be nunfuɛ'm be ´kpɛ bé nyin i wun lɔ. Yɛ i tranwlɛ'n ´yo anyrunnyan lika.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Ezai 56:8

Anannganman Nyanmiɛn b'ɔ kannin Izraɛlfuɛ'm bɔ be bo sanndili mun boli nun'n, ɔ kɛn i ekun kɛ: «N dun mmua n yiali wie'm bé nuan, n wa yia wie'm bé nuan ekun.»

Ezekiɛl 34:12

N ´tian bé nuan kɛ bua su nianfuɛ ɔ tian i nnɛn nga b'a bo b'a sanndi'n bé nuan'n sa. Cɛn nga bɔ nzue tɔ'n, lika kwlaa nga be ɔli lɛ'n, n ´ko kunndɛ be.

Ezekiɛl 34:23

N wa sie bé su bua sunianfuɛ kun, b'ɔ si min bua'm be su nian. Sran sɔ'n yɛlɛ min sufuɛ David. I liɛ'n, ɔ si min nnɛn'm bé su nian, i liɛ'n, ɔ ti bua tafuɛ kpa .

Ezekiɛl 34:6

Min bua'm b'a bo b'a sanndi oka mun nin kpɔlɛ fleiin'm be su. Min bua'm b'a sanndi sa gbee mɛn wunmuan'n nun. Sran fi a nian-man be lika, sran fi a kunndɛ-man be .

Ezekiɛl 37:22

N ´yo man be kaci nvle wunmuan kun mɛn'n nun Izraɛl oka'm be nun. Be ´nyan famiɛn kunngba, be su yo-man nvle nnyɔn kun. Be su yo-man famiɛn diwlɛ nnyɔn kun .

Ezekiɛl 37:24

Min sufuɛ David yɛ ɔ ´yo be famiɛn nin-ɔn. Be sunianfuɛ'n ɔ ´yo kunngba. Be ´fa mín nuan su ndɛ'm be su, yɛ bé nyin ´yi min. Be ´fa min mmla'm be su.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

JÉSUS-CHRIST I DYASIN FE'N BO LUC KLELI'N 15:8

«?Yɛ bla onin yɛ sɛ ɔ lɛ jɛtɛ mma blu nan kun mlin'n, ɔ sɔ-man kannin ɔ kuan-man sua lɔ ɔ kunndɛ-mɛn i blɛblɛ lele san ɔ ´wun i-ɔ?

Jean 10:11

N liɛ'n, n ti bua tafuɛ kpa, bua tafuɛ kpa'n fɛ i wun to i bua'm bé ti .

Jean 10:2

Sanngɛ sran ng'ɔ sin anuan'n nun'n, i yɛ ɔ ti bua tafuɛ nin-ɔn.

Jean 10:27

M bua'm be ti min nɛn, n si be, yɛ be su n su.

Jean 10:3

Sran ng'ɔ nian anuan su'n, ɔ tike i anuan, bua'm be ti i nɛn'n. Bua'm be ti i liɛ, ɔ fa be dunman'n flɛflɛ be, ɔ fa be fite guasu lɔ.

Jean 10:4

Kɛ ɔ'a fa be kwlaa a fite lɔ'n, ɔ dun mmua be nyrun, be su i su, afin be si i nɛn'n.

Jean 10:5

Be su-man sran wie su, sanngɛ be wanndi i, afin be si-mɛn i nɛn'n.

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Jean 17:20

Nán be ngunmin bé wun yalɛ yɛ n su koko kle wɔ-ɔ, sanngɛ be nga be wa lafi n su ndɛ nga be ´kan'n ti'n, be liɛ o nun.

Jean 6:37

Sran kwlaa nga n Si fa be man min'n be ´ba ń sin, ɔ man sran ng'ɔ ba ń sin'n, n su fuɛn-mɛn i,

Sa nga bé yôli'n 15:14

Simɔn kannin ndɛ kleli ye. I waan i kpalɛ klikli bɔ Nyanmiɛn niannin be bɔ be ti-man Zuif'n be osu'n, ɔ fali be nun wie mun yoli nvle kun nan i dunman `tran be su.

Sa nga bé yôli'n 18:10

«Kan min ndɛ'n, nán srɛ kun wɔ, nán yaci, yɛlɛ kɛ n jin ɔ sin, sran fi su fɛ-mɛn i sa kan-man wɔ, afin n lɛ sran kpanngban klɔ nga su .»

Sa nga bé yôli'n 22:14

Ɔ seli kɛ: ‹E nannan'm be Nyanmiɛn'n ɔ fali wɔ sieli kɛ a si i klun sa'n nan a wun Nanwlɛfuɛ'n yɛ a ti i nuan ndɛ'n.

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

2 Tɛsalonikfuɛ Mun 2:13

Aniaan mun, amun bɔ an ti e Min'n i sran kpa'n, amun ti ɔ fata kɛ e la Nyanmiɛn ase tititi. Afin kɛ ɔ fin i bo bolɛ nun'n, ɔ fali amun kɛ i Wawɛ'n man an kaci i liɛ yɛ an lafi nanwlɛ'n su nan an nyan amún ti.

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .

1 Piɛr 2:25

Laa an ti kɛ bua bɔ b'a bo nzanndri'n sa, sanngɛ siɛn'n amu'an sa amún sin amun Tafuɛ b'ɔ ti amun Sunianfuɛ'n i sin .

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

Sa nglô yile 3:20

An `nian, n jin anuan sin, m bobo. Sran ng'ɔ ti min nɛn'n nan ɔ tike'n, n ´wlu i lika lɔ, yɛ min nin i e ´di like.