Jean 10:14 - NYANMIƐN NDƐ'N 1998

^14-15 N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Nyanmien nde Ufle

^14-15 N lie'n, n ti bua tafue kpa. Ke n Si si min bo n kusu n si n Si'n, i kunngba'n, n si m bua mun ye bé kusu bé si min. Ye n fa min wun man m bua mun.

Jean 10:14 ပူးပေါင်းရင်းမြစ်များ

Jue Mun 1:6

Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Naɔm 1:7

Anannganman'n ti kpa. Awlaboɛ blɛ nun'n, i sin yɛ be fia-a. Be nga be fiɛ i fɔnvɔ'n bo'n, ɔ nian be lika .

Jean 10:11

N liɛ'n, n ti bua tafuɛ kpa, bua tafuɛ kpa'n fɛ i wun to i bua'm bé ti .

Jean 10:13

Sa ti b'ɔ wanndi'n yɛlɛ kɛ ɔ ti junman difuɛ, i sika yɛ ɔ kunndɛ-ɔ, ɔ man bua'm be ndɛ miɛn-mɛn i.

Jean 10:27

M bua'm be ti min nɛn, n si be, yɛ be su n su.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Jean 17:8

afin ndɛ nga a kan kleli min'n, n kan kleli be, yɛ be fali su. B'a wun i wlɛ weiin kɛ n fin ɔ wun lɔ, yɛ b'a lafi su kɛ wɔ yɛ a sunmannin min-ɔn.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Efɛzfuɛ Mun 1:17

Yɛ n srɛ e Min Jésus-Krist i Nyanmiɛn b'ɔ ti e Si b'ɔ lɛ nyrun'n kɛ ɔ fɛ i Wawɛ'n man amun man an si ngwlɛlɛ. Yɛ n srɛ i kɛ ɔ `yi i wun nglo nan an si i kpa.

Efɛzfuɛ Mun 3:19

Kannzɛ sran fi kwla wun-man klolɛ bɔ Krist fa klo ye'n i wlɛ kpa'n, n ´srɛ i kɛ an wun i wlɛ nan an fa Nyanmiɛn sa kwlaa nun.

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.

Sa nglô yile 2:19

N si amun nyoliɛ'n, nin klolɛ bɔ an fa klɔ min'n, nin n su bɔ an lafi'n, nin amun junman'n, ɔ nin anwlɛn bɔ an lɛ i'n. N si kɛ sa nga an yo be siɛn'n be kpa tra laa liɛ'n,

Sa nglô yile 2:2

N si amun nyoliɛ'n, nin fɛlɛ nga an fɛli'n, ɔ nin amun anwlɛn bɔ an trɛ i'n. N si kɛ amun nin sran tɛtɛ mun sɔn-man. An sa be nga be tɔn bé wun suɛn kɛ n sunmannin be'n niannin, yɛ an wunnin kɛ be bua ato.

Sa nglô yile 2:9

N si sa ng'ɔ tɔ amun su'n nin yalɛ bɔ an di'n. Sanngɛ an ti anyanbeunfuɛ! N si amún wun ndɛ nga be nga be wan be ti Zuif'n be kan'n. Be ti-man Zuif, sanngɛ be ti Satan i minniɛn.

Sa nglô yile 3:1

«Nian ndɛ nga n klo kɛ a klɛ ko man Sard lɔ asɔnun'n i anz'n yɛ: ‹M bɔ n lɛ Nyanmiɛn i Wawɛ nso'n, bɔ nzraama nso'n wo ń sa nun'n, n se kɛ yoo: N si amun nyoliɛ'n, sran'm be se kɛ amún nyin o su, sanngɛ amu'an wu.

Sa nglô yile 3:15

N si amun nyoliɛ'n. Sɛ an ti kɛ nzue sa'n, wuun n ´se kɛ an jɔ-man kusu an lo-man'n. N klo kɛ an jɔ annzɛ an lo!

Sa nglô yile 3:8

N si amun nyoliɛ'n. Like nga an kwlɛ i yo'n, ɔ ti kaan, sanngɛ ɔ nin i sɔ ngba'n, amu'an fa min ndɛ'n su, yɛ amu'an fia-man n dunman'n su. I sɔ'n ti, m'an tike anuan kun m'an man amun, sran fi kwla nyin-man.