Jean 10:1 - NYANMIƐN NDƐ'N 1998

¹ Nanwlɛ, sran ng'ɔ sin-man bua'm be tuin'n i anuan'n nun b'ɔ sin lika uflɛ wlu lɔ'n, ɔ ti awiefuɛ nin kakajefuɛ.

Nyanmien nde Ufle

¹ Nanwle, swran ng'o si'an bua'm bé tuin'n i anuan'n nun b'o sin lika ufle wlu lo'n, o ti awiéfue nin kakadyéfue.

Jean 10:1 ပူးပေါင်းရင်းမြစ်များ

Zeremi 14:15

I sɔ'n ti, nga n kan man be'n yɛ: «Be nga m'an sunman-man be bɔ be tɔn be wun suɛn kɛ be ijɔ mín nuan'n bɔ be kɛn i kɛ: ‹Alɛ su tɔ-man mɛn nga nun, awe su kpɛn-man mɛn nga nun.›, be nga be tɔn be wun suɛn kɛ be ti min nuan ijɔfuɛ'n, alɛ'n nin awe'n yɛ ɔ ´kun be-ɔ.

Zeremi 23:21

«M'an sunman-man be kpɛkuun b'a wanndi b'a wɔ. M'an fa-man ndɛ m'an wla-man bé nuan kpɛkuun be su kan mín nuan ndɛ sɔ ngbɛn.

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zoɛl 2:9

Be sanndi klɔ'n nun. Be fu klɔ'n i wun talɛ'n su be wanndi su. Klɔ'n wun talɛ'n, be fu su. Be wluwlu sua'm be nun, be sin fenɛtri'm be nun kɛ awiefuɛ'm be sa.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Jean 10:7

Jésus seli be ekun kɛ: «Nanwlɛ, n ti bua'm be tuin'n i anuan.

Jean 3:3

Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Rɔmfuɛ Mun 10:15

?Sɛ b'a sunman-man sran'n, ɔ ´yo sɛ yɛ ɔ ´kɛn i ndɛ nin-ɔn? Afin be klɛli i kɛ: «Be bɔ be ba jasin fɛ bolɛ'n, be balɛ'n yo sran'm be fɛ .»

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Tite 1:11

Se i sɔfuɛ'm be kɛ be `yaci be ndɛ sɔ'm be kanlɛ. Be kle like ng'ɔ ti-mɛn i su'n, be fa kunndɛ sika ng'ɔ ti-mɛn i kunndɛwlɛ'n, ɔ man be bo awlo wie mun sekesekeseke.

Hébreu 5:4

Sran fi jao se-man kɛ ɔ kunndɛ dunman kɛ be fɛ sie i Nyanmiɛn nyrun jranfuɛ'm be su kpɛn, Nyanmiɛn bɔbɔ yɛ ɔ flɛ sran kɛ be sie i i nyrun jranfuɛ'm be su kpɛn kɛ ɔ flɛli Aarɔn'n sa.

1 Piɛr 1:10

Nyanmiɛn nuan ijɔfuɛ bɔ be kannin ye dan nga Nyanmiɛn wa yo amun'n i ndɛ'n, be bɔbɔ be buli ti nyanlɛ wafa sɔ'n i akunndan kpa, be kunndɛli kɛ be ´wun i wlɛ weiin kpa.

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.