Jean 1:51 - NYANMIƐN NDƐ'N 1998

⁵¹ Nanwlɛ, an wa wun nyanmiɛn su lɔ kɛ ɔ ti tikewa, yɛ amun ´wun Nyanmiɛn i anz mun bɔ be fu be jra m bɔ n kacili Sran'n n su .»

Nyanmien nde Ufle

⁵¹ Nanwle, an wa wun nyanmien su lo, o ti tikéwa ye amunh wunh Nyanmien i ange mun bo bé fu bé dyra m bo n katyii Swran'n n su.

Jean 1:51 ပူးပေါင်းရင်းမြစ်များ

Bo Bolɛ 28:12

Kpɛkuun, ɔ ´cɛn laliɛ-ɔ, yrɛyrɛ kun yɛ, i bo'n taka asiɛ'n wun, i ti'n ju nyanmiɛn'n su lɔ. Nyanmiɛn i anz'm be fu su be jra.

Ezekiɛl 1:1

Min afuɛ ablasan'n i anglo nnan'n i cɛn ba nnun su'n, m bɔbɔ min Nyanmiɛn nyrun jranfuɛ Bizi wa Ezekiɛl, n wo Zuif nga be trali be lomuɛn ɔli Kɛbar nzue ba'n i nuan lɔ'n be nun. (N wo lɛ) kpɛkuun n ´wun i-ɔ, nyanmiɛn su lɔ'n ɔ'a tike muaan, yɛ Nyanmiɛn yoli man n wunnin aolia nun ninnge mun. Kɛ be trali famiɛn Zozakim lomuɛn ɔli'n, i afuɛ nnun'n su yɛ i sɔ sa'n yoli-ɔ. Babilɔni mɛn'n nun, Kɛbar nzue ba'n nuan lɛ yɛ Anannganman'n kannin ndɛ kleli min-ɔn. Lɛ yɛ i fanngan'n wluli min nun-ɔn.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 26:24

M bɔ n kacili Sran'n n su kɔ kɛ be fa klɛli min wun ndɛ'n nun'n sa, sanngɛ sran ng'ɔ ´fa min man sran mun'n, i yako! Ɔ flunman kɛ b'a wu-man sran sɔ'n.»

Matthieu 3:16

Kɛ ɔ yoli Jésus batɛm b'ɔ fin nzue'n nun fiteli cɛ'n, kpɛkuun nyanmiɛn su lɔ'n i su tikeli muaan, Jésus wunnin Nyanmiɛn Wawɛ'n, ɔ jra ba kɛ auble sa, ɔ wa trɛnnin i su.

Matthieu 4:11

Yɛ mmusu'm bé si Satan yacili i nun-ɔn, nan anz'm b'a bɛ i sulɛ.

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Matthieu 9:6

An `jran man n kle amun weiin kɛ m bɔ n kacili Sran'n n lɛ atin asiɛ'n su wa bɔ n yaci sa nga be yo Nyanmiɛn'n cɛ be-ɔ.» Ɔ seli bubuwafuɛ'n kɛ: «Jao fa ɔ́ bɛ'n kɔ wɔ awlo.»

Marc 1:10

Kɛ Jésus ´fin nzue'n nun ´fite'n, i osu kunngba'n nun ɔ wunnin kɛ Nyanmiɛn su lɔ'n su ti muaan, yɛ Nyanmiɛn Wawɛ'n jrɛli i su kɛ auble sa.

Marc 14:62

Yɛ Jésus seli i kɛ: «Ɛɛn, yɛlɛ min. Amun wa wun m bɔ n kacili Sran'n kɛ n ti Nyanmiɛn i fama su, yɛ amun ´wun min n wo nyanmiɛn ble'n su n su ba .»

JÉSUS-CHRIST I DYASIN FE'N BO LUC KLELI'N 2:13

Kpɛkuun Nyanmiɛn su lɔ sran akpi-ngbingbi'm be nun akpasua dan kun be wa ukali anz kun'n su, be manmannin Nyanmiɛn seli kɛ:

JÉSUS-CHRIST I DYASIN FE'N BO LUC KLELI'N 2:9

E Min Nyanmiɛn'n i anz kun fiteli be nyrun, yɛ e Min Nyanmiɛn yili i wun nglo nyannyannyan kleli be nan srɛ a kun be dan kpa.

JÉSUS-CHRIST I DYASIN FE'N BO LUC KLELI'N 22:43

Yɛ anz kun fin Nyanmiɛn su lɔ ɔ wa wlɛli i fanngan-an.

JÉSUS-CHRIST I DYASIN FE'N BO LUC KLELI'N 22:69

Sanngɛ kɛ ɔ fin ndɛ'n, «M bɔ n kacili Sran'n n wa tran Nyanmiɛn i fama su .»

JÉSUS-CHRIST I DYASIN FE'N BO LUC KLELI'N 24:4

Kɛ be wun-man sa sɔ'n i wun akunndan buwlɛ'n, be ´nian-an, sran nnyɔn bɔ bé wun tralɛ'n ti nyɛnnyɛn kpa'n be yɛ be jin bé wun lɛ yɛ.

JÉSUS-CHRIST I DYASIN FE'N BO LUC KLELI'N 3:21

Kɛ be ´yo sran'm be kwlaa be batɛm'n, be yoli Jésus kusu wie. Kɛ ɔ nin Nyanmiɛn be ´ijɔ'n, nyanmiɛn su lɔ'n tili muaan,

Jean 1:50

Jésus seli i kɛ: «Kɛ bɔ n seli wɔ kɛ n wunnin wɔ figie'n bo lɔ'n ti yɛ a lafi n su-ɔ. Sa nga a wa wun be'n, be wa bo ɔ́ nuan tra nga!

Jean 10:1

Nanwlɛ, sran ng'ɔ sin-man bua'm be tuin'n i anuan'n nun b'ɔ sin lika uflɛ wlu lɔ'n, ɔ ti awiefuɛ nin kakajefuɛ.

Jean 10:7

Jésus seli be ekun kɛ: «Nanwlɛ, n ti bua'm be tuin'n i anuan.

Jean 13:16

Nanwlɛ, sran ng'ɔ su sran'n ti-man kpa trɛ-mɛn i min'n, yɛ sran nga be sunmɛn i'n ti-man kpa tra-man sran ng'ɔ sunmɛn i'n.

Jean 13:38

Jésus usɛli i kɛ: «?N ti a ´fa ɔ wun man sakpa? Nanwlɛ, a wa se kɛ a si-man min sɔ kpɛ nsan nan akɔ nyinman'n ɔ'a bo.»

Jean 14:12

Nanwlɛ, sran ng'ɔ lafi n su'n, like nga n yo be'n, ɔ ´yo wie, i liɛ'n ´tra n liɛ'n bɔbɔ, afin n su kɔ e Si'n sin.

Jean 16:20

Nanwlɛ, amun ´bo awuyomo, yɛ amun ´sun, sanngɛ mɛn nunfuɛ'm be klun ´jɔ, amún wla'n ´bo, sanngɛ awlaboɛ sɔ'n ɔ ´kaci aklunjuɛ.

Jean 16:23

Cɛn sɔ'n nun'n, an su usa-man n sa sa wie su kun. Nanwlɛ, like kwlaa nga an srɛ n Si min dunman nun'n, ɔ ´fa man amun .

Jean 21:18

Nanwlɛ, kɛ a tɛ yo gbanflɛn'n, ɔ bɔbɔ a fa ɔ kplo'n ci ɔ bo, yɛ a kɔ lika nga a klo'n, sanngɛ a wa yo kpɛnngbɛn'n, yɛ a ´tinngɛ ɔ́ sa'n nun, sran wie yɛ ɔ ´fa ɔ kplo'n ci ɔ bo-ɔ, yɛ ɔ ´fa wɔ kɔ lika nga a klo-man'n.

Jean 3:3

Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Jean 3:5

Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

Jean 5:19

Ɔ man Jésus kɛnnin i bɔbɔ ndɛ, ɔ seli be kɛ: «Nanwlɛ, like nga Ba'n wun kɛ i Si yo'n, yɛ ɔ nian su yo-ɔ. Ba'n bɔbɔ kwla kpɛ-mɛn i ti nun yo-man like fi. Like kwlaa ng'ɔ yo'n, yɛ i kusu yo-ɔ.

Jean 5:27

Yɛ ɔ fa jɔlɛ dilɛ'n wlɛli i Wa'n sa nun, afin i yɛ ɔ kacili Sran-an.

Jean 6:26

Jésus seli be kɛ: «Nanwlɛ, sa ti bɔ an kunndɛ min'n, nán atrɛ bɔ an wunnin be'n ti-ɔ, sanngɛ like bɔ an dili bɔ amun ku yili'n ti-ɔ.

Jean 6:32

Jésus seli be kɛ: «Nanwlɛ, nán Moiz yɛ ɔ fali nyanmiɛn su lɔ kpaun'n mannin amun-ɔn, sanngɛ n Si yɛ ɔ fali kpaun kpa b'ɔ fin nyanmiɛn su lɔ'n mannin amun-ɔn.

Jean 6:47

Nanwlɛ, sran ng'ɔ lafi n su'n, ɔ lɛ Anannganman nguan.

Jean 6:53

Jésus seli be kɛ: «Nanwlɛ, sɛ amu'an di-man m bɔ n kacili Sran'n min nnɛn'n, yɛ sɛ amu'an nɔn-man min mmoja'n, an su nyan-man nguan.

Jean 8:34

Jésus seli be kɛ: «Nanwlɛ, sɛ sa tɛ'n ti sran'n, wuun sran kwlaa ng'ɔ yo sa tɛ'n ɔ kaci i kanga.

Jean 8:51

Nanwlɛ, sran ng'ɔ fa min ndɛ'n su'n, ɔ su wu-man mlɔnmlɔn.»

Jean 8:58

Jésus seli be kɛ: «Nanwlɛ, kɛ be ´wu Abraam'n, wuun n wo lɛ .»

Sa nga bé yôli'n 10:11

Ɔ wunnin nyanmiɛn su lɔ kɛ ɔ ti tikewa, kpɛkuun like kun kan ase ba kɛ tannin dan kun yɛ b'a trɛ i nuan cɔnjɔ nnan'm be nun sa.

Sa nga bé yôli'n 7:56

Yɛ ɔ seli kɛ: «An `nian, n wun nyanmiɛn su lɔ kɛ ɔ ti tikewa, yɛ i b'ɔ kacili Sran'n ɔ jin Nyanmiɛn fama su.»

2 Tɛsalonikfuɛ Mun 1:7

yɛ ɔ man e nin amun bɔ an wun nyrɛnnɛn'n, e ´nyan é ti. Kɛ e Min Jésus wa yi i wun nglo'n, b'ɔ nin i anz'm bɔ be lɛ fanngan dan'n, be fin nyanmiɛn su lɔ be ´jra'n, yɛ ɔ ´yo i sɔ-ɔ.

2 Tɛsalonikfuɛ Mun 1:9

Fɔ ng'ɔ ´fa tu be'n yɛlɛ kɛ be awieliɛ'n ´wie be tɛ, be ´ka nun sɔ mlɔnmlɔn, be nin e Min'n ´bu, ɔ man be su wun-man i anyrunnyan dan bɔ lɛ i'n .

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Jude 1:14

Yɛ Enɔk b'ɔ ti Adam i osu-osu'n nso su'n i nun sran kpɛnngbɛn'n ɔ kannin sa ng'ɔ wa tɔ be su'n i ndɛ. Ɔ seli kɛ: «N wunnin e Min'n nin i anz akpi-akpi kpanngban kpa be bali ,»

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

Sa nglô yile 4:1

Kɛ ɔ yoli sɔ'n, n ´nian-an b'a tike anuan kun nyanmiɛn su lɔ. Sran klikli nga n tili i nɛn'n, i nɛn'n tɛ kɛ awɛ sa, ɔ seli n kɛ: «Fu wa, m ma kle wɔ like nga cɛn wie lele ɔ wa yo'n.»