Jean 1:4 - NYANMIƐN NDƐ'N 1998

⁴ I sa nun yɛ nguan'n wo-ɔ, nguan sɔ'n ti kɛ wia'n sa, ɔ man sran'm be wun ase.

Nyanmien nde Ufle

⁴ I sa nun ye nguan'n wôo, nguan so'n ti ke wia'n sa, o man swran'm bé wun asé.

Jean 1:4 ပူးပေါင်းရင်းမြစ်များ

Jue Mun 49:6

?Sɛ nyrɛnnɛn blɛ'n ju'n, sɛ min kpɔfuɛ'm be cɛncɛn min'n, nguɛ ti yɛ man srɛ ko kun min-ɔn?

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Matthieu 4:16

Be nun sran nga be tran aosin nun'n, be wunnin kɛ lika'n kpaja dan kpa, yɛ be nga be tran wie'n i mɛn tuun'n nun'n, lika'n kpajali be su.»

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 11:25

Jésus seli i kɛ: «Min yɛ n cɛn sran mun-ɔn, m bɔbɔ min yɛ be flɛ min nguan nin-ɔn. Sran kwlaa ng'ɔ lafi n su'n, sɛ ɔ wu'n, ɔ ´nyan nguan ekun.

Jean 12:35

Jésus seli be kɛ: «Lika'n tɛ kpaja amún wun wa kan. Kɛ an tɛ wun ase'n, an `nanti nan lika'n ɔ'a dun-man amun. Sran ng'ɔ nanti aosin nun'n, ɔ wun-mɛn i bo.

Jean 12:46

Min yɛ m bali mɛn'n nun kɛ n ´kpaja lika nun nan sran kwlaa ng'ɔ lafi n su'n ɔ'a tran-man aosin nun.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 3:19

An `nian sa ti yɛ ɔ bu be fɔ sɔ'n yɛ: i b'ɔ ti kɛ wia sa'n, ɔ bali mɛn'n nun, sanngɛ sran'm be kloli aosin'n trali wia'n be nzuɛn tɛtɛ'n ti .

Jean 5:21

Kɛ i Si'n cɛn sran mun b'ɔ man be nyan nguan'n, Ba'n kusu man sran ng'ɔ klo kɛ ɔ ´nyan nguan'n, ɔ nyɛn i.

Jean 5:26

Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Jean 8:12

Jésus kan kleli be ekun kɛ i yɛ ɔ kpaja mɛn nun-ɔn. I waan sran ng'ɔ su i su'n, kpajalɛ sɔ'n b'ɔ man nguan'n, ɔ man ɔ ´wun ase, yɛ ɔ su nanti-man aosin'n nun le.

Jean 9:5

Kɛ n wo mɛn'n nun wa'n, min yɛ n kpaja mɛn'n nun-ɔn.»

Sa nga bé yôli'n 26:23

Ndɛ sɔ'n yɛlɛ kɛ Krist wa wun nyrɛnnɛn, yɛ kɛ ɔ dun mmua ko cɛn be bɔ be wuli'n be nyrun'n, ɔ ´kan kle Zuif mun nin be bɔ be ti-man Zuif'n kɛ lika'n ɔ'a cɛn .»

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

Efɛzfuɛ Mun 5:14

afin sɛ be wun like'n kwlaa be wafa nga be ti'n i weiin'n, kpɛkuun be wun ase. I sɔ'n ti be seli kɛ: «Lafifuɛ, tinnge, jao fuɛn'm be nun yɛ Krist man a ´wun ase .»

Kolɔsfuɛ Mun 3:4

Kɛ Krist bɔ amun nguan'n wo i sa nun'n ɔ wa yi i wun nglo'n, ɔ ´yi amun nglo wie, yɛ nyrun ng'ɔ ´nyɛn i'n, amun ´nyan wie.

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 5:11

An `nian, ndɛ sɔ'n yɛ: Nyanmiɛn mannin ye anannganman nguan, i Wa'n ti yɛ man e nyannin nguan sɔ nin-ɔn.

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 22:16

Min Jésus, n sunmannin min anz'n kɛ ɔ wa kan sa sɔ'n kwlaa kle amun asɔnun'm be nun. N fin David osu'n nun, i anunman yɛlɛ min. Min yɛ n ti awuɛ nzraama nin-ɔn .»