Jean 1:17 - NYANMIƐN NDƐ'N 1998

¹⁷ Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Nyanmien nde Ufle

¹⁷ Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 1:17 ပူးပေါင်းရင်းမြစ်များ

Bo Bolɛ 22:18

Mín nuan ndɛ bɔ a fali'n ti, n ´sin wɔ anunman'm be nun n ´yo asiɛ'n su nvle-nvle'm be kwlaa be ye .»

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Jue Mun 85:10

Nanwlɛ, be nga be sro i'n, ɔ ka kaan-an, ɔ wa uka be, kɛ ɔ ´yo nan i anyrunnyan'n ɔ'a tran e mɛn'n su'n ti.

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Mise 7:20

A nin Zakɔb osu nunfuɛ mun amun ´tran klanman, a ´yi ɔ klun-ufue'n i nglo ´kle Abraam i osu'n nunfuɛ mun. A ´yi kle be kɛ a fua kleli e nannan mun lalafuɛ nun'n sa .

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 5:45

Nán an bu i kɛ min yɛ n ´kan amún wun ndɛ kle n Si-ɔ, Moiz bɔ an fa amún wla guɛ i su'n, i yɛ ɔ ´kan-an.

Jean 7:19

?Moiz yɛ ɔ fa mmla'n mannin amun-ɔn, nɛ́n i-ɔ? Sanngɛ amun nun wie fi a fa-man su. ?Nguɛ ti yɛ an klo kɛ amun ´kun min-ɔn? »

Jean 8:32

wuun amun ´si ndɛ ng'ɔ ti nanwlɛ'n, yɛ ndɛ nanwlɛ sɔ'n ti amun ´nyan amún ti.»

Jean 9:29

E si kɛ Nyanmiɛn kan ndɛ kleli Moiz, sanngɛ bian nga liɛ'n, e si-mɛn i finwlɛ bɔbɔ.

Sa nga bé yôli'n 28:23

Be kleli Pɔl cɛn kun, yɛ be sunman be wa toli i sikewlɛ lɛ. Kɛ ɔ ´yiyi ndɛ sɔ nun'n, ɔ kannin Nyanmiɛn sielɛ ndɛ'n kleli be, yɛ ɔ fali Moiz mmla'n nin Nyanmiɛn nuan ijɔfuɛ'm be ndɛ'n kleli be weiin kpa kɛ Jésus ndɛ'n ti nanwlɛ. Ɔ yoli i sɔ nglɛmun lele fa juli nnɔsua.

Sa nga bé yôli'n 7:38

I yɛ kɛ e nannan'm be yiali aawlɛ flɛnnɛn nun lɔ'n, ɔ kan ndɛ nga anz'n kan kleli i Sinai Oka'n su lɔ'n kleli be nin-ɔn. I yɛ Nyanmiɛn fɛ i ndɛ wlɛli i nuan kɛ ɔ kan kle amun bɔ lele ndɛ be tɛ di su nin-ɔn .

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

2 Korɛntfuɛ Mun 1:20

Afin sa kwlaa nga Nyanmiɛn waan ɔ ´yo'n, Krist kplin su yɛ ɔ yiɛ i nuan. I sɔ'n ti, Jésus ti e kusu e yra é nuan se kɛ: «Man ɔ yo sɔ!» I sɔ'n nun Nyanmiɛn nyan nyrun.

Galasifuɛ Mun 3:17

An `nian ndɛ nga n waan n ´kan kle amun'n yɛ: sa nga Nyanmiɛn seli kɛ ɔ ´yo man sran'n, kɛ ɔ dili afuɛ ya nnan afuɛ ablasan bɔ mmla'n bali'n, ɔ man be kwla fa-man mmla'n kaci-man sa nga Nyanmiɛn waan ɔ ´yo'n kɛ be ´fa nunnun su .

Mmla'n 33:4

Mmla nga Moiz fa mannin ye'n, ɔ ti Zakɔb i osu nunfuɛ'm be aja like.

Mmla'n 4:44

Moiz fali mmla'n sieli i Izraɛlfuɛ'm be nyrun.

Mmla'n 5:1

Moiz flɛli Izraɛlfuɛ'm be kwlaa, nan ɔ'a se be kɛ: Izraɛlfuɛ mun, amun `tie mmla fanunfanun nga n ´kan be n ´kle amun ndɛ yɛ'n. Amun `suan be, yɛ amun `nian bé su `nanti.

Hébreu 9:22

Be klɛli i mmla'n nun kɛ be fa mmoja yo ninnge'm be kpanngban lika kpa be wun saun, ɔ man sɛ be kun-man nnɛn bɔ i mmoja gua-man'n, Nyanmiɛn yaci-man bé wun sa'n cɛ-man be .