Jean 1:14 - NYANMIƐN NDƐ'N 1998

¹⁴ Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Nyanmien nde Ufle

¹⁴ Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 1:14 ပူးပေါင်းရင်းမြစ်များ

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Jue Mun 45:2

Ndɛ fɛfɛ kpa'n be kpɛn mín klun kɛ n `kpɛ jue nga m man famiɛn'n. N klo kɛ n ´kɛn i fɛfɛ kpa nan ɔ yo klanman kɛ be bɔ be si fluwa klɛ kpa'n be liɛ'n sa.

Jue Mun 85:9

Sa nga Anannganman Nyanmiɛn kan'n, n ´tie. I waan ɔ ´yo man i nvle'n i nunfuɛ mun nin i sran nanwlɛfuɛ mun bé wun ´jɔ be fɔun kɛ ɔ ´yo nan b'a yo-man be sinnzin sa'n kun'n ti.

Ezai 40:5

Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Ezai 53:2

Anannganman i sufuɛ'n, ɔ jasoli su i nyrun lɛ kɛ waka nɔnman kan wie sa, ɔ jasoli su kɛ waka b'ɔ fɛfɛ i olui'n su asiɛ kee nun'n sa. Ɔ ti-man klanman, yɛ ɔ lɛ-man nyrun bɔ i ti e ´se kɛ e ´niɛn i-ɔ. I wafa b'ɔ ti'n, i ti ɔ yo-man kɛ e konvi sɔ i.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezekiɛl 37:27

N ´tran be afiɛn, n ´yo be Nyanmiɛn, yɛ be ´yo min sran mun.

Matthieu 1:16

Zakɔb wuli Zozɛf b'ɔ ti Mari wun'n. Mari sɔ'n yɛ ɔ wuli Jésus bɔ be flɛ i Krist nin-ɔn.

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

JÉSUS-CHRIST I DYASIN FE'N BO LUC KLELI'N 2:7

nan ɔ'a wu i talua ba'n yasua. Ɔ cicili i wun lɛli i nnɛn'm be like diwlɛ'n nun, yɛlɛ kɛ b'a nyan-man sikewlɛ aofuɛ sua'n nun lɔ.

JÉSUS-CHRIST I DYASIN FE'N BO LUC KLELI'N 9:32

Lafilɛ'n fali Piɛr nin i wiengu mun. Kɛ be tinngeli cɛ'n, be wunnin Jésus bɔ i nyrun'n ti nyannyan ɔ yo sro'n, ɔ nin sran nnyɔn bɔ be nin i o lɛ'n.

Jean 1:1

Ndɛ'n wo lɛ lalaa i sin nan Nyanmiɛn a bo ninnge'm be yilɛ bo, Ndɛ'n nin Nyanmiɛn be o lɛ, Ndɛ sɔ'n ti Nyanmiɛn.

Jean 11:40

Jésus seli i kɛ: «?M'an se-man wɔ kɛ sɛ a lafi n su'n a ´wun kɛ Nyanmiɛn'n ti kpli?»

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 14:9

Jésus seli i kɛ : «?Filip, lalaa bɔ min nin amun o wa'n, a nian si-man min? Sran ng'ɔ wun min'n, wuun ɔ'a wun e Si'n. ?Ɔ yo sɛ yɛ a se n kɛ n kle amun e Si nin-ɔn?

Jean 17:22

N yoli man be nyannin nyrun kɛ a yoli man n nyannin nyrun'n sa nan be `kaci sran wunmuan kɛ min nin wɔ e ti sran wunmuan'n sa.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 2:11

Sa sɔ'n yoli Kana lɔ. Galile mɛn'n nun. Yɛ ɔ ti atrɛ bɔ Jésus yili be'n be nun klikli nin-ɔn. Ɔ yili i wun nglo yɛ i sɔnnzɔnfuɛ'm be lafi i su-ɔ .

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Jean 3:18

Sran ng'ɔ lafi i su'n, be bu-mɛn i fɔ, sanngɛ sran nga ɔ'a lafi-mɛn i su'n, Nyanmiɛn a dun mmua bu i fɔ, afin ɔ'a lafi-man m bɔ n ti i Wa kunngba cɛ'n n su.

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Jean 8:32

wuun amun ´si ndɛ ng'ɔ ti nanwlɛ'n, yɛ ndɛ nanwlɛ sɔ'n ti amun ´nyan amún ti.»

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Rɔmfuɛ Mun 9:5

Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

1 Korɛntfuɛ Mun 15:47

Fa yɛ Nyanmiɛn fa yili sran klikli nin-ɔn, ɔ man ɔ ti asiɛ'n su wafuɛ. Sran nnyɔn su'n fin nyanmiɛn su lɔ .

2 Korɛntfuɛ Mun 12:9

Sanngɛ ɔ seli n kɛ: «Ye nga n yo wɔ'n ɔ ju wɔ, afin kɛ sran'n ɔ lɛ-man wunmiɛn'n i nun sɔ'n nun yɛ n yi min wun nglo kɛ n kwla like'n kwlaa yo-ɔ.» Ɔ man n klun jɔ n fuɛn bɔ n ti'n su nan Krist yi i dan'n b'ɔ ti'n i nglo.

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Kolɔsfuɛ Mun 1:19

Nyanmiɛn wun kɛ ɔ ti kpa kɛ i wafa kwlaa ng'ɔ ti'n, Krist kusu yo sɔ.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

Kolɔsfuɛ Mun 2:9

Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 1:5

?Afin anz'm be nun onin yɛ Nyanmiɛn seli i kɛ: «A ti n wa, ndɛkɛn m'an kaci ɔ si-ɔ?» ?Yɛ be nun onin ekun yɛ ɔ kɛn i ndɛ kɛ: «N ´yo i si, yɛ i kusu ɔ ´yo n wa-a ?»

Hébreu 10:5

I sɔ'n ti yɛ kɛ Krist ´ba mɛn'n nun'n ɔ seli kɛ: «W'a kunndɛ-man kɛ ´n yi tɛ annzɛ sraka man wɔ, sanngɛ a mannin min wunnɛn.

Hébreu 2:11

Afin i b'ɔ man sran'm bé wun sa'n wie'n, ɔ nin be nga ɔ man bé wun sa'n wieli'n, ɔ nin be bé si ti kun. I sɔ'n ti yɛ kɛ ɔ se kɛ be ti i niaan'n, nyannzuɛn kun-mɛn i nin-ɔn.

Hébreu 5:5

Krist kusu, nɛ́n i bɔbɔ yɛ ɔ kunndɛ dunman kɛ be fɛ i sie Nyanmiɛn nyrun jranfuɛ'm be su kpɛn-ɔn, sran ng'ɔ seli i kɛ: «A ti n Wa, ndɛkɛn m'an kaci ɔ́ si'n,» i yɛ ɔ fɛ i sieli-ɔ .

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

1 Jean 4:9

An `nian kɛ klolɛ nga Nyanmiɛn fa klo ye'n i nyin fiteli dan-an: ɔ sunmɛnnin i Wa kunngba'n mɛn'n nun nan e `nyan nguan.

2 Jean 1:7

Afin sran kpanngban b'a sanndi mɛn'n nun, be laka sran mun, be waan, Jésus-Krist a kaci-man sran. Sran ng'ɔ se sɔ'n yɛ ɔ ti sran lakafuɛ nin Krist i kpɔfuɛ nin-ɔn.

Sa nglô yile 19:13

Tralɛ ng'ɔ o i wun'n, be wlɛli i mmoja nun. Dunman nga be fa flɛ sran sɔ'n yɛlɛ Nyanmiɛn Ndɛ.

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .