Jean 1:12 - NYANMIƐN NDƐ'N 1998

¹² Sanngɛ be kwlaa nga be sɔli i nun bɔ be lafi i su'n, ɔ man be kaci Nyanmiɛn wa .

Nyanmien nde Ufle

¹² Sannge bé kwlaa nga bé soo i nun bo bé lafi i su'n, o man bé katyi Nyanmien wa.

Jean 1:12 ပူးပေါင်းရင်းမြစ်များ

2 Samiɛl 7:24

A yoli man Izraɛl nyannin wunmiɛn yɛ a fɛli i yoli ɔ nvle tititi, yɛ wɔ Anannganman a yoli i Nyanmiɛn.

Ezai 56:5

n ´klɛ be dunman'n min sua'n nun lɔ talɛ'n i lika kun su. I sɔ'n ti kpa tra kɛ b'a nyan ba bla mun nin ba yasua mun'n. M ´man be dunman kun b'ɔ ´ka lɛ tititi, sran fi su nunnun-mɛn i.»

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Matthieu 10:40

«Sran ng'ɔ sɔ amun nun'n, wuun ɔ'a sɔ min nun, sran ng'ɔ sɔ min nun'n, wuun ɔ'a sɔ Nyanmiɛn b'ɔ sunmannin min'n i nun.

Matthieu 12:21

Nvle-nvle'm be wa fa bé wla guɛ i su .»

Matthieu 18:5

Yɛ sran ng'ɔ sɔ ba kaan kɛ nga sa nun n dunman nun'n, wuun min nun yɛ ɔ'a sɔ-ɔ.»

Jean 1:11

Ɔ bɛli i bɔbɔ nvle'n nun, b'a sɔ-mɛn i nun.

Jean 1:7

Ɔ bali like bɔ man sran'm be wun ase'n i ndɛ kanlɛ nan sran'm be kwlaa be lafi Nyanmiɛn su i ndɛ sɔ'n ti.

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Jean 2:23

Kɛ Jésus o Zerizalɛm lɔ Delɛ-cɛn'n nun bɔ be wunnin atrɛ b'ɔ yili be'n, sran kpanngban be lafili i su.

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 3:18

Sran ng'ɔ lafi i su'n, be bu-mɛn i fɔ, sanngɛ sran nga ɔ'a lafi-mɛn i su'n, Nyanmiɛn a dun mmua bu i fɔ, afin ɔ'a lafi-man m bɔ n ti i Wa kunngba cɛ'n n su.

Sa nga bé yôli'n 3:16

Jésus dunman nun nin i su bɔ e lafi'n yɛ man bian nga an si i b'ɔ jin yɛ'n ɔ nyannin fanngan-an. Jésus su bɔ e lafi'n ti yɛ man ɔ kwla nantili amun kwlaa amun nyrun wa nin-ɔn.

Rɔmfuɛ Mun 8:14

Be kwlaa nga be fa atin nga Nyanmiɛn Wawɛ'n kle be su'n, be ti Nyanmiɛn wa.

Rɔmfuɛ Mun 8:16

Nyanmiɛn Wawɛ'n kle ye weiin kpa e anwlɛn'n nun kɛ e ti Nyanmiɛn i wa sakpa.

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Galasifuɛ Mun 4:6

Nyanmiɛn i mma mun bɔ an ti'n ti'n, ɔ sunmɛnnin i Wa'n i Wawɛ'n kɛ ɔ wa tran ye anwlɛn'n nun, ɔ kpan flɛ Nyanmiɛn kɛ: «Baba!»

Kolɔsfuɛ Mun 2:6

I sɔ'n ti'n kɛ an kplinnin su kɛ Krist-Jésus `yo amun Min'n, man amun nyoliɛ'n kle kɛ amun nin i a kaci sran wunmuan,

2 Piɛr 1:4

Kɛ ɔ yoli sɔ'n, ɔ kannin ndɛ fɛ kleli ye kɛ ɔ wa yo like dan man e nan kɛ an ko nyan like sɔ'n, an yaci like nga bé nyin blo su b'ɔ man mɛn'n saci'n, nan an kaci kɛ Nyanmiɛn sa.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

1 Jean 3:23

An `nian mmla nga ɔ fa man ye'n yɛ: i waan e `lafi i Wa Jésus-Krist su, yɛ e klo e wun kɛ Krist kan kleli ye kɛ e klo e wun'n sa .