Jean 1:10 - NYANMIƐN NDƐ'N 1998

¹⁰ Ɔ o mɛn'n nun lalaa, i yɛ Nyanmiɛn man ɔ yili mɛn nin-ɔn, sanngɛ mɛnfuɛ'm b'a si-mɛn i.

Nyanmien nde Ufle

¹⁰ O ô men'n nun laa, i ye Nyanmien man o yii men nion, sannge menfue'm ba simen.

Jean 1:10 ပူးပေါင်းရင်းမြစ်များ

Bo Bolɛ 16:13

Agar waan: «?Nán wa yɛ n wunnin Nyanmiɛn b'ɔ wunnin min nin-ɔn?» I ti ɔ flɛli Anannganman b'ɔ nin i ijɔli'n kɛ: Ɛl-Rɔi «A suan Nyanmiɛn'n b'ɔ wun min'n.»

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 18:33

Kɛ Anannganman nin Abraam be wieli ijɔ'n yɛ ɔ ɔli-ɔ. Abraam kusu sɛli i sin i awlo.

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Jean 1:11

Ɔ bɛli i bɔbɔ nvle'n nun, b'a sɔ-mɛn i nun.

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 1:3

I yɛ Nyanmiɛn man ɔ yili ninnge'n kwlaa-a, like fi nun-man lɛ bɔ nɛ́n i yɛ ɔ yili-ɔ.

Jean 1:5

Yɛ i kpajalɛ'n kpaja lika'n b'ɔ ti aosin'n nun, aosin'n ɔ'a kwla nuɛn-mɛn i.

Jean 17:25

Min Si bɔ a ti sran kpa, mɛn nunfuɛ'm be si-man wɔ, sanngɛ n si wɔ, yɛ be nga be o yɛ'n, be si kɛ wɔ yɛ a sunmannin min-ɔn.

Jean 5:17

Sanngɛ Jésus seli be kɛ: «Cɛn kwlakwlakwla n Si di junman, n kusu n di junman.»

Sa nga bé yôli'n 14:17

Ɔ nin i sɔ'n ngba'n, ɔ'a yaci-mɛn i wun nglo yilɛ sa kpakpa b'ɔ yo be'n be nun, ɔ man nzue'n tɔ, yɛ amun fie'm be yo ye, ɔ man amun aliɛ kpanngban, yɛ ɔ man amun klun jɔ.»

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

1 Korɛntfuɛ Mun 2:8

Mɛn'n nun wlengbi'm be wie fi b'a si-mɛn i, sɛ ɔ ti kɛ be sili i'n, wuun b'a bobo-man e Min'n b'ɔ lɛ nyrun waka'n su.

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

Hébreu 11:3

Nyanmiɛn su bɔ e lafi ti yɛ e si kɛ i nuan nun ndɛ'n yɛ ɔ fa yili mɛn nin-ɔn, ɔ man ɔ fa like nga be wun-mɛn i'n yɛ ɔ fa yili like nga e wun be yɛ nin-ɔn.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .