Jɔlɛ Difuɛ Mun 9:57 - NYANMIƐN NDƐ'N 1998

⁵⁷ Yɛ Sisɛmfuɛ'm bé tɛ liɛ nga be yoli'n kusu, Nyanmiɛn tanninnin be kalɛ. Ɔ man Zɛribaal i wa Zɔtam i sannzan ng'ɔ boli'n i su sa'n yoli.

Jɔlɛ Difuɛ Mun 9:57 ပူးပေါင်းရင်းမြစ်များ

2 Samiɛl 3:39

B'a sie min famiɛn sɔ, sanngɛ mín sa'n nian tin-man. E nin Zɛriza i mma mun e sɛ-man. Man Anannganman bɔbɔ yɛ ɔ fa sran ng'ɔ yo sa tɛ'n i nuan akatua'n mɛn i-ɔ.»

1 Famiɛn Mun 16:34

Blɛ kunngba sɔ'n nun yɛ Iɛl b'ɔ fin Betɛl'n kplannin Zeriko klɔ'n i uflɛ nin-ɔn, kpɛkuun ndɛ nga Anannganman fa wlali Nɛn i wa Zozie nuan kɛ ɔ kan'n kpɛnnin su . Kɛ be ´wla klɔ'n i ase'n, Iɛl i wa kpɛnngbɛn bɔ be flɛ i kɛ Abiram'n wuli. Yɛ kɛ be ´wlawla anuan mun'n, i wa kasiɛn'n bɔ be flɛ i kɛ Sɛgib i kusu wuli.

1 Famiɛn Mun 2:32

Anannganman man Nɛr i wa Abnɛr b'ɔ ti Izraɛl sonja'm be su kpɛnngbɛn'n, ɔ nin Zetɛr i wa Amaza b'ɔ ti Zida sonja'm bé su kpɛnngbɛn'n bé wie ndɛ'n ɔ ´kɛ i su. Kɛ ɔ ´kun be'n, min si David ɔ'a wun-man nun. Be ti sran nanwlɛfuɛ mun, yɛ be kpa tra Zoab bɔbɔ lele.

Jue Mun 7:17

Sa tɛtɛ ng'ɔ yo be'n, be ´tɔ i bɔbɔ i ti su. I klunwi sa sɔ'm be ´kaci tɔ i bɔbɔ su.

Jue Mun 94:23

Ɔ ´fa bé sa tɛ'n yi be bɔbɔ bé ti su. Be bɔbɔ be klunwi'n ti, ɔ ´nunnun be Anannganman e Nyanmiɛn'n ɔ ´nunnun be.

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Zozie 6:26

I blɛ sɔ'n nun yɛ Zozie boli sannzan kɛ: «Sran kwlaa ng'ɔ jaso kɛ ɔ ´kplan klɔ nga ekun'n, san i wa yasua klikli'n yɛ ɔ ´fa wlɛ i bo ase-ɔ! Yɛ i wa yasua kasiɛn'n yɛ ɔ ´fa wlɛ i anuan mun-ɔn! »

Jɔlɛ Difuɛ Mun 1:7

kpɛkuun Adɔni-Bezɛk seli kɛ: «N kpɛkpɛli famiɛn ableso bé sama kokotre nin bé ja mma kokotre mun. Tabli nga n di su like'n, be o i bo yɛ aliɛ ng'ɔ flo mín sa nun tɔ'n yɛ be isa be di-ɔ. Nga n yoli'n yɛ Nyanmiɛn ɔ'a yi ɔ'a man min yɛ.» Be fɛli i bali Zerizalɛm, lɛ yɛ ɔ wa wuli-ɔ.

Jɔlɛ Difuɛ Mun 10:1

Kɛ Abimelɛk wuli'n, sran ng'ɔ wa jasoli su kɛ ɔ ´de Izraɛl nvle'n yɛlɛ Tola, Dɔdo i wa Ipa i klun ba liɛ'n. Ɔ ti Isakar akpasua'n su sran. Ɔ tran Samir b'ɔ o Efraim oka-oka lika'n nun lɔ'n nun.

Jɔlɛ Difuɛ Mun 9:20

Sɛ ɔ'a yo-man sɔ'n, man sin fin Abimelɛk nun ɔ di Sisɛm nin Bɛt-Milo kpɛnngbɛn mun, yɛ man sin fin Sisɛm nin Bɛt-Milo kpɛnngbɛn'm be nun di Abimelɛk!»

Jɔlɛ Difuɛ Mun 9:24

Anannganman yoli sɔ nan abɔlɛ nga be yoli Zɛribaal i mma ableso mun'n, be nyɛn i nuan akatua. I waan Abimelɛk b'ɔ kunnin be'n, ɔ nyɛn i liɛ, nan Sisɛm kpɛnngbɛn'm bɔ be ukɛli i'n be kusu be nyan be liɛ.

Jɔlɛ Difuɛ Mun 9:45

Abimelɛk fali cɛn wunmuan kun sɔ'n, ɔ nin klɔ'n su sran'm be kunnin alɛ nan ɔ'a fa klɔ'n. Ɔ kunnin sran'm be kwlaa nga be o nun'n. Ɔ nunnunnin klɔ wunmuan'n. Ɔ fali njin sanndili klɔ'n nun.

Jɔlɛ Difuɛ Mun 9:56

Abɔlɛ nga Abimelɛk yoli i si'n, i niaan ableso b'ɔ kunnin be'n, i sɔ klunwi liɛ'n, Nyanmiɛn fa tɛkɛli i ti su.