Jɔlɛ Difuɛ Mun 9:4 - NYANMIƐN NDƐ'N 1998

⁴ Yɛ be fali jɛtɛ ufue ableso Baal-Bɛrit i sua nun lɔ be fa mɛnnin i-ɔ. Abimelɛk fa mannin sran finfinfuɛ nin nzajefuɛ mun yɛ be suli i su-ɔ.

Jɔlɛ Difuɛ Mun 9:4 ပူးပေါင်းရင်းမြစ်များ

2 Samiɛl 6:20

David kusu ɔli i lika, i waan ɔ ´ko yrɛ i nuan man i awlofuɛ mun. Kpɛkuun Sail i wa Mikal fiteli, ɔ ko kpɛli i atin yɛ ɔ seli i kɛ: «Izraɛl famiɛn'n i wun kpalɛ ng'ɔ kpɛli i i sufuɛ bla nin yasua'm be nyrun lɛ'n man ɔ nyannin nyrun ndɛkɛn dan o! Ɔ kpɛli i wun kɛ sran ngbɛn wie sa!»

2 Be Nyoliɛ 13:7

Finfinfuɛ wie mun bɔ be yo-man sa fi ye'n, be jrɛnnin i sin, yɛ bé ta'n tinnin Salomɔn wa Rɔbɔam su. Kɛ b'ɔ tɛ yo gbanflɛn kan b'ɔ nian si-man sa'n ti, ɔ'a kwla jran-man be nyrun.

Zɔb I Nyrɛnnɛn Wunlɛ 30:8

Wlakafuɛ sɔ'm b'a sɔn-man aɔwi. Be fa nyantiaan be fuan be mɛn'n nun.

Nyanndra Mun 12:11

Sran ng'ɔ di fie'n, ɔ nyan like di, i ku yi. Sran nga i liɛ finfin ninnge'n yɛ i waan be fa mɛn i man ɔ yo'n, i sɔ sran liɛ'n ɔ wun-man sa wlɛ.

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .

Sa nga bé yôli'n 17:5

Sanngɛ Zuif'm be fali bé nyin cili Pɔl nin Silas. Be ko tuli sran wie bɔ be lɛ-man like yo-man'n, yɛ be ko yiali sran kpanngban be tɔli klɔ'n su, yɛ awuyomo'n tɛli klɔ'n nun-ɔn. Be tɔli Zazɔn i awlo'n su kɛ be ´tra Pɔl nin Silas kɔ nzra nun lɔ.

Jɔlɛ Difuɛ Mun 11:3

Yɛ Zɛfte wanndili i niaan'm be nyrun ko trannin Tɔb nvle nun lɔ-ɔ. Kpɛkuun sran wie mun bɔ be ti-man nanndoliɛ'n be yiɛli i wun lɛ, be nin i be ɔli alɛ kunlɛ kanngan.

Jɔlɛ Difuɛ Mun 8:33

Kɛ Zedeɔn wuli'n, Izraɛlfuɛ'm be sali bé sin be ko sɔli Baal. Be takali Baal-Bɛrit, ɔ yoli be amuɛn yɛ be sɔ-ɔ.

Jɔlɛ Difuɛ Mun 9:27

Le kun be ɔli fie su be ko tili vinyi mma. Be cuɛnnin i nzue. Be fa dili cɛn su. Be fa dili cɛn be amuɛn'n i sua'n nun. I sin be boli Abimelɛk i sannzan.

1 Samiɛl 22:2

Sran nga afɛ o bé su'n, nin be nga kalɛ o bé su'n, ɔ nin be nga klunngbɔ o be klun'n be kusu be ko yiɛli i wun lɔ. Ɔ man i sa nun sran'm be juli ya nnan. I yɛ ɔ yoli be siefuɛ-ɔ.