Jɔlɛ Difuɛ Mun 9:17 - NYANMIƐN NDƐ'N 1998

¹⁷ Mín si kunnin amun ti alɛ, ɔ klɛnnin i wun mannin wie'n ɔ fa deli amun. Ɔ deli amun Madianfuɛ'm bé sa nun,

Jɔlɛ Difuɛ Mun 9:17 ပူးပေါင်းရင်းမြစ်များ

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Rɔmfuɛ Mun 16:4

N ti be fa bé wun mannin wie'n, i sɔ'n ti'n, n ´la be ase, yɛ be nga be ti-man Zuif bɔ be ti asɔnunfuɛ'n be kwlaa be ´la be ase wie.

Rɔmfuɛ Mun 5:8

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Sa nglô yile 12:11

Bua Gbanflɛn'n i mmoja'n nin ndɛ nanwlɛ bɔ e niaan sɔ'm be kan'n ti be kwlɛli i, yɛ b'a bu-man be bɔbɔ bé wun like fi, i ti b'a sro-man wie'n.

Jɔlɛ Difuɛ Mun 12:3

Kɛ n nian bɔ amun ba-man min ukalɛ'n, yɛ n waan wie-o-wie nguan-o-nguan, yɛ e nin Amɔnfuɛ mun e ko kunnin-ɔn. Yɛ Anannganman kusu yili be mannin min-ɔn. Ɔ man alɛ nga amun nin min a bɛ i kunlɛ ndɛ yɛ'n, n wun-mɛn i wlɛ.»

Jɔlɛ Difuɛ Mun 9:16

Zɔtam waan: «I sɔ'n ti n tu amun kpli, n ´usa amun kɛ: ?Abimelɛk i famiɛn bɔ amun sieli i'n, i su-ɔ? ?Amun sili Zɛribaal (Zedeɔn) nin i awlofuɛ'm be wun ye? ?Ng'ɔ yoli mannin amun'n, yɛ amun niannin su yoli i lɛ-ɔ?

Jɔlɛ Difuɛ Mun 9:18

kpɛkuun amun jasoli mín si i awlo'n wun, amun kunnin i mma mun, amun kunnin sran yasua ableso yɛbuɛ kunngba su. Yɛ Abimelɛk b'ɔ ti afanniɛn bla i wa'n yɛ amun fa sieli i Sisɛm famiɛn-ɔn, kɛ b'ɔ ti amun niaan'n ti.

1 Samiɛl 19:5

Ɔ klɛnnin i wun mannin wie'n yɛ ɔ kunnin Filistifuɛ mun-ɔn. Kɛ ɔ yoli sɔ'n kusu Anannganman deli Izraɛl nvle'n. Ɔ bɔbɔ a wunnin i, ɔ yoli wɔ fɛ. David ɔ'a yo-man sa tɛ. ?Ɔ yo sɛ ti yɛ ɔ waan a ´kun i-ɔ?»