Jɔlɛ Difuɛ Mun 8:5 - NYANMIƐN NDƐ'N 1998

⁵ Yɛ ɔ seli Sikɔtfuɛ'm be kɛ: «Amun `yaci, amun `man sran nga e nin be ba mun be kpaun. B'a fɛ, sanngɛ be tɛ fuan Zebak nin Zalmɔna bɔ be ti Madian famiɛn'n.»

Jɔlɛ Difuɛ Mun 8:5 ပူးပေါင်းရင်းမြစ်များ

Bo Bolɛ 14:18

Mɛlkizedɛk b'ɔ ti Salɛm famiɛn'n, bɔ i kunngba'n ti Nyanmiɛn b'ɔ o like'n kwlaa ti su'n i nyrun jranfuɛ'n, ɔ blɛli i kpaun nin nzan,

Bo Bolɛ 33:17

Zakɔb kusu ɔli Sikɔt. Ɔ kplannin sua, i bɔbɔ i liɛ. Ɔ sisili i nnɛn'm bé kuku. I ti yɛ be flɛli lika sɔ'n kɛ Sikɔt nin-ɔn. Sikɔt i bo'n yɛlɛ kuku.

Jue Mun 60:6

A kle be nga be nyin yi wɔ'n be nzɔliɛ kɛ sɛ be wun i'n, be wanndi ta tofuɛ'm be nyrun.

Mmla'n 23:4

Amɔnfuɛ mun nin Moabfuɛ mun'n, nán be wlu Anannganman i nvle'n nun. Nán be wlu nun lele nan kɛ ɔ yo-ɔ ɔ'a yo-ɔ. Be osu nunfuɛ nga be ´jaso su lele b'ɔ ´fa ju be anunmannunman'm be akpasua blu su'n, nán be wlu nun.

Jɔlɛ Difuɛ Mun 5:23

Anannganman i anz waan: ‹Amun `bo Merɔz klɔ'n i sannzan. Sannzan bɔ amun bo Merɔz i su sran mun'n yɛlɛ kɛ b'a ba-man Anannganman ukalɛ. B'a ba-man Anannganman i safunyrɛn'm be ukalɛ.›

Jɔlɛ Difuɛ Mun 8:10

Zebak nin Zalmɔna be nin be alɛ kunfuɛ mun be o Karkɔr. Sonja nga be kali'n be ti sran akpi-akpi blu-nin-nnun (15.000), be kwlaa be ti wia afiliɛ lɔ sran mun. Afin be nun akpi-akpi ya ablaɔn (120.000) be tɔli atin nun.

Jɔlɛ Difuɛ Mun 8:12

Zebak nin Zalmɔna be wanndili. Zedeɔn suli bé su nan ɔ'a tra Madian famiɛn nnyɔn sɔ mun. Alɛ kunfuɛ'm be kusu, ɔ sanngannin be nun.

Jɔlɛ Difuɛ Mun 8:15

Zedeɔn ko toli Sikɔtfuɛ mun, ɔ seli be kɛ: «Zebak nin Zalmɔna be yɛ. Nán be ti yɛ amun srisrili min bɔ amun seli min kɛ: ‹?Ninfan li yɛ a ´nyan Zebak nin Zalmɔna bɔ i ti yɛ a se kɛ ɔ sran'm b'a fɛ nan e man be kpaun nin-ɔn?»›

1 Samiɛl 25:18

Yɛ ndɛndɛ kpa'n Abigail fali kpaun ya nnyɔn, nin nzan sɛ nnyɔn, nin bua bɔ b'a tɔn'n sɔ nnun, nin ɔrz mma kɛɛnwa kɔe kilo ablanan, nin vinyi mma kee otre ya, ɔ nin figie mma gato ya nnyɔn. Ɔ fɛli i kwlaa'n sɔ'n sieli i aflunmun wie'm be su.