Jɔlɛ Difuɛ Mun 8:4 - NYANMIƐN NDƐ'N 1998

⁴ Zedeɔn nin i sonja ya nsan'm be juli Zurdɛn i nuan lɛ nan b'a kpɛ. Kɛ ɔ ´yo sɔ'n, wuun b'a fɛ, sanngɛ be tɛ su be kpɔfuɛ'm be su.

Jɔlɛ Difuɛ Mun 8:4 ပူးပေါင်းရင်းမြစ်များ

2 Korɛntfuɛ Mun 4:16

I sɔ'n ti'n, é sa sin bubu-man ye. Kannzɛ e wunnɛn ng'ɔ o yɛ'n ɔ saci'n, like nga bɔ man be flɛ min sran'n, cɛn kwlaa Nyanmiɛn bo i mɔnnɛn.

Galasifuɛ Mun 6:9

Nán man é sa sin bubu ye sa kpa yolɛ'n nun, afin sɛ y'a fɛ-man'n, cɛn wie e ´nyɛn i nuan like.

Jɔlɛ Difuɛ Mun 7:25

Yɛ be trali Madian famiɛn i awlo lɔ sran dan nnyɔn mun-ɔn: Orɛb nin Zeɛb. Kan be kunnin Orɛb'n yɛlɛ Orɛb yɛbuɛ'n su. Yɛ kan be kunnin Zeɛb'n yɛlɛ waka mma nzue cuɛnwlɛ bɔ be flɛ i Zeɛb'n su lɛ. Be suli Madianfuɛ'm be su nan b'a fa Orɛb nin Zeɛb bé ti mun a blɛ Zedeɔn Zurdɛn'n i bue kun lɔ.

Jɔlɛ Difuɛ Mun 8:3

Amún sa nun yɛ Nyanmiɛn fali Madian famiɛn'n i awlo lɔ sran dandan nga be flɛ be Orɛb nin Zeɛb'n wlali-ɔ! Junman nga n dili'n be kwla fa sunnzun-man amun liɛ'n.» Kɛ Zedeɔn kɛnnin sɔ'n, be guali be ya'n i ase.

1 Samiɛl 30:10

Sran nga fɛlɛ'n ti b'a kwla kpɛ-man Bɛzɔr nzue ba'n ndɛndɛ'n, be ti sran ya nnyɔn. David nin be ya nnan nga mun be suli Amalɛkfuɛ'm be su.

1 Samiɛl 30:8

David fa usali Anannganman kɛ: «?N su alɛ kunfuɛ sɔ'm bé su? ?Sɛ n kɔ'n n ´to be?» Anannganman waan: «Su bé su, a ´to be yɛ a ´de sran nga be trali be lomuɛn'n.»