Jɔlɛ Difuɛ Mun 8:34 - NYANMIƐN NDƐ'N 1998

³⁴ Izraɛlfuɛ'm bé wla fili Anannganman bɔ i yɛ ɔ ti be Nyanmiɛn'n, i b'ɔ deli be be kpɔfuɛ nga be bo sin yia be'n bé sa nun'n, be wla fili i.

Jɔlɛ Difuɛ Mun 8:34 ပူးပေါင်းရင်းမြစ်များ

Jue Mun 106:18

Sin kunnin be akpasua kun sɔ mun. Sin taaman dili klunwifuɛ sɔ mun.

Jue Mun 106:21

Bé wla fili Nyanmiɛn b'ɔ ti be defuɛ'n, be wla fili i b'ɔ yoli like dandan mun Ezipt mɛn'n nun lɔ'n.

Jue Mun 78:11

Bé wla fili sa dandan ng'ɔ yoli'n mun, ɔ nin abonuan sa ng'ɔ yoli kleli be'n mun.

Jue Mun 78:42

Bé wla fili sa nga b'ɔ yoli mannin be'n nin delɛ nga b'ɔ deli be be kpɔfuɛ'm be sa nun'n.

Akunndanfuɛ'n 12:1

Blɛ bɔ a tɛ yo gbanflɛn'n, man ɔ́ wla kpɛn ɔ yifuɛ'n i su kwlaa nan nyrɛnnɛn blɛ'n ɔ'a ju. Man ɔ wla kpɛn i su nan w'a yo kpɛnngbɛn, afin ɔ kpɛnngbɛn blɛ sɔ'n nun'n, ɔ nyin wa tu nguan'n su .

Zeremi 2:32

?Talua kun wla kwla fi i talua ninnge'm be su? ?Talua bɔ b'a jɛ i uflɛ'n i wla kwla fi i njuaba'n su? Sanngɛ min nvlefuɛ'm be liɛ'n, be wla fili min, be si-mɛn i afuɛ.

Zeremi 23:27

Be ´kan be laliɛ nun ndɛ'm be kle be wiengu sɔ nan min sran'm be wla fi min kɛ be nannan'm bé wla fili min, Baal dunman nun'n sa.

Ndɛ Nga Nyanmiɛn I Nuan Ijɔfuɛ Oze Kannin'n 2:15

Baal sɔlɛ b'ɔ sɔ i'n, bɔ sɛ i cɛn'n ko ju-ɔ, ɔ fɛfɛ i wun klanman, ɔ fa nzɛ wlɛ i sa'n, yɛ ɔ wla i kɔmin nyanman nglanman mun'n, i ti e nin e wa nyɛn i. Ɔ su i soman'm bé su kpɛkuun i wla fi mín su.» Anannganman yɛ ɔ kan sɔ-ɔ.

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Jɔlɛ Difuɛ Mun 3:7

Izraɛlfuɛ'm be yoli like ng'ɔ kun Anannganman i ya'n. Bé wla fili Anannganman. Be ko sɔli amuɛn nga be flɛ be Baal nin waka nga be taka be bɔ be sɔ be'n.