Jɔlɛ Difuɛ Mun 8:23 - NYANMIƐN NDƐ'N 1998

²³ Zedeɔn seli be kɛ: «N yo-man amún su kpɛnngbɛn. Mín wa'n kusu su yo-man amún su kpɛnngbɛn, san Anannganman yɛ ɔ ´yo amún su kpɛnngbɛn-ɔn.»

Jɔlɛ Difuɛ Mun 8:23 ပူးပေါင်းရင်းမြစ်များ

Jue Mun 10:16

Anannganman ti famiɛn tititi. Nvle-nvlefuɛ nga be su-mɛn i'n, ɔ nunnun be i asiɛ liɛ'n su.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 63:19

Kɛ e yoli kɛ sran'm bɔ a sie-man be'n nan ɔ dunman nun-man be su sa'n, ɔ'a cɛ kpa. Sɛ ɔ ti kɛ a su kpaci nyanmiɛn'n b'ɔ la nglo lɔ plaii'n nun'n yɛ a su jra wa'n, wuun oka'm be ´keje ɔ nyrun sa gbugbugbu.

2 Korɛntfuɛ Mun 1:24

Nán kɛ e waan e mian amun Nyanmiɛn atin'n su ti-ɔ, afin kɛ an lafi Krist su'n, an jran kekle, sanngɛ e klo kɛ e ´uka amun e ´di junman nan amun klun `jɔ.

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

Jɔlɛ Difuɛ Mun 10:18

Galaadfuɛ mun be nin be kpɛnngbɛn'm be usali bé wun kɛ: «?Wan yɛ ɔ ´dun mmua ɔ nin Amɔnfuɛ'm be ´ko kun-ɔn? I sɔ sran liɛ'n yɛ ɔ wa yo Galaadfuɛ'm be kwlaa be su kpɛn-ɔn.»

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

Jɔlɛ Difuɛ Mun 8:22

Izraɛlfuɛ'm be seli Zedeɔn kɛ: «Delɛ nga a deli e Madianfuɛ'm be sa nun yɛ'n ti, tran é su nan yo é su kpɛnngbɛn, a nin ɔ́ wa'n ɔ nin wɔ anunman mun amun `sie ye.»

1 Samiɛl 10:19

I sɔ'n kpɛkuun-ɔn, ndɛ amu'an kaci amun sin amu'an si Nyanmiɛn. I b'ɔ deli amun blɛ kekle nin nyrɛnnɛn blɛ nun'n, amu'an kaci amun sin amu'an si i. Amun seli i kɛ: ‹Sie é su famiɛn kun.› Amun bla Anannganman nyrun akpasua-akpasua, i sin'n, amun `bla awlobo-awlobo.»

1 Samiɛl 12:12

Sanngɛ kɛ amun wunnin kɛ Nasas b'ɔ ti Amɔnfuɛ'm be famiɛn'n ɔ nin amun bali alɛ kunlɛ'n, kpɛkuun amun waan: ‹Man e famiɛn kun man ɔ sie ye.› Kusu wuun Anannganman bɔbɔ ti amun famiɛn.