Jɔlɛ Difuɛ Mun 8:22 - NYANMIƐN NDƐ'N 1998

²² Izraɛlfuɛ'm be seli Zedeɔn kɛ: «Delɛ nga a deli e Madianfuɛ'm be sa nun yɛ'n ti, tran é su nan yo é su kpɛnngbɛn, a nin ɔ́ wa'n ɔ nin wɔ anunman mun amun `sie ye.»

Jɔlɛ Difuɛ Mun 8:22 ပူးပေါင်းရင်းမြစ်များ

Bo Bolɛ 37:28

Kɛ Madian aata difuɛ'm be ´sin'n, Zozɛf i niaan'm be yili i kunman'n nun fiteli nan b'a yo i atɛ Ismaɛlfuɛ sɔ'm bé sa nun. Sran sɔ'm be toli i jɛtɛ mma ablaɔn nan be nin i b'a ɔ Ezipt.

Jean 6:15

Kɛ Jésus wunnin kɛ be su wa trɛ sie i famiɛn'n, i ngunmin sɛ i sin ɔli kpɔlɛ'n su lɔ ekun.

Jɔlɛ Difuɛ Mun 8:21

Yɛ Zebak nin Zalmɔna be seli i kɛ: «Ɔ bɔbɔ jaso bla wa kun ye. Kɛ sran'n fa ti'n yɛ i fanngan'n fa ti-ɔ.» Yɛ Zedeɔn ko kunnin Zebak nin Zalmɔna-a, nan ɔ'a fa be nyɔnngɔnmɛn'm be kɔmin nyanman mun.

Jɔlɛ Difuɛ Mun 8:23

Zedeɔn seli be kɛ: «N yo-man amún su kpɛnngbɛn. Mín wa'n kusu su yo-man amún su kpɛnngbɛn, san Anannganman yɛ ɔ ´yo amún su kpɛnngbɛn-ɔn.»

1 Samiɛl 12:12

Sanngɛ kɛ amun wunnin kɛ Nasas b'ɔ ti Amɔnfuɛ'm be famiɛn'n ɔ nin amun bali alɛ kunlɛ'n, kpɛkuun amun waan: ‹Man e famiɛn kun man ɔ sie ye.› Kusu wuun Anannganman bɔbɔ ti amun famiɛn.

1 Samiɛl 8:5

Be wa seli i kɛ: «Wɔ yɛ w'a yo kpɛnngbɛn yɛ. Ɔ mma'm be kusu be nanti-man kpa kɛ wɔ sa. I sɔ'n ti, kunndɛ famiɛn kun man ye, man ɔ sie ye kɛ nvle kun nga'm be liɛ'n sa .»