Jɔlɛ Difuɛ Mun 7:8 - NYANMIƐN NDƐ'N 1998

⁸ Sran ya nsan yɛ Zedeɔn fali be-ɔ. Yɛ ɔ seli sonja nga'm be kɛ be wɔ be awlo. Be fali be nga be ɔli'n be like diwa nin be awɛ mun. Madianfuɛ'm be nanmue'n ɔ o Zedeɔn liɛ'n i bo ngua lika tɔnun'n nun.

Jɔlɛ Difuɛ Mun 7:8 ပူးပေါင်းရင်းမြစ်များ

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Saun Yolɛ 23:24

ɔ `kan ndɛ yɛ mun kle Izraɛlfuɛ mun. I waan: «Anglo nso su'n i cɛn ba klikli'n, man be bo awɛ, kɛ awɛ'n tɛ'n, amun `yia min dunman nun nan amun `manman min.

Saun Yolɛ 25:9

Kɛ ɔ sin sɔ'n, anglo nso'n su'n i cɛn ba blu'n su'n, b'ɔ ti sa tɛ i ti srɛlɛ cɛn dan'n, amun `bo awɛ be sin mɛn wunmuan'n nun. Kɛ amun ´bo awɛ'n be ´sin'n, wuun amun ´talo.

Kalɛ 10:9

Blɛ bɔ amun o amun mɛn'n nun bɔ amun kpɔfuɛ'm be ´fa alɛ wla amun sin'n bɔ amun nin be ´ko kun'n, amun `bo sro yɛ amun `bo awɛ'n, i liɛ'n min bɔ n ti Anannganman amun Nyanmiɛn'n, mín wla ´kpɛn amún su, kpɛkuun n ´de amun amun kpɔfuɛ'm bé sa nun.

Zozie 6:20

Kɛ be boli awɛ'n bɔ nzrafuɛ'm be tili'n, be kpannin alɛ kpanlɛ kekle kpa, kpɛkuun talɛ'n tu tɔli. E ´ijɔ wa-a, Izraɛlfuɛ'm b'a wlu klɔ'n nun lalaa. Sran kun kɔ i nyrun ndɛnman su sran kun kɔ i nyrun ndɛnman su, yɛ be fali klɔ nin-ɔn.

Zozie 6:4

Man Nyanmiɛn nyrun jranfuɛ nso be fa awɛ nso be dun mmua Nyanmiɛn i alaka'n nyrun. I le nso su'n, amun `bo sin yia klɔ'n kpɛ nso. Kɛ amun ´nanti'n, wuun Nyanmiɛn nyrun jranfuɛ'm be ´fita awɛ nun.

Jɔlɛ Difuɛ Mun 3:27

Kɛ ɔ wluli klɔ nun cɛ'n, yɛ ɔ fitali awɛ nun Efraim oka'n su lɔ-ɔ. Yɛ Izraɛlfuɛ'm be nin i fin oka'n su lɔ jrali-ɔ, ɔ dun be mmua.

Jɔlɛ Difuɛ Mun 6:33

Madianfuɛ'm be kwlaa be nin Amalɛkfuɛ mun, yɛ be nga be tran wia afiliɛ lɔ'n bé ti yiali. Be kpɛli Zurdɛn'n nan b'a bo be nanmue Zizreɛl kongo'n nun.

Jɔlɛ Difuɛ Mun 7:7

Yɛ Anannganman seli Zedeɔn kɛ: «Sran ya nsan nga be nɔn nzue'n bé sa nun'n, be yɛ n ´fa be n de amun-ɔn, be yɛ man n ´yi Madianfuɛ mun m ´man wɔ-ɔ. Man be nga'm be kwlaa be sa bé sin be tranwlɛ'm be nun.»

Jɔlɛ Difuɛ Mun 7:9

Kɔnguɛ'n, Anannganman seli Zedeɔn kɛ: «Jaso, ko utu Madianfuɛ'm be nanmue'n, afin m'an yi i m'an man wɔ.