Jɔlɛ Difuɛ Mun 7:25 - NYANMIƐN NDƐ'N 1998

²⁵ Yɛ be trali Madian famiɛn i awlo lɔ sran dan nnyɔn mun-ɔn: Orɛb nin Zeɛb. Kan be kunnin Orɛb'n yɛlɛ Orɛb yɛbuɛ'n su. Yɛ kan be kunnin Zeɛb'n yɛlɛ waka mma nzue cuɛnwlɛ bɔ be flɛ i Zeɛb'n su lɛ. Be suli Madianfuɛ'm be su nan b'a fa Orɛb nin Zeɛb bé ti mun a blɛ Zedeɔn Zurdɛn'n i bue kun lɔ.

Jɔlɛ Difuɛ Mun 7:25 ပူးပေါင်းရင်းမြစ်များ

Jue Mun 83:10

Kle be nun kɛ a fa kleli Sizɛra nin Zabɛn be nun Kizɔn nzue ba'n i nuan lɔ'n sa. Kle be nun kɛ a kleli Madianfuɛ'm be nun sa .

Ezai 10:26

Anannganman b'ɔ sie mɛn wunmuan'n ɔ wa mɛn i ngble'n su ɔ ´fa bo be kɛ ɔ fa boli Madianfuɛ mun Orɛb yɛbuɛ'n su lɔ'n sa. Ɔ ´mɛn i waka'n su jenvie'n su kɛ ɔ yoli i Ezipt lɔ'n sa.

Ezai 9:4

Be kpɔfuɛ'm be ngbabua nga be sili be ase gbugbu be fa ko kunnin alɛ'n nin tralɛ nga be kondoli mmoja nun'n, sin yɛ ɔ ´di be-ɔ, be ´yra kɔlikɔlikɔli.

Abakik 3:7

Etiopifuɛ'm be wla bɔ ɔ'a bo bé wun'n, n wun i. Madianfuɛ'm be kusu srɛ ng'ɔ kun be'n, n wun i ekun.

Zozie 7:26

I sin be fali yɛbuɛ kpanngban kpa be guɛli i su kunndunngluun. Yɛbuɛ kwle sɔ'n tɛ o lɛ ndɛ. I sɔ'n ti yɛ be flɛli lɛ lika sɔ'n kɛ Nyrɛnnɛn kongo nin-ɔn. Kɛ ɔ yoli sɔ'n yɛ Anannganman yacili i ya nin-ɔn.