Jɔlɛ Difuɛ Mun 7:22 - NYANMIƐN NDƐ'N 1998

²² Yɛ sran ya nsan'm be fitali awɛ'n nun ekun-ɔn. Kpɛkuun Anannganman man Madianfuɛ nga bli i nyin wɔ i wiengu tokofi, nga bli i nyin wɔ i wiengu tokofi, kɛ ɔ ´yo sɔ'n, wuun be ´wanndi. Be wanndi lele juli Bɛt-Sita kɛ a fa kɔ Zɛrera klɔ wun lɔ'n, yɛ be juli Abɛl-Mɛɔla i nuan lɔ ekun Tabat wun lɔ.

Jɔlɛ Difuɛ Mun 7:22 ပူးပေါင်းရင်းမြစ်များ

1 Famiɛn Mun 19:16

I sin'n, gua Nimsi i wa liɛ Zei i ti su ngo, nan ɔ `yo Izraɛl famiɛn, kpɛkuun gua Safat ng'ɔ fin Abɛl-Mɛɔla'n i wa Elize i ti su ngo, nan ɔ `sin wɔ osu ɔ `yo min nuan ijɔfuɛ.

1 Famiɛn Mun 4:12

Asilid i wa Baana, i liɛ'n yɛlɛ Tanak, nin Megido, ɔ nin Bɛt-Sean lika'n kwlaa. Bɛt-Sean lika'n to Zartan b'ɔ o Zizreɛl'n i bo ngua lɔ'n, ɔ fɛ i Bɛt-Sean ɔ fa sin Abɛl-Mɛɔla, lele ɔ fa ju Zɔkmeam. Ɔ tra Zɔkmean'n su bɔbɔ.

2 Be Nyoliɛ 20:23

Amɔnfuɛ mun nin Moabfuɛ'm be tɔli Edɔmfuɛ'm be su be kunnin be lele be wieli weiin. I sin be blili bé nyin be kunnin be bɔbɔ bé wun.

Jue Mun 83:9

Asirifuɛ mun be fali bé wun be ukali be su, kɛ be ´suan Lɔt i osu'n nunfuɛ'm bé bo.

Ezai 19:2

Anannganman waan: «N wa yo man Eziptfuɛ'm be ngunmin ngunmin be ´kun, sran kun nin niaan be ´tu, sran kun nin i janvuɛ be ´kan ndɛ, klɔ kun nunfuɛ'm be nin klɔ uflɛ nunfuɛ'm be ´kun, famiɛn kun wa jaso i wiengu famiɛn kun wun.

Ezai 9:3

Afin sielɛ wafa nga sran wie'm be fa sie be'n b'ɔ ti kɛ trɔ sa'n, a yili i be su. Waka nga be fa bo be'n, a bubuli be nun. Ngble nga be fa kle be nyrɛnnɛn'n, a kpɛkpɛli be nun. Like nga a fa yoli Madianfuɛ mun laa'n, i kunngba'n yɛ a yoli-ɔ.

Ezai 9:4

Be kpɔfuɛ'm be ngbabua nga be sili be ase gbugbu be fa ko kunnin alɛ'n nin tralɛ nga be kondoli mmoja nun'n, sin yɛ ɔ ´di be-ɔ, be ´yra kɔlikɔlikɔli.

Ezekiɛl 38:21

N ´yo man be fa alɛ wla ɔ sin min oka'm be kwlaa be su. Sran kun nin i niaan be ´kun.» Anannganman Nyanmiɛn'n yɛ ɔ kan sɔ-ɔ.

Abakik 3:14

E kpɔfuɛ'm bé su kpɛnngbɛn nga be ´kpla be ´ba sa'n, a ´se kɛ aunngban dan wie yɛ ɔ su fita-a. Kɛ be ´ba'n, wuun be ´kpan aklunjuɛ kpanlɛ'n be ba kɛ be wa keje e nun. Be ´ba'n, be buabua bé wun kɛ be ´fia be ´kun ye, sanngɛ a de be bɔbɔ bé sa nun ta mma mun fa fitifiti bé ti'n.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 14:13

I sɔ blɛ'n nun'n, Anannganman'n ´fa utre dan kpa yi be afiɛn. Be ´sɔsɔ be wiengu sa, be ´bo be wiengu acɔliɛ.

2 Korɛntfuɛ Mun 4:7

E bɔ e lɛ Nyanmiɛn ninnge kpakpa sɔ mun'n, e ti kɛ sɛ sa, ɔ man be wun i wlɛ kɛ e kwla yo-man like fi, sanngɛ Nyanmiɛn b'ɔ kwla like kwlaa yo'n yɛ ɔ yo sa-a.

Zozie 3:16

nzue'n i bue ng'ɔ fin nglo lɔ'n, ɔ jrannin, ɔ boli kofie kunndunngluun'n mmua lɔ, klɔ nga be flɛ i Adam b'ɔ mantan Zartan'n i kokolɛ'n i ndɛnman. Kpɛkuun i bue ng'ɔ sonji kɔ jenvie b'ɔ ti njin nzue klakla'n nun lɔ'n, ɔ wieli nun weiin, nan Izraɛlfuɛ'm b'a kpɛ i be ja nun Zeriko ndɛnman lɛ .

Zozie 6:16

I kpɛ nso'n su'n, kɛ Nyanmiɛn nyrun jranfuɛ'm be fitali awɛ nun'n, Zozie seli nzrafuɛ'm be kɛ: «Amun `kpan! Anannganman fali klɔ'n mannin amun.

Zozie 6:20

Kɛ be boli awɛ'n bɔ nzrafuɛ'm be tili'n, be kpannin alɛ kpanlɛ kekle kpa, kpɛkuun talɛ'n tu tɔli. E ´ijɔ wa-a, Izraɛlfuɛ'm b'a wlu klɔ'n nun lalaa. Sran kun kɔ i nyrun ndɛnman su sran kun kɔ i nyrun ndɛnman su, yɛ be fali klɔ nin-ɔn.

Zozie 6:4

Man Nyanmiɛn nyrun jranfuɛ nso be fa awɛ nso be dun mmua Nyanmiɛn i alaka'n nyrun. I le nso su'n, amun `bo sin yia klɔ'n kpɛ nso. Kɛ amun ´nanti'n, wuun Nyanmiɛn nyrun jranfuɛ'm be ´fita awɛ nun.

1 Samiɛl 18:19

Blɛ b'ɔ juli kɛ be ´fa Merab man David'n, kpɛkuun be fa mannin Adriɛl ng'ɔ fin Abɛl-Mɛɔla'n.