Jɔlɛ Difuɛ Mun 7:2 - NYANMIƐN NDƐ'N 1998

² Anannganman seli Zedeɔn kɛ: «Sran nga be o ɔ́ sa nun'n be sɔnnin ngboko. Sɛ n yi Madian m man Izraɛlfuɛ mun'n, be wa fa di bé nuan be ´se kɛ: ‹E bɔbɔ é sa kekle yɛ e fa nyannin e ti-ɔ.› Kpɛkuun be ´kpi min dunman'n i ase.

Jɔlɛ Difuɛ Mun 7:2 ပူးပေါင်းရင်းမြစ်များ

Bo Bolɛ 46:2

Kpɛkuun Nyanmiɛn kannin ndɛ aolia nun kleli i. Ɔ flɛli i, i waan: «Zakɔb! Zakɔb!» Zakɔb waan: «M'an sro!»

2 Be Nyoliɛ 14:11

Anannganman man Aza nin Zidafuɛ'm be kwlali Etiopifuɛ mun, nan Etiopifuɛ'm b'a wanndi bé bo.

Ezai 10:13

Afin Asiri famiɛn'n seli kɛ: «Min bɔbɔ min wunmiɛn'n yɛ n fa n dili junman ng'ɔ o lɛ'n kwlakwla-a. Min ngwlɛlɛ'n yɛ n fa yoli i kwlakwla-a, afin n ti akunndanfuɛ. N sieli nvle-nvle'm be anyialiɛ'm be uflɛ. N fali nvle-nvle'm be nunfuɛ'm bé anwlɛn su ninnge mun. Kɛ bɔ n lɛ nyrun'n ti'n, n yoli man famiɛn'm be tɔli.

Ezai 2:11

Sran nga be yo bé wun dandan'n, be wa gua be nyin ase, sran nga be tu bé wun'n, be ´kan be ase. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Zeremi 9:23

Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Ezekiɛl 28:17

Ɔ klanman'n ti a tuli ɔ́ wun. A fali ɔ klanman fa sacili ɔ ngwlɛlɛ'n. N ´yi wɔ asiɛ'n su. N ´yo man famiɛn'm be ´yo wɔ kɛ ngowa kanlɛ like sa.

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Abakik 1:16

Be kun nnɛn be fa sɔ be lala mun. Be yra ansans be man be afin sɛ be ´di aliɛ kpa-a, ɔ fin be.

Zakari 12:7

Anannganman ´dun mmua de Zidafuɛ mun. Ɔ ti-mɛn ti-ɔ, David i osu'n nin Zerizalɛmfuɛ'm be ´yo be wun kpakpa Zidafuɛ'm bé su.

Zakari 4:6

Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

Kalɛ 31:4

Amun `fa akpasua'm be kwlaa bé su sran, amun `fa akpasua kun su sran akpi trilili sin yia nun.»

Rɔmfuɛ Mun 11:18

Ɔ man sɛ ɔ ti sɔ'n, nán an bu kɛ an ti kpa tra be nga be kpɛ be guali'n. ?Nguɛ ti yɛ an tu amun wun-ɔn? Afin nán amun yɛ an ti waka'n i bo nin-ɔn.

Rɔmfuɛ Mun 3:27

?Sɛ ɔ ti sɔ'n, nguɛ su yɛ e jran fa di é nuan-an? E lɛ-mɛn i sɔ like mlɔnmlɔn! ?Nguɛ ti yɛ e lɛ-mɛn i sɔ like nin-ɔn? ?Mmla'n b'ɔ man e si like nga e yo'n ti-ɔ? Cɛcɛ, Nyanmiɛn bɔ e lafi i su'n ti-ɔ.

2 Korɛntfuɛ Mun 4:7

E bɔ e lɛ Nyanmiɛn ninnge kpakpa sɔ mun'n, e ti kɛ sɛ sa, ɔ man be wun i wlɛ kɛ e kwla yo-man like fi, sanngɛ Nyanmiɛn b'ɔ kwla like kwlaa yo'n yɛ ɔ yo sa-a.

Efɛzfuɛ Mun 2:9

Nán sa kpa nga an yoli'n ti-ɔ, i sɔ'n ti, sran fi kwla fa di-mɛn i nuan.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»

Mmla'n 8:18

Nán amún wla fi Anannganman amun Nyanmiɛn'n, afin i kunngba cɛ yɛ ɔ kwla man amun wunmiɛn kɛ amun `fa di junman nan amun `nyan like-ɔ. I waan ɔ ´yo i sɔ nan aenguɛ nga ɔ nin amun nannan mun be trali'n ɔ'a taka kɛ ɔ fa taka ndɛ yɛ'n sa.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Samiɛl 14:6

Zonatan seli i gbanflɛn ng'ɔ suɛ i alɛ ninnge'n kɛ: «Bla e wɔ Filistifuɛ nga b'a wla-man be klɛn'm bɔ be nyin yi-man Nyanmiɛn bé wun lɔ. Sɛ Anannganman ´uka ye o! Afin i liɛ'n, sɛ ɔ klo kɛ ɔ ´man sran kwlalɛ'n, ɔ lɛ-man kɛ amun ti kaan, annzɛ amun sɔnnin.»