Jɔlɛ Difuɛ Mun 7:17 - NYANMIƐN NDƐ'N 1998

¹⁷ Ɔ seli be kɛ: «Amun `nian nga n yo'n su be yo. Kɛ n wa ju nanmue i wun lɔ'n, like nga n yo'n amun `nian su be `yo.

Jɔlɛ Difuɛ Mun 7:17 ပူးပေါင်းရင်းမြစ်များ

Matthieu 16:24

Kɛ ɔ yoli sɔ'n, ɔ seli i sɔnnzɔnfuɛ'm be kɛ sran nga i waan ɔ ´su n su'n, man ɔ klɛn i wun man min, yɛ ɔ ´suɛ i waka'n nan ɔ su n su.

1 Korɛntfuɛ Mun 11:1

Kɛ n nian like nga Krist yo'n su n yo'n, amun kusu an `nian nga n yo'n su, an yo.

Hébreu 13:7

An `bu amun kpɛnngbɛn bɔ laa be kan Nyanmiɛn ndɛ kleli amun'n be akunndan. An `nian be nzuɛn'n nin be agualiɛ'n, an `nian kɛ be fa lafili Nyanmiɛn su'n, an `lafi i su sɔ wie.

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

Jɔlɛ Difuɛ Mun 7:16

Zedeɔn buli sran ya nsan'm be nun akpasua nsan. Ɔ wlali bé sa nun awɛ sɛsɛsɛ, yɛ ɔ mannin be sɛ mun. Like fi nun-man sɛ sɔ'm be nun. Ɔ fali tɛ sieli sɛ'm be nun.

Jɔlɛ Difuɛ Mun 7:18

Kɛ min nin min sran mun e ko bo awɛ'n, amun kusu amun `bo awɛ sin yia nanmue'n, kpɛkuun amun `kpan be se kɛ: ‹Anannganman i dunman nun, yɛ Zedeɔn dunman nun.› »

Jɔlɛ Difuɛ Mun 9:48

yɛ ɔ fuli Salmɔn oka'n su-ɔ, ɔ nin i alɛ mma mun. Yɛ ɔ fali kpɛliɛ kun kpɛli waka sama kun. Ɔ mannin su sieli i kɔmin su. Yɛ ɔ seli sran'm be kɛ: «Amun `kan amun wun amun yo be liɛ.»