Jɔlɛ Difuɛ Mun 7:16 - NYANMIƐN NDƐ'N 1998

¹⁶ Zedeɔn buli sran ya nsan'm be nun akpasua nsan. Ɔ wlali bé sa nun awɛ sɛsɛsɛ, yɛ ɔ mannin be sɛ mun. Like fi nun-man sɛ sɔ'm be nun. Ɔ fali tɛ sieli sɛ'm be nun.

Jɔlɛ Difuɛ Mun 7:16 ပူးပေါင်းရင်းမြစ်များ

Bo Bolɛ 14:15

Ɔ buli i sufuɛ'm be nun akpasua-akpasua nan ɔ nin be b'a fa alɛ'n b'a wla famiɛn sɔ'm be sin kɔnguɛ nan b'a kwla be. Abram nin i sran'm be suli be su lele juli Sɔba b'ɔ o Damas i nglo lɔ'n su lɔ.

2 Samiɛl 18:2

Ɔ buli sran'm be nun akpasua nsan. Kun su kpɛn yɛlɛ Zoab b'ɔ ti Zɛriza i wa'n, kun ekun su kpɛn yɛlɛ Zoab i niaan bian Abisai, yɛ kun ekun liɛ yɛlɛ Itai b'ɔ ti Gatfuɛ'n. Famiɛn'n seli sonja'm be kɛ: «M bɔbɔ min nin amun e ´kɔ alɛ'n i kunlɛ'n wie.»

2 Korɛntfuɛ Mun 4:7

E bɔ e lɛ Nyanmiɛn ninnge kpakpa sɔ mun'n, e ti kɛ sɛ sa, ɔ man be wun i wlɛ kɛ e kwla yo-man like fi, sanngɛ Nyanmiɛn b'ɔ kwla like kwlaa yo'n yɛ ɔ yo sa-a.

Jɔlɛ Difuɛ Mun 7:15

Kɛ Zedeɔn tili laliɛ'n nin i bo tulɛ'n, ɔ kotoli Anannganman i bo nan ɔ'a lɛ i ase, yɛ ɔ sɛli i sin Izraɛl nanmue'n nun lɔ-ɔ. Ɔ seli be kɛ: «Amun `jaso! Anannganman ɔ'a yi Madianfuɛ'm be nanmue ɔ'a man amun.»

Jɔlɛ Difuɛ Mun 7:17

Ɔ seli be kɛ: «Amun `nian nga n yo'n su be yo. Kɛ n wa ju nanmue i wun lɔ'n, like nga n yo'n amun `nian su be `yo.

1 Samiɛl 11:11

Kɛ i aliɛ cɛnnin'n, Sail bubuli sran'm be nun akpasua nsan. Be wluli Amɔnfuɛ'm be nanmue'n nun aliɛ njɛnniɛn su. Be kunnin be lele fa juli wia jran. Be nga be nyannin bé ti'n be bo sanndili. Sran nnyɔn sa b'a tran-man likawlɛ kun.