Jɔlɛ Difuɛ Mun 7:15 - NYANMIƐN NDƐ'N 1998

¹⁵ Kɛ Zedeɔn tili laliɛ'n nin i bo tulɛ'n, ɔ kotoli Anannganman i bo nan ɔ'a lɛ i ase, yɛ ɔ sɛli i sin Izraɛl nanmue'n nun lɔ-ɔ. Ɔ seli be kɛ: «Amun `jaso! Anannganman ɔ'a yi Madianfuɛ'm be nanmue ɔ'a man amun.»

Jɔlɛ Difuɛ Mun 7:15 ပူးပေါင်းရင်းမြစ်များ

Bo Bolɛ 24:48

Nan m'an koto Anannganman b'ɔ ti min min Abraam i Nyanmiɛn'n i bo m'an lɛ i ase. Afin i ti man m'an nanti ye m'an fa to min min'n i niaan wa'n.

Bo Bolɛ 40:8

Yɛ be waan: «E cɛnnin laliɛ e nyan-man sran nan ɔ'a tu i bo ɔ'a man ye.» Yɛ Zozɛf waan: «?Nán Nyanmiɛn sa nun yɛ ninnge kwlaa be bo tulɛ'n fin-ɔn? An `kan kle min man n nian e.»

Bo Bolɛ 41:11

e sran nnyɔn'n e cɛnnin laliɛ kɔnguɛ kunngba nun, e laliɛ'm bé bo'n ti kunngun.

Jɔlɛ Difuɛ Mun 3:28

Ɔ seli be kɛ: «Nanwlɛ Anannganman ɔ'a yi Moabfuɛ mun bɔ be ti amun kpɔfuɛ'n ɔ'a man amun. Amun man e wɔ!» Be suli i su. Be fali kan be nanti bé ja nun kpɛ Zurdɛn lɛ. B'a man-man sran fi atin kɛ ɔ sin.

Jɔlɛ Difuɛ Mun 4:14

Yɛ Debora seli Barak kɛ: «Jaso, ndɛkɛn yɛ Anannganman ɔ ´yi Sizɛra ´man wɔ-ɔ. Anannganman bɔbɔ ɔ ´dun mmua ɔ nyrun.» Yɛ Barak fin Tabɔr oka'n su jrali-ɔ. I sa nun sran'm be ti akpi blu (10.000).

Jɔlɛ Difuɛ Mun 7:11

Ndɛ nga a wa ti i lɔ'n, ɔ wa wla wɔ fanngan. Ɔ man kɔ be nanmue nuan lɛ.» Yɛ ɔ nin i sufuɛ Pira be ɔli-ɔ. Be juli Madianfuɛ'm be nanmue nuan, be juli be nga be sasa lika'n bé wun koko lɛ.

Jɔlɛ Difuɛ Mun 7:14

Yɛ i wiengu'n seli i kɛ: «Zɔas i wa Zedeɔn b'ɔ ti Izraɛlfuɛ'n, i tokofi'n su laliɛ cɛ yɛ a cɛnnin i lɛ-ɔ. Nán like uflɛ fi-ɔ. Nyanmiɛn ɔ'a yi Madianfuɛ mun be nin be nanmue kwlaa ɔ'a mɛn i.»

Jɔlɛ Difuɛ Mun 7:16

Zedeɔn buli sran ya nsan'm be nun akpasua nsan. Ɔ wlali bé sa nun awɛ sɛsɛsɛ, yɛ ɔ mannin be sɛ mun. Like fi nun-man sɛ sɔ'm be nun. Ɔ fali tɛ sieli sɛ'm be nun.

Jɔlɛ Difuɛ Mun 8:7

Zedeɔn kusu seli be kɛ: «Sɛ Anannganman yi Zebak nin Zalmɔna man min'n, n ´fa aawlɛ'n nun lɔ owie'n n ´fa titi amun wunnɛn kplo'n.»

1 Samiɛl 1:28

Ɔ man n kusu n waan n ´fɛ i man Anannganman. Ɔ ´yo i liɛ lele ɔ ´fa ju i wie cɛn.» Kɛ ɔ yoli sɔ'n, yɛ Ɛlkana i awlofuɛ'm be kwlaa be kotoli Anannganman i bo-ɔ.

1 Samiɛl 14:12

Kpɛkuun be seli Zonatan nin i alɛ ninnge suafuɛ'n be kɛ: «Amun `bla man e kan ndɛ kun e kle amun.» Zonatan seli i alɛ ninnge suafuɛ'n kɛ: «Su mín su! Anannganman ɔ'a yi be ɔ'a wla e Izraɛlfuɛ mun e sa nun.»